<p><strong>Kalavari Kodalu Kanaka Mahalakshmi Serial Today Episode: ల</strong>క్ష్మీ ఇంట్లో ఉండటానికి వీల్లేదు అని పద్మాక్షి లక్ష్మీని బయటకు తీసుకొస్తుంది. ఇప్పటికి ఇప్పుడు అంటే తను ఎక్కడికి వెళ్తుంది అని చారుకేశవ అంటే ఎక్కడికైనా వెళ్లని.. తనకి భయం అయితే నేనే హాస్టల్ చూసి చేర్పిస్తా.. అవసరం అయితే వేరే ఇళ్లు చూసి అక్కడ ఉంచుతా అంతే కానీ తను ఇక్కడ ఉండటానికి నేను ఒప్పుకోను అని అంటుంది. విహారి, యమునలు లక్ష్మీ ఏ తప్పు చేయలేదు అని నిరూపించుకుంది కదా.. అని అంటారు. తనకు ఎవరూ లేరు కదా అని వసుధ అంటే.. ఎవరూ లేరు అని అందర్ని ఇంట్లో తెచ్చి పెట్టుకోవడానికి ఇదేమీ అనాథాశ్రమం కాదు కదా అంటుంది. </p>
<p>విహారి పద్మాక్షితో తనని మొన్నటి వరకు మీరు సొంత బిడ్డలా చూస్తాను అని చెప్పారు కదా అంటాడు. సహస్ర కూడా లక్ష్మీని అక్కలా భావిస్తున్నా అని తనని ఇక్కడి నుంచి పంపడానికి ఒప్పుకోను అని సహస్ర అంటుంది. సహస్ర మాటకు పద్మాక్షి షాక్ అయిపోతుంది. దాంతో పద్మాక్షి లక్ష్మీ ఇక్కడే ఉండటానికి ఒప్పుకుంటా కానీ దానికి బదులుగా విహారి ఒక పని చేయాలి అని అంటుంది. ఏం చేయాలి అని విహారి అడిగితే పద్మాక్షి మ్యారేజ్ రిజిస్టేషన్‌ పేపర్లు తీసుకొచ్చి మొన్న నువ్వు సంతకం చేయకుండా ఆపేసిన ఈ పేపర్ల మీద సంతకం చేయాలి అని అంటుంది. అందరూ షాక్ అయిపోతారు. మీ పెళ్లి హాస్పిటల్‌లో అయింది.. కనీసం ఫొటో కూడా లేదు.. అని అంటుంది. లక్ష్మీకి ఈ సంతకానికి సంబంధం లేదు అని వసుధ అంటే ఎందుకు లేదే.. నా కూతురికి వాడికి పెళ్లి అయింది అని వాడికి గుర్తే లేదు.. లక్ష్మీ కోసం వాడు ఏమైనా చేస్తున్నాడు.. తాళి కట్టిన భార్య హాస్పిటల్‌లో ఉన్నా కూడా పట్టించుకోకుండా లక్ష్మీ కోసం వెళ్తున్నాడు. అలాంటి వాడికి లక్ష్మీ కంటే సహస్ర ముఖ్యం అని తెలియాలి కదా.. మీ అందరికీ కూడా సహస్ర వాడి భార్య అని గుర్తుండాలి కదా అని అంటుంది. ఈ పేపర్ల మీద సంతకం పెట్టు లేదంటే ఈ లక్ష్మీని బయటకు పంపు అని అంటుంది. </p>
<p>విహారి సంతకం పెడతాను అని అంటాడు. పద్మాక్షి పెన్ను కూడా ఇవ్వడంతో విహారి లక్ష్మీని చూస్తూ సంతకం పెడతాడు. సహస్ర, పద్మాక్షి చాలా సంతోషపడతారు. సహస్ర చట్టబద్ధంగా నీ భార్య.. నీ ప్రాముఖ్యత తనకే ఇవ్వాలి.. నీ దృష్టిలో నీ మనిషి సహస్ర మాత్రమే.. ఎంతైనా బయట వాళ్లు బయట వాళ్లే పరాయి వాళ్లే అని పద్మాక్షి చెప్తుంది. విహారి జరిగింది తలచుకొని బాధ పడుతూ ఉంటే భుజంగం ఫోన్ చేస్తాడు. నెంబరు చూసి వీడి వల్లే నేను ఇంత మానసిక క్షోభ అనుభవిస్తున్నా అని అనుకుంటాడు. భుజంగం విహారితో నీ భార్యకి శిక్ష పడకుండా బాగా కాపాడుకున్నావ్ కానీ ఈసారి మీ అమ్మని కాపాడుకోలేవు అని అంటాడు. నువ్వేం చేయలేవు.. అని విహారి అంటే మొన్న మీ అమ్మకి ఎందుకు ఫిట్స్ వచ్చిందో తెలుసా.. జస్ట్ నా ఫేస్ ఒక్క సారి చూసినందుకే కింద పడి గిలగిలా కొట్టుకుంది.. అదే నేను ఎదురు పడి మాట్లాడితే చచ్చిపోతుంది. నువ్వు ప్రతీ సారి వేసే సెంట్రల్ గవర్నమెంట్ టెండర్ నువ్వు వేయకూడదు అని అంటాడు. అది నేనే వేస్తా మాకే వస్తుంది అని విహారి అంటే.. అయితే మీ అమ్మ ఖర్మ కాండలకు ఫిక్స్ అయిపోతా అంటాడు. ఈ టెండర్ మాకు చాలా ఇంపార్టెంట్‌రా అని విహారి అంటే మీ అమ్మ చనిపోతుంది అంటాడు. సరే అయితే నేను టెండర్ వేయను అని విహారి అంటే నువ్వు టెండర్ వేయాలి.. కానీ నీకు టెండర్ రాకూడదు... అని అంటాడు. నువ్వు చెప్పినట్లు నేను చేయను అని విహారి అంటే సరే చూద్దాం అని భుజంగం అంటాడు.</p>
<p>లక్ష్మీ వచ్చి మళ్లీ వాడే కాల్ చేశాడా.. ఏమైంది అని అంటే ఏం లేదు అని విహారి అనేస్తాడు. మ్యారేజ్ రిజిస్టర్ పేపర్లు చూసి పద్మాక్షి, సహస్ర హ్యాపీగా ఫీలవుతారు. రిజిస్టేషన్ చేయించాలి అని అందుకు అన్నీ చేసేశా అని పద్మాక్షి అంటుంది. లక్ష్మీని ఎలా అయినా ఇంట్లో నుంచి తరిమేయాలి అని అనుకుంటారు.ఇంతలో అక్కా అని అరుస్తూ అంబిక వస్తుంది. లక్ష్మీని ఇంటి నుంచి తరిమేయకుండా ఎందుకు ఊరుకున్నావ్ అని అరుస్తుంది. నేను ప్రయత్నించానే కానీ అందరూ తన మీద కేసు కొట్టేశారని అందరూ వాధించారే అని అంటుంది. లక్ష్మీని వదిలితే సహస్రకు మేకు అయి కూర్చొంటుందని అంబిక అంటుంది. నువ్వేం కంగారు పడకు పిన్ని ఆ లక్ష్మీ దాని అంతట అదే వెళ్లేలా చేస్తాం.. రేపటి నుంచి దానికి నరకం చూపిస్తా అని అంటుంది. దీంతో ఇవాళ్టి ఎపిసోడ్ పూర్తయిపోతుంది.</p>
4 weeks ago
2 
