<p>Who Is Eligible For Kalyana Lakshmi: <a title="ఆంధ్రప్రదేశ్ ప్రభుత్వం మరో కొత్త పథకానికి గ్రీన్ సిగ్నల్ ఇచ్చింది. డ్వాక్రా సంఘాల్లోని మహిళల కుమార్తెల వివాహానికి ఆర్థిక సాయం అందించేందుకు 'కల్యాణలక్ష్మి' పథకాన్ని అమల్లోకి తీసుకురానుంది. " href="https://telugu.abplive.com/search?s=%E0%B0%B8%E0%B1%8D%E0%B0%95%E0%B1%80%E0%B0%AE%E0%B1%8D%E0%B0%B8%E0%B1%8D" target="_self">ఆంధ్రప్రదేశ్ ప్రభుత్వం మరో కొత్త పథకానికి గ్రీన్ సిగ్నల్ ఇచ్చింది. డ్వాక్రా సంఘాల్లోని మహిళల కుమార్తెల వివాహానికి ఆర్థిక సాయం అందించేందుకు 'కల్యాణలక్ష్మి' పథకాన్ని అమల్లోకి తీసుకురానుంది. </a>మే 23న ముఖ్యమంత్రి <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> నాయుడు ఈ స్కీమ్ స్టార్ట్ చేయనున్నారు. కల్యాణలక్ష్మి పథకాన్ని సెర్ప్, స్త్రీనిధి సంస్థలు సంయుక్తంగా అమలు చేయనున్నాయి. ఆడపిల్లల పెళ్లికి కల్యాణలక్ష్మి స్కీమ్ కింద రూ.లక్ష వరకు పావలా వడ్డీకి లోన్ మంజూరు చేస్తారు. </p>
<p>2026-27 నుంచి కల్యాణలక్ష్మి పథకం అమలుకు రూ.250 కోట్లు మంజూరు చేయాలని ప్రతిపాదనలో ఉన్నట్లు అధికారులు తెలిపారు. ఏడాదికి కనీసం 25 వేల మంది డ్వాక్రా మహిళల కుమార్తెలకు ఈ పథకం కింద లబ్ది చేకూరనుంది. "అమ్మాయి పెళ్లి ఆర్థిక భారం కాదు.. ఆమె గౌరవం" అనే నినాదంతో ఈ స్కీమ్ ను ఏపీ ప్రభుత్వం అమలు చేయనుంది. </p>
<h4>Also Read: <a title="ఆడపిల్లల కోసం కేంద్ర ప్రభుత్వ టాప్ 4 స్కీమ్స్ ఇవే! వీటిలో చేరితే భవిష్యత్ బంగారమే!" href="https://telugu.abplive.com/telangana/top-4-central-government-schemes-for-the-girl-child-benefits-eligibility-247196" target="_self">ఆడపిల్లల కోసం కేంద్ర ప్రభుత్వ టాప్ 4 స్కీమ్స్ ఇవే! వీటిలో చేరితే భవిష్యత్ బంగారమే!</a></h4>
<h3>కల్యాణలక్ష్మి ముఖ్య వివరాలు </h3>
<p>1. డ్వాక్రా సభ్యురాలి కుమార్తె వివాహానికి లోన్ <br />2. రూ.10 వేల నుంచి రూ.లక్ష వరకు లోన్ మంజూరు <br />3. 4% వడ్డీకి లోన్ <br />4. ఎలాంటి ప్రాసెసింగ్‌ ఛార్జీలు లేవు<br />5. తీసుకున్న మొత్తానికి అనుగుణంగా ఈఎంఐలు, గరిష్టంగా 48 వాయిదాలు </p>
<h3>అర్హులు</h3>
<p>డ్వాక్రా సంఘంలో ఆరు నెలలు లేదా అంతకంటే ఎక్కువకాలంగా ఉన్న సభ్యురాలు.<br />బ్యాంకు, స్త్రీనిధి, ఉన్నతి, ఇతర లోన్లను సక్రమంగా చెల్లించాలి.</p>
<h3>ఎలా దరఖాస్తు చేసుకోవాలి?</h3>
<p>స్థానిక వెలుగు ఆఫీస్ లేదా VAO/యానిమేటర్‌ ద్వారా దరఖాస్తు చేసుకోవచ్చు. లబ్ధిదారు బయోమెట్రిక్‌ ద్వారా ఈ స్కీమ్ అమలు చేస్తారు.</p>
<p><strong> కావాల్సిన డాక్యుమెంట్స్ </strong></p>
<ul>
<li>లగ్న పత్రిక</li>
<li>పెళ్లి కార్డు</li>
<li>పెళ్లి ఖర్చు అంచనా పత్రం</li>
</ul>
<p>వివాహానికి సంబంధించిన వివరాలు పరిశీలించి డ్వాక్రా సభ్యురాలి బ్యాంకు అకౌంట్ నేరుగా నగదు జమ చేస్తారు. సభ్యురాలి సబ్మిట్ చేసిన పత్రాలు పరిశీలించిన తర్వాత 48 గంటల్లో లోన్ ప్రాసెస్‌ చేస్తారు.</p>
3 weeks ago
5 
