<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 16న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. </p>
<p><br /><strong>క్రిష్‌ని మాడ్చేసిన బంటీ</strong><br /> <br />పద్మాక్షి క్రిష్‌కి చెప్పులు తుడవమని చెప్పి తర్వాత తినమని ఫుడ్ ప్లేట్‌లో పెట్టి ఓ చోట పెడుతుంది. క్రిష్ సరే అని చెప్పులు తుడుస్తాడు. పద్మాక్షి వెళ్లగానే బంటీ బయటకు వచ్చి ఎంత తిన్నా పొట్ట ఫుల్ అవ్వలేదు అని క్రిష్‌ కోసం పద్మాక్షి పెట్టిన అన్నం తీసుకెళ్లి చాటుగా తినేస్తాడు. మొత్తం తినేసి కిచెన్‌లో ప్లేట్ పెట్టేసి చాటుగా నిల్చొంటాడు. ఇక పద్మాక్షి సిరి కోసం కూడా భోజనం రెడీ చేసి సిరిని తీసుకురావడానికి వెళ్తుంది. ఇంతలో క్రిష్ పని చేసి సిరి ఫుడ్ కోసం చూసి సిరి కోసం పెట్టిన భోజనం తీసుకొని తినబోతే సిరిని తీసుకొచ్చిన పద్మాక్షి క్రిష్ని తినకుండా ఆపుతుంది. సిరి కోసం పెట్టిన ఫుడ్ నువ్వు తింటావేంట్రా అని తిడుతుంది. క్రిష్‌ని తిట్టడం చూసిన బంటీ ఇప్పుడు కడుపు నిండింది అనుకుంటాడు. </p>
<p><strong>ఇంటికొచ్చిన విహారి..</strong></p>
<p>విహారి వాళ్లు ఇంకా రాలేదు సహస్రకైనా ఫోన్ చేయ్ వదినా అని పద్మాక్షి దగ్గరకు యమున వచ్చి అడుగుతుంది. ఇంతలో విహారి వాళ్లు వచ్చేస్తారు. బావ లిఫ్ట్‌లో ఇరుక్కున్నాడమ్మా అందుకే లేటు అయింది అని సహస్ర చెప్తుంది. ఇక అందరూ ఇంట్లోకి వెళ్తారు. మహా క్రిష్ ఎక్కడ ఉన్నాడు అని వెతుకుతూ ఉంటుంది. సహస్ర మహాని చూసి చెప్తానే నీ పని అని మహా వెనకాలే వెళ్లి మహ గొంతు పట్టి నలిపేస్తుంది. అక్కడ ఆఫీస్ అని మా పిన్ని బాబాయ్ అందరూ ఉన్నారు అని ఊరుకున్నాను. ఇంకోసారి నువ్వు మా బావతో పిచ్చి పిచ్చి వేషాలు వేస్తే ఊరుకోను అని అంటుంది. దానికి మహా మీకు అప్పుడు చెప్పా ఇప్పుడు చెప్తా.. నేను విహారి గారి పీఏను ఆయనతో కలిసి వెళ్లాను.. లిఫ్ట్ ఆగిపోవడంతో ఒకరి మీద ఒకరు పడ్డాం అంతే మీరు ఏదేదో ఊహించుకోవద్దు అని అంటుంది. దానికి మహా ఏది ఏమైనా మా బావ దగ్గరకు ఎవరు వచ్చినా ఊరుకోను అని సహస్ర అంటుంది. దానికి మహా చూడండి మీరు ఎంత అందంగా ఉన్నారు. ఇంత అందమైన భార్యని పెట్టుకొని ఆయన మా లాంటి వాళ్లని చూస్తారా.. ఆయన రాముడు మీరు సీత మేం ఏంటండీ భక్తులం ఆరాధిస్తాం అంతే అని అంటుంది.</p>
<p><strong>సహస్రమ్మ మారలేదు..</strong></p>
<p>అప్పుడు సహస్రమ్మ ఇప్పుడు సహస్రమ్మ ఏం మారలేదు. తను సంతోషంగా లేదు.. విహారి గారిని సంతోషంగా ఉంచడం లేదు. ఏం మాట తీసుకొని నన్ను పంపేసిందో.. నా త్యాగం అంతా వృథా అయిపోయింది.. ఇప్పుడు నాకు దేవుడు ఇంకో అవకాశం వచ్చింది.. మార్చుతా అందర్ని మార్చుతా అని అనుకుంటుంది. క్రిష్ ఎక్కడున్నాడో ఏంటో అని వెళ్తుంది.. </p>
<p><strong>నువ్వు సూపర్ హీరో అయితే నేను విలన్..</strong></p>
<p>బంటీ క్రిష్ గదికి వచ్చి క్రిష్ కోసం చూస్తాడు. క్రిష్ లేకపోవడంతో ఓరేయ్ క్రిష్ నువ్వు సూపర్ హీరో అయితే నేను సూపర్ విలన్‌ని.. చెప్తారా నీ సంగతి అని క్రిష్ బెడ్ మీద బకెట్‌తో నీళ్లు తెచ్చి బెడ్ మీద కింద పడేస్తాడు. నువ్వు ఇప్పుడు ఎలా పడుకుంటావో నేను చూస్తారా. బంటీతో పెట్టుకుంటే ఎలా ఉంటుందో చూపిస్తా అని అక్కడి నుంచి వెళ్లిపోతాడు. తర్వాత క్రిష్ గదికి వచ్చి చూసి నీరేంటి అనుకుంటాడు. బడ్ కూడా తడిసిపోయి ఉండటం చూసి ఇప్పుడు ఎలా పడుకోవాలి.. ఎవరు చేశారో ఏంటో అని బయటకు వెళ్లిపోతాడు. </p>
<p><strong>క్రిష్‌ని చూసి తల్లడిల్లిపోయిన మహా..</strong></p>
<p>క్రిష్ గదిలో పడుకోలేక బయటకు వచ్చి కింద పడుకుంటాడు. దోమలు కరవడంతో ఇబ్బంది పడుతూ ఉంటాడు. ఇంతలో మహా చూసి నాలాగే నా కొడుకు ఇబ్బందులు పడుతున్నాడు అని అనుకుంటుంది. క్రిష్ దగ్గరకు వెళ్లి ఇక్కడ పడుకున్నావ్ ఏంటి అని అడిగితే బెడ్ మొత్తం తడిచిపోయింది అని క్రిష్ చెప్తాడు. ఇక్కడ పడుకోలేవు కానీ నాతో నా గదికి వచ్చేయ్ అని మహా పిలిస్తే వద్దు అని క్రిష్ అంటాడు. మహా ఎంత చెప్పినా వినకుండా అక్కడే పడుకుంటాడు. మహా ఏం చేయలేక దుప్పటి తెచ్చి కప్పుతుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
1 month ago
3 
