<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(ఆగస్టు 25న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. </p>
<p><br /><strong>నా కొడుకుని తీసుకురావాల్సిందే..</strong><br /> <br />లక్ష్మీ విహారి కంపెనీలో జాయిన్ అయిన వెంటనే గిరి అనే ఉద్యోగి అంబికకు కాల్ చేసి కొత్తగా ఒకరు జాయిన్ అయ్యారని చెప్తాడు. అంబిక తన గురించి మొత్తం తెలుసుకోమని అంటుంది. ఇక వెంటనే తన లలితా దేవి హాస్టల్ వార్డెన్‌కి కాల్ చేసి రెండు రోజుల్లో నా కొడుకుని తీసుకెళ్లిపోతా అని చెప్తుంది. సిరి అడ్డు తొలగిపోతే తన కొడుకుది.. తనదే ఆస్తి మొత్తం అని అంబిక అనుకుంటుంది.</p>
<p><strong>విహారితో కలిసి తిన్న లక్ష్మీ..</strong></p>
<p>లక్ష్మీ డల్‌గా ఉండటం విహారి చూసి ఈ మెంటల్‌దాన్ని కెలకడం ఎందుకు అని మెల్లగా వెళ్లిపోతూ ఉంటే లక్ష్మీ చూసి బాసూ అని పిలుస్తుంది. లక్ష్మీ విహారితో లంచ్ చేయాలని క్యాంటీన్‌కి వెళ్తే ఫుడ్ అయిపోయింది నాకు బాగా ఆకలేస్తుందని అంటుంది. దాంతో విహారి తనని కూడా రమ్మని చెప్పి వడ్డించమని ఫ్యూన్‌కి చెప్తాడు. సరిగ్గా తినే టైంకి విహారికి ఫోన్ రావడంతో మాట్లాడటానికి వెళ్తాడు. దాంతో లక్ష్మీ ఒక్కర్తే వేసుకొని తినేస్తుంది. విహారి తినడానికి వచ్చేసరికి లక్ష్మీ విహారి కోసం ఉంచకుండా మొత్తం తినేస్తుంది. ఏంటి మొత్తం తినేశావా అని విహారి అడిగితే అక్కడ పది మందికి ఏం లేదు.. మీ ఒక్కడికే ఉంచారు.. పైగా టేస్ట్ చాలా బాగుంది అందుకే తినేశా అని లక్ష్మీ అంటుంది. నిన్ను పిలిచాను చూశావా నాది బుద్ధి తక్కువ అని విహారి చెప్పి నీరు తాగుతూ ఉంటే లక్ష్మీ మరో బాక్స్ తీసి ఇచ్చి నేనేం మొత్తం తినేయలేదు మీ కోసం కూడా ఉంచా అని బాక్స్ విహారికి ఇస్తుంది. అప్పుడు విహారి ఫుడ్ తింటాడు. లక్ష్మీ విహారిని చూస్తూ గతం గుర్తు చేసుకుంటూ ఉండిపోతుంది. దాంతో విహారికి పొలమారుతుంది. లక్ష్మీ వెంటనే వెళ్లి విహారికి వాటర్ తాగిస్తుంది. నేను నీ పీఏగా ఉన్నన్ని రోజులు నీకు ఏం కాదు బాసూ అని లక్ష్మీ చెప్తుంది. </p>
<p><strong>చిటికెలో పని పూర్తి చేసిన లక్ష్మీ..</strong></p>
<p>లక్ష్మీ వర్క్ చేయడం మొదలు పెడుతుంది. సాయంత్రం అయ్యే సరికి క్రిష్ బాగా గుర్తొచ్చి నా కొడుకు స్కూల్‌ అయిపోయే టైంకి వెళ్లి కలవాలి అనుకుంటుంది. వర్క్ త్వరగా పూర్తి చేసి విహారికి చెప్పి వెళ్లాలని విహారి దగ్గరకు వెళ్తుంది. వెళ్లిపోతా అని లక్ష్మీ చెప్తే విహారి కొన్ని ఫైల్స్ ఇచ్చి లెక్కలు చూడమని చెప్తే లక్ష్మీ ఇలా వెళ్ల అలా చూసి వర్క్ చేసేస్తుంది. తర్వాత వెళ్లిపోతా అని అంటే మరో ఫైల్ ఇచ్చి చూడమని విహారి అంటాడు. ఈ ఫైల్ చూసి వెళ్లిపోతా అని లక్ష్మీ అంటుంది. సరే అని విహారి అని మనసులో ఏంటి వెళ్లిపోయేది.. ఆ ఫైల్ చూడటానికి పెద్ద పెద్ద ఆడిటర్లకే 3 గంటలు పడుతుంది అని అనుకుంటాడు. విహారి ఇచ్చిన కష్టమైన ఫైల్‌ని కూడా లక్ష్మీ చిటికెలో చేసి రిపోర్ట్ అందులో పెడుతుంది. అది చూసి విహరి బిత్తరపోతాడు. నిజంగా వర్క్ చేశావా అని అడిగితే ఏం అడిగినా చెప్పేస్తా అని లక్ష్మీ అంటుంది. ఇక లక్ష్మీని విహారి పంపేసి తను స్టడీ చేసి రిపోర్ట్ రాసిన ఫైల్ చూస్తాడు. </p>
<p><strong>పిల్లల మీద అటాక్..</strong></p>
<p>యమున పిల్లలను ఇంటికి తీసుకెళ్లడానికి స్కూల్‌కి వెళ్తుంది. లక్ష్మీ కూడా స్కూల్‌ దగ్గరకు వెళ్తుంది. అయితే అంబిక పురమాయించిన రౌడీలు సిరిని చంపేయడానికి స్కూల్ దగ్గరే వెయిట్ చేస్తూ ఉంటారు. సిరి, క్రిష్ ఇద్దరూ బయటకు రాగానే రౌడీలు సిరిని ఎత్తుకొని ఆటోలో ఎక్కించుకొని వెళ్లిపోవాలని చూస్తుంటారు. ఇంతలో యమున వెళ్లి ఆపాలని ప్రయత్నిస్తే యమునని నెట్టేస్తారు. అప్పుడే లక్ష్మీ వచ్చి రౌడీలను చితక్కొడుతుంది. దీంతో ఇవాళ్టి ఎపిసోడ్ పూర్తయిపోతుంది.</p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
2 months ago
3 
