<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 14న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. <br /> <br /><strong>ఇదీ మీ ఇంటి భోజనమే.. </strong></p>
<p>సహస్ర విహారి కోసం భోజనం వండి ఆఫీస్‌కి క్యారేజ్ తీసుకొస్తుంది. విహరి చేతులు కడుక్కోవడానికి వెళ్తే వెనకాలే సహస్ర వెళ్తుంది. ఇద్దరూ తిరిగి వచ్చే సరికి లక్ష్మీ అలియాస్ మహా క్యారేజ్ తినేస్తుంది. పక్కవాళ్లవి పర్మిషన్ లేకుండా తినడానికి సిగ్గు లేదా అని సహస్ర అడిగితే నేను విహారి గారి పీఏని అన్నీ నేను టేస్ట్ చేసి ఆయనకు చెప్పాల్సిందే అంటుంది. తర్వాత విహారిని తినమని మహా అంటే నేను తినను అని విహారి అంటాడు. నేను కష్టపడి వండిన వంటలు మా బావ తినకుండా చేశావ్ అని సహస్ర అంటే ఏంటి ఇవి మీరు మీ చేతులతో చేశారా.. మరి నాకేంటి మా ఆఫీస్ పక్కనే ఉన్న హోటల్ ఫుడ్‌లా అనిపిస్తుంది అని మహా అంటుంది. నేను ఇంత కష్టపడి వండి తెస్తే అలా అంటావేంటి అని సహస్ర అంటుంది. ఏదో డౌట్‌ వస్తే అడిగేశా అని మహ అంటుంది. విహారి వెళ్లిపోతూ ఉంటే మహా ఆపి పండు ముందే మీ కోసం బాక్స్ తెచ్చాడు.. తినండి బాస్ ఆవి కూడా మీ భార్య చేసినవే అని అంటుంది. ఇక చారుకేశవ రావడంతో ముగ్గురు భోజనం చేస్తారు. </p>
<p><strong>అదో అనాథ.. </strong></p>
<p>సుభాష్‌ అంబికను కలిసి విహారి కొత్త పీఏ ఎవరు అని అంటే అదో అనాథ అని అంబిక అంటుంది. తను ఎవరు అయినా సరే కానీ తను మన ఫైల్స్ అన్నీ ఆపేస్తుంది అలా అయితే మన పని అయిపోతుంది అని సుభాష్ అంటే అవును మొన్న కూడా అది మన ఫైల్ ఆపేసింది అని అంబిక అంటే మరి చూస్తూ ఊరుకుంటావేంటి తనని జాబ్ నుంచి తీసేలా చేయ్ అని అంటాడు. విహారినే దాన్ని జాబ్‌లో పెట్టుకున్నాడు తీయడం అంత ఈజీ కాదు అని అంబిక అంటుంది. దాన్ని ఓ కంట కనిపెడుతూ ఉండు ఈ పీఏ కూడా ఆ లక్ష్మీలా మారితే మనకే ప్రమాదం అని చెప్తాడు. అది ఎత్తులు వేస్తే నేను పై ఎత్తులు వేసి చెక్ పెడతా అని అంబిక అంటుంది. </p>
<p><strong>ఆ కంపెనీ వద్దు.. </strong></p>
<p>విహారి బోర్డు మీటింగ్ పెట్టి కంపెనీ గ్రోత్ గురించి అందరికీ టార్గెట్స్ ఇస్తాడు. విహారి ఆర్వీఎస్‌ కంపెనీ నుంచి రా మెటీరియల్ తెప్పించాలని అనుకున్నా వాళ్లనే ఫైనలైజ్ చేయాలి అనుకుంటున్నా అంటాడు. ఎవరికైనా ప్రాబ్లమ్ ఉంటే చెప్పమని అంటాడు. అంబిక మనసులో వాళ్లతో ఆల్రెడీ నేను చేతులు కలిపేశా.. వాళ్లు నాసిరకం రా మెటీరియల్ ఇస్తారని అనుకుంటుంది. అందరూ ఆ కంపెనీకి ఓకే చెప్పేస్తారు. ఇంతలో మహా నా ఓపినియన్ నేను చెప్తా అని మీరు చెప్పిన కంపెనీ నిజంగానే టామ్ మోస్ట్ కంపెనీ ఒప్పుకుంటా కానీ వాళ్లకి క్వాలిటీ మెటీరియల్ ఇవ్వలేరు అనే పేరు కూడా ఉంది అని చెప్పి అందుకు సంబంధించి ప్రూఫ్స్ కూడా చూపిస్తుంది. </p>
<p><strong>లిఫ్ట్‌లో విహారి, లక్ష్మీ..</strong></p>
<p>హరికృష్ణ కంపెనీ గ్రోత్‌కి ఎస్‌వీఎస్ కంపెనీతో టై అప్ అవ్వడమే మంచిది అని చెప్తుంది. విహారి ఓకే చెప్పేస్తాడు. అంబిక తన ప్లాన్ ఫ్లాప్ అయినందుకు డిసప్పాయింట్ అయిపోతుంది. ఇక అందరూ పనులు ముగించుకొని ఇంటికి బయల్దేరుతారు. చివరగా విహారి, మహా ఒకే లిఫ్ట్ ఎక్కుతారు. పర్లేదు నీకు టాలెంట్ ఉంది అని విహారి అంటే మొదటి సారి నన్ను మెచ్చుకున్నారు.. కచ్చితంగా ఈరోజు ఏదో జరగబోతుంది అని మహా అనగానే లిఫ్ట్ ఆగిపోతుంది. ఒకరి మీద ఒకరు పడిపోతారు. బాసు నాకు అసలే పెళ్లి కాలేదు..మీరు అలా మీద పడిపోతారేంటి అని మహా అడుగుతుంది. నేనేం కావాలని పడలేదు అని విహారి అంటే ఏదైనా సరే బ్లాలెన్స్ చేసుకోవాలికదా అని మహా అంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
1 month ago
3 
