Karimnagar Crime News: ఫాలోవర్స్‌తో ఏకాంతంగా గడిపిన భార్య- వీడియోలు షూట్ చేసిన భర్త- డబ్బుల కోసం కరీంనగర్ దంపతుల కన్నింగ్ ప్లాన్  

<p><strong>Karimnagar Crime News:&nbsp;</strong>భార్య యూట్యూబర్, భర్త ఇంటీరియర్&zwnj; డిజైనర్. చాలా రోజులుగా ఆర్థికంగా ఇబ్బందుల్లో ఉన్నారు. తన సోషల్ మీడియాలో ఉన్న ఫాలోవర్స్&zwnj;కు ఆమె బంపర్ ఆఫర్ ఇచ్చింది. ఆమె స్వయంగా కాల్ చేసి ఆఫర్స్ ఇచ్చేది. వచ్చిన వారితో ఏకాంతంగా గడిపేది. వాటిని భర్త సీక్రెట్&zwnj;గా వీడియోలు తీసేవాడు. వాటిని అడ్డం పెట్టుకొని కోట్లు వసూలు చేశారు. కరీంనగర్&zwnj;లో జరిగిన ఈ దందా గురించి తెలుసుకున్న పోలీసులు షాక్ తిన్నారు. వారిని అదుపులోకి తీసుకొని వారి నుంచి భారీ స్థాయిలో న్యూడ్ వీడియోలు, డబ్బులు సహా ఇతర వస్తువులు స్వాధీనం చేసుకున్నారు.&nbsp;</p> <p>మంచిర్యాల జిల్లాకు చెందిన దంపతులు కరీంనగర్&zwnj;లోని ఆరెపల్లిలో &nbsp;ఉంటున్నారు. భర్త డిజైనర్&zwnj;గా పని చేస్తున్నాడు. భార్య యూట్యూబ్ ఛానల్&zwnj; నడుపుతోంది. గత కొంత కాలంగా వీరు ఆర్థిక ఇబ్బందుల్లో ఉన్నారు. దీని నుంచి బయటపడేందుకు సులువైన మార్గాన్ని ఎంచుకున్నారు.</p> <p>సోషల్ మీడియా వేదికగా భార్య తన అర్ధనగ్న ఫోటోలతో ఫాలోవర్స్&zwnj;కు ఎర వేసేది. ఇందులో కాస్త తేడాగా మెసేజ్ చేసేవాళ్లు, వ్యక్తిగతంగా మెసేజ్ చేసే వాళ్లపై వల విసిరేవాళ్లు. వాళ్లతో ఏకంతంగా గడిపేందుకు ఓకే చెప్పారు.<br />&nbsp;<br />భార్య సోషల్ మీడియా ఫాలోవర్స్&zwnj;తో ఏకంతంగా గడిపే సమయంలో ఆ దృశ్యాలను భర్త సీక్రెట్&zwnj;గా షూట్ చేసేవాడు. వీటితో వారిని బెదిరించి డబ్బులు వసూలు చేసేవాళ్లు. ఇలాంటి బాధితులు వందల మంది ఉన్నట్టు తేలింది. బాధితుల్లో వివిధ ప్రొఫెషనల్స్&zwnj; కూడా ఉన్నట్టు పోలీసులు గుర్తించారు. ఎక్కడ వీడియోలు సోషల్ మీడియాలో పెడతారో అని కంగారు పడి వాళ్లు అడిగినంత సమర్పించుకున్నారు.&nbsp;</p> <p>కుటుంబానికి బాగా తెలిసిన వారితో కూడా ఇలాంటి వ్యవహారాన్ని నడిపించారు ఈ దంపతులు. అతని నుంచి భారీగా వసూళ్లు &nbsp;చేశారు. ఈ మధ్య కాలంలో అతను వారికి దూరంగా ఉంటున్నాడు. దీంతో ఫోన్ చేసి ఐదు లక్షలు డిమాండ్ చేశారు. భయపడిపోయిన ఆ వ్యక్తి లక్ష రూపాయలు ఇచ్చాడు. మిగిలిన డబ్బులు త్వరలోనే ఇస్తానని అన్నాడు. ఈ విషయం తెలుసుకున్న బంధువులు ఫిర్యాదు చేయాలని సూచించారు. వారి సలహా మేరకు పోలీసులను ఆశ్రయించడంతో అసలు విషయం వెలుగులోకి వచ్చింది.&nbsp;</p> <p>వెంటనే ట్రాప్ చేసిన పోలీసులు దంపతులను అదుపులోకి తీసుకున్నారు. వారి వద్ద న్యూడ్ వీడియోలు, లక్షల రూపాయల డబ్బు, మొబైల్&zwnj; ఫోన్&zwnj;లు, చెక్&zwnj;లు స్వాధీనం చేసుకున్నారు. ఈ దందాతోనే వారు 65లక్షల ప్లాట్&zwnj;, ఖరీదైన ఫర్నీచర్, బంగారం, కారు, వంటి కొనుగోలు చేసినట్టు పోలీసుల విచారణలో తేలింది.&nbsp;&nbsp;</p>