<p><strong>Kalavari Kodalu Kanaka Mahalakshmi Serial Today Episode</strong> విహారిని రౌడీలు పొడిచేస్తారు. లక్ష్మీ విహారిని చూసి రౌడీల కంట పడకుండా దాచేస్తుంది. తర్వాత విహారి స్ఫ్రుహలోకి రావాలని తన కడుపు మీద చేయి వేయించి మన బిడ్డ విహారి గారు మీకు స్పర్శ తెలుస్తుందా అని అంటుంది. దాంతో విహారిలో చలనం వస్తుంది. విహారిని వెంటనే హాస్పిటల్‌కి తీసుకెళ్లాలి అని బస్తాలతో నిండి ఉన్న ఓ తోపుడు బండిని చూసి బస్తాలు అన్నీ పడేసి తోపుడు బండి లాక్కొని విహారి దగ్గరకు వెళ్లి విహారిని దాని మీద ఎక్కిస్తుంది. </p>
<p>విహారిని తోపుడు బండి మీద తోసుకెళ్తూ ఉంటుంది. మరోవైపు యమున తమ వారసుడికి ఏం కాకూడదు అని శివ నామస్మరణ చేస్తూ దీక్ష చేస్తుంటుంది. స్వామీజీ కూడా పూజ చేస్తూ ఉంటారు. లక్ష్మీ తోపుడు బండిని తీసుకెళ్తూ ఉంటే ఓ చోట వర్షం వరదకు తోపుడు బండి టైరు బురదలో చిక్కుకుంటుంది. లక్ష్మీ తన బలం మొత్తం ఉపయోగించి బండి తోస్తుంది. దాంతో లక్ష్మీ ముందుకి పడటంతో లక్ష్మీ గర్భానికి విహారి తల, తోపుడు బండి అంచు గట్టిగా తలిగిపోతుంది.</p>
<p><strong>ALSO READ: <a title="కార్తీకదీపం సీరియల్: కొత్త సీఈఓగా దీప బాధ్యతలు తీసుకుంటుందా! దీప, జ్యోత్స్నలో సీఈఓ అయ్యేది ఎవరు? దిమ్మ తిరిగే షాక్ ఇచ్చిన కార్తీక్!" href="https://telugu.abplive.com/entertainment/tv/karthika-deepam-2-serial-today-episode-may-16th-2026-written-update-in-telugu-who-will-be-the-ceo-of-deepa-and-jyotsna-in-star-maa-jio-hotstar-247489" target="_self">కార్తీకదీపం సీరియల్: కొత్త సీఈఓగా దీప బాధ్యతలు తీసుకుంటుందా! దీప, జ్యోత్స్నలో సీఈఓ అయ్యేది ఎవరు? దిమ్మ తిరిగే షాక్ ఇచ్చిన కార్తీక్!</a></strong></p>
<p>లక్ష్మీ బలం మొత్తం ఉపయోగించడం తదితర వాటి వల్ల లక్ష్మీని బ్లీడింగ్ అయిపోతుంటుంది. లక్ష్మీకి ఆ విషయం తెలీదు.. తనకు వస్తున్న నొప్పిని భరిస్తూ భర్తని కాపాడుకోవాలని తోపుడు బండి తోస్తుంది. మరోవైపు ఉదయం గుడికి వెళ్లిన యమునమ్మ ఇంకా ఇంటికి రాలేదు అని పండు గుడికి వచ్చి యమునని చూస్తాడు. దీక్షలో ఉన్న యమునని పిలిచి పొద్దున్న గుడికి వచ్చి ఇంకా రాలేదు కదా అందరూ కంగారు పడుతున్నారు అని అంటాడు. సహస్రకు ఏం కాలేదు కదా అని యమున కంగారు పడుతుంది. ఏం కాలేదమ్మా అందరూ మీ కోసం కంగారు పడుతున్నారు అని అంటాడు. రేయ్ పండు ఇంటి వారసుడి విషయంలో ఏదో ప్రమాదం జరగబోతుందని స్వామీజీ చెప్పారు అని చెప్తుంది. దాంతో పండు షాక్ అయిపోతాడు. పండు ఆలోచించి లక్ష్మీ గర్భవతి అని గుర్తు చేసుకొని అమ్మా నిండు గర్భిణిగా ఉన్న సహస్రమ్మకు ఏమైనా అవుతుంది అని స్వామీజీ చెప్పారా అని అడుగుతాడు. అవును అని యమున అంటుంది. మరోవైపు లక్ష్మీ గురించి ఇంకా ఏం తెలీదు అని పద్మాక్షి చాలా టెన్షన్ పడుతుంది. ఇంతలో రౌడీ కాల్ చేసి లక్ష్మీ కోసం ఎంత వెతికినా ఎక్కడా దొరకలేదు అని చెప్తాడు. పద్మాక్షి చాలా టెన్షన్ పడుతుంది.</p>
<p> </p>
<p>లక్ష్మీ విహారిని తోపుడు బండి మీద తోసుకుంటూ హాస్పిటల్‌కి తీసుకొస్తుంది. డాక్టర్‌ని పిలిచి విహారి గురించి చెప్తుంది. డాక్టర్ విహారిని ఎమర్జెన్సీ వార్డ్‌కి తీసుకెళ్తారు. తర్వాత లక్ష్మీకి కూడా కడుపు నొప్పి మొదలవుతుంది. కడుపు పట్టుకొని అలా కూలబడిపోతుంది. లక్ష్మీకి ఫుల్లుగా రక్తస్రావం అవుతుంది. అక్కడే ఉన్న వాళ్లు లక్ష్మీని చూసి డాక్టర్‌ని పిలుస్తారు. లక్ష్మీ ఎప్పుడూ చూపించుకునే హాస్పిటల్‌కే వెళ్తుంది. డాక్టర్ లక్ష్మీని చూసి సిరి అని తనని తీసుకెళ్లమని నర్సులకు చెప్తుంది. ఇక అప్పుడే పద్మాక్షి మనిషి అయిన డాక్టర్ లక్ష్మీని చూసి వెంటనే పద్మాక్షికి కాల్ చేసి లక్ష్మీ హాస్పిటల్‌కి వచ్చింది అని చెప్తుంది. లక్ష్మీ ఎందుకు వచ్చింది.. తనకి ఏమైంది అని పద్మాక్షి కంగారు పడుతుంది. తను ఎందుకు వచ్చిందో ఏమైందో తెలీదు కానీ తన కండీషన్ చాలా క్రిటికల్‌గా ఉంది.. తనని చూస్తే వెంటనే డెలివరీ చేయాలని అంటుంది. లక్ష్మీ వేరే డాక్టర్ దగ్గర ఉందని తన పరిస్థితి చూస్తే డెలివరీ చేయాల్సిన పరిస్థితి ఉందని అంటుంది. </p>
<p><strong>ALSO READ: <a title="An Apple a Day : బరువు తగ్గాలనుకునేవారు యాపిల్ తినొచ్చా? రోజూ తింటే శరీరంలో జరిగే మార్పులు ఇవే" href="https://telugu.abplive.com/photo-gallery/lifestyle/can-apples-help-with-weight-loss-here-is-what-happens-to-your-body-when-you-eat-one-every-day-247444" target="_self">An Apple a Day : బరువు తగ్గాలనుకునేవారు యాపిల్ తినొచ్చా? రోజూ తింటే శరీరంలో జరిగే మార్పులు ఇవే</a></strong></p>
<p>పద్మాక్షి డాక్టర్‌తో మీరు ఆ డెలివరీ చేయొచ్చు కదా అని అంటే నేను కేవలం ఐవీఎఫ్‌ డాక్టర్‌ని అంతే అని అంటుంది. నాకు లక్ష్మీ బిడ్డ కావాలి అంతే.. మీరు ఆ బిడ్డని నాకు అప్పగించండి అంతే.. లక్ష్మీ కానీ బిడ్డని కంటే అది నా కూతురి బిడ్డే అవ్వాలి అంతే అని అంటుంది. డాక్టర్ పద్మాక్షితో నేను ఏదో ఒకటి చేస్తా ముందు మీరు మీ కూతుర్ని తీసుకొని రండి అని అంటుంది. విహారికి ట్రీట్మెంట్ మొదలవుతుంది. ఇక పద్మాక్షి సహస్ర దగ్గరకు వెళ్లి నీకు నొప్పులు వచ్చినట్లు అరవవే అని అంటుంది. సహస్ర ప్రశ్నిస్తుంటే ఏం అడగకే నొప్పులు మొదలైనట్లు అరవవే అని అంటుంది. సహస్ర అరుస్తుంది. పద్మాక్షి కూడా కంగారు పడినట్లు సమయానికి ఇంట్లో ఎవరూ లేరు అని అంటుంది. చారుకేశవ పరుగున వస్తాడు. ఏమైంది అని వదినా అని అడిగితే సహస్రకి నొప్పులు మొదలయ్యాయి.. వెంటనే హాస్పిటల్‌కి తీసుకెళ్లాలి అని అంటుంది. మనమే తీసుకెళ్దాం అని చారుకేశవ కారు తీసుకొస్తా అని వెళ్తాడు. పద్మాక్షి, చారుకేశవ ఇద్దరూ సహస్రని తీసుకొని హాస్పిటల్‌కి బయల్దేరుతారు. మరోవైపు డాక్టర్ లక్ష్మీని పరీక్షించి లక్ష్మీ కండీషన్ సీరియస్‌గా ఉంది.. కాసేపట్లో డెలివరీ అవ్వొచ్చు.. మన దగ్గర తన ఫైల్ ఉంటుంది బామ్మ గారికి ఫోన్ చేసి విషయం చెప్పు అని నర్సుకి చెప్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
2 weeks ago
3 
