<p><strong>Karthika Deepam Edi Nava Vasantham Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కార్తీకదీపం 2" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(ఆగస్టు 26న) రాత్రికి ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>మీరు రావొద్దు మామయ్యా..</strong></p>
<p>మాలిని జ్యోత్స్న పెళ్లికి రెడీ అయి దక్షిణామూర్తిని పెళ్లికి రావొద్దు అని చెప్తుంది. నేను రాకుండా ఎలా అమ్మా అని దక్షిణామూర్తి అడిగితే మీరు వస్తే అక్కడ మీకు ఎవరూ మర్యాద ఇవ్వరు.. మీ అల్లుడు నోరారా మామయ్యా రండీ అని పిలవడు.. అంత వరకు ఎందుకు మీ కూతురు కూడా మిమల్ని పట్టించుకోదు.. అక్కడికి వచ్చి మీరు అవమానపడటం నాకు ఇష్టం లేదు.. అందరూ మిమల్ని వెతుక్కుంటూ మీ దగ్గరకు వచ్చేలా నేను చేస్తా.. అని మాలిని అంటుంది. ఆ రోజు దగ్గరకు వచ్చేసింది కదా అని దక్షిణామూర్తి అంటాడు. అంతా మీరు అనుకున్నట్లే జరుగుతుంది. అందులో ఏ మార్పు ఉండదు.. ఈ సారి మీరు తలెత్తుకొని తిరిగేలా చేస్తా.. అని మాలిని అంటే.. మనవరాలి పెళ్లి చూడకుండా ఉండిపోతా కదా అని దక్షిణామూర్తి అంటే మంచి జరుగుతుంది కదా అది చాలు మీరు అనుకున్నది సాధించుకొని వస్తా అని మాలిని వెళ్తుంది. </p>
<p>Also Read<strong>: <a title="Bethlehem Kudumba Unit Telugu Release Date - తెలుగులోకి 15 రోజులు లేటుగా... Vishwanath And Sons తర్వాత మమితా బైజు ఖాతాలో మరో హిట్" href="https://telugu.abplive.com/entertainment/cinema/bethlehem-kudumba-unit-telugu-release-mamitha-baiju-malayalam-hit-arrives-15-days-late-know-why-257154" target="_self">Bethlehem Kudumba Unit Telugu Release Date - తెలుగులోకి 15 రోజులు లేటుగా... Vishwanath And Sons తర్వాత మమితా బైజు ఖాతాలో మరో హిట్</a></strong></p>
<p><strong>జ్యోత్స్నకి సూరజ్ గిఫ్ట్..</strong></p>
<p>సూరజ్ జ్యోత్స్న దగ్గరకి వెళ్లి మాట్లాడి జ్యోత్స్నకి ఓ గిఫ్ట్ ఇస్తాడు. ఇప్పుడు ఏంటి అని జ్యోత్స్న అడిగితే మనసులో ఉన్నది.. మనసుతో ఇస్తున్నా అని సూరజ్ అంటాడు. ఇప్పుడే చూస్తా అని జ్యోత్స్న అంటే ఇప్పుడు కాదు.. తర్వాత చూడు అని సూరజ్ అంటాడు. నీ పక్కనే కూర్చొని నీతో పాటు ఇది చూస్తా అని జ్యోత్స్న అంటే నువ్వు ఒక్కదానివే అది చూస్తావ్.. ఆశ్చర్య పోతావ్ అని అంటాడు. మనం ప్రేమికులగా ఉండే ఆఖరి రోజు ఇది.. తర్వాత పెళ్లి అయిపోయి భార్యాభర్తలు అయిపోతామ్.. నా మీద నీకు నీ మీద నాకు కొన్ని అధికారాలు వస్తాయి.. నువ్వు నన్ను తాకలేదు.. ముద్దు పెట్టుకోలేదు.. నువ్వు దగ్గరకు వస్తేనే ఏదో ఫీలింగ్.. తెలీకుండా సిగ్గు పడుతున్నాను.. సూటిగా చూడాలి అనిపిస్తుంది.. కానీ చూడలేకపోతున్నా.. ఇవన్నీ ప్రేమలో ఉండే ఫీలింగ్స్.. అదే పెళ్లి అయిపోతే ఇద్దరం ఒకే రూంలో ఉంటాం.. అది అధికారం అయిపోతుంది.. పెళ్లి ముందు వరకే బాగుండే ఈ ప్రేమకి ఇంకొన్ని జ్ఞాపకాలు కావాలి.. నువ్వు నాకు చాలా సార్లు ప్రపోజ్ చేశావ్.. నేను నీకు ఎప్పుడూ చెప్పలేదు.. కేవలం నువ్వు అంటే ఇష్టమని చెప్తాను. అందుకే మన ప్రేమకి మిగిలిన కొన్ని నిమిషాల్లో నేను ఓ పని చేయాలి అనుకుంటున్నా అని చెప్తుంది. </p>
<p><strong>ఐలవ్‌యూ సూరజ్..</strong></p>
<p> జ్యోత్స్న గులాబి తీసుకొని సూరజ్‌కి ఇచ్చి ఐలవ్‌యూ అని చెప్తుంది. ఈ ప్రపోజల్ నీకు జీవితాంతం గుర్తుంటుంది. మనం పెళ్లి బట్టల్లో ఉన్నాం.. పెళ్లికి రెడీగా ఉన్నాం.. ఇది మనకి బాగా గుర్తుండిపోతుంది. ఇది గులాబి కాదు నా మనసు.. దీన్ని అందుకునే అర్హత నీకు మాత్రమే ఉంది తీసుకో సూరజ్.. నా కంటే ఎక్కువగా నేను నిన్ను ప్రేమిస్తున్నా.. ఇక నా కంటూ ఓ జీవితం లేదు.. మనిద్దరిదీ ఒకటే జీవితం.. జ్యోత్స్న అంటే జాబిలి.. సూరజ్ అంటే సూర్యడు.. ఆకాశం మన జీవితం అయితే ఒక్కడే సూర్యడు.. ఒక్కటే జాబిలి.. నువ్వు వెలుగు నివ్వు.. నేను వెన్నెలనిస్తాను.. నన్ను నీలోకి తీసుకో సూరజ్ ఐలవ్‌యూ.. ఐలవ్‌యూ సోమచ్ అని జ్యోత్స్న అంటుంది. ఓకే అని సూరజ్‌ గులాబి తీసుకొని మండపంలో కలుద్దాం గిఫ్ట్ జాగ్రత్త అని వెళ్లిపోతాడు. జ్యోత్స్న చాలా హ్యాపీ అయిపోతుంది. గిఫ్ట్ జ్యోత్స్న డెస్క్‌లో పెట్టి పెళ్లి వరకు ఇక్కడే ఉండు.. నువ్వు చాలా స్పెషల్ అని జ్యోత్స్న అంటుంది.</p>
<p>Also Read<strong>: <a title="Allu Arjun On Chiranjeevi Birthday - కట్టె కాలే వరకు... చిరు బర్త్‌డేకు అల్లు అర్జున్ చేసిన ట్వీట్‌లో మీనింగ్ తెలుసా?" href="https://telugu.abplive.com/entertainment/cinema/kkavcf-meaning-explained-allu-arjun-tweet-on-chiranjeevi-birthday-went-viral-256979" target="_self">Allu Arjun On Chiranjeevi Birthday - కట్టె కాలే వరకు... చిరు బర్త్‌డేకు అల్లు అర్జున్ చేసిన ట్వీట్‌లో మీనింగ్ తెలుసా?</a></strong></p>
<p><strong>మాలినిని ముందు వరసలో కూర్చొపెట్టు.. </strong></p>
<p>పెళ్లి పందిరి దగ్గర శివన్నారాయణ, దశరథ్, కార్తీక్‌లు అందరినీ రిసీవ్ చేసుకుంటూ ఉంటారు. సూరజ్‌ని పెంచిన వ్యక్తి రావడంతో ఆయనకు మర్యాద చేసి సూరజ్‌ తరఫున ఒకే ఒక బంధువు వచ్చేశారు. ఇక తన తరుఫున ఎవరూ లేరు అని శివన్నారాయణ అంటే అప్పుడే మాలిని ఎంట్రీ ఇస్తుంది. ఏంటి నువ్వే వచ్చావ్ మీ మామయ్య రాలేదా.. కయ్యానికి అయితే ముందు వచ్చేస్తాడు అని చెప్తారు. తర్వాత దీపతో మాలినికి ముందు వరసలో కూర్చొపెట్టు.. పెళ్లి బాగా చూడాలి కదా అని శివన్నారాయణ అంటే.. అవును.. జీవితాంతం గుర్తుండాలి కదా అని మాలిని అంటుంది. దీప మాలినిని కూర్చొపెట్టగానే.. ఇక్కడ నుంచి పెళ్లి బాగా కనిపిస్తుంది అని అంటుంది. ఏంటి అత్త తేడాగా మాట్లాడుతున్నావ్ అని దీప అంటుంది. ఇక కార్తీక్ వచ్చి నీకు బాగా బాధగా ఉంటుంది కదా పిన్ని నీ సొంత ఆడపడుచే నిన్ను పలకరించడం లేదు అని కార్తీక్ అంటాడు. <br /> <br /><strong>నిజం చెప్పేస్తా.. </strong></p>
<p>పెళ్లి కూతుర్ని తీసుకురమ్మని పంతులు చెప్తారు. సుమిత్ర, దీపలు జ్యోత్స్నని తీసుకొస్తారు. జ్యోత్స్న కాస్త దూరంలో దాసు, పారు మాట్లాడుతూ ఉంటే.. జ్యోత్స్న చూసి ఒక్క నిమిషం అని వెళ్తుంది. బంగారు బొమ్మలా ఉన్నావమ్మా అని దాసు అంటాడు. తర్వాత జ్యోత్స్న దాసు దగ్గర ఆశీర్వాదం అడిగితే వద్దమ్మా.. నాకు అంత అదృష్టం లేదు.. అని దాసు అంటాడు. ఇక జ్యోత్స్న నువ్వే నా తండ్రివి అని అందరికీ చెప్పేస్తా నాన్న అని జ్యోత్స్న అంటే దాసు షాక్ అయిపోతాడు. వద్దమ్మా నీకు జ్యోత్స్న నా కూతురు అని చెప్పుకోవాలని లేదు.. నువ్వు దశరథ్ అన్న కూతురు అని చెప్పుకుంటేనే నీకు ఈ వైభవం.. చెప్పొద్దు అని దాసు అంటే పారు కూడా చెప్పొద్దు అని అంటుంది. చేసిన పాపాలు కొన్ని అయినా పోవాలి గ్రానీ.. దశరథ్ కూతురిగా పెళ్లి చేసుకుంటా.. దాసు కూతురిలా బతుకుతా.. నా మెడలో తాళి పడిన వెంటనే నిజం చెప్పేస్తా అని అంటుంది. ఇంతలో దీప వచ్చి టైం అయింది పద అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.</strong></a></p>
2 months ago
3 
