<p><strong>Kalavari Kodalu Kanaka Mahalakshmi Serial Today Episode</strong> బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(ఆగస్టు 21న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. <br /> </p>
<p><strong>ఆంటీ తీసుకొచ్చారు..</strong></p>
<p>సిరి పాప విహారికి భోజనం తినిపిస్తుంది. సహస్ర మందులు ఇస్తుంది. విహారి అందరితో గొడవ జరిగిన వరకు తెలుసు కానీ తర్వాత ఏమైందో ఇక్కడికి ఎలా వచ్చానో తెలీదు అని విహారి అంటే ఓ ఆంటీ మిమల్ని రౌడీల నుంచి కాపాడి తీసుకొచ్చిందని చెప్తుంది. విహారి క్రిష్ గురించి అడిగితే రూంలో ఉన్నాడు అని సిరి చెప్పడంతో క్రిష్‌ని తీసుకొని రమ్మని విహారి చెప్తాడు. ఇద్దరితో విహారి మాట్లాడి.. పడుకోమని అంటాడు. </p>
<p><strong>ఎన్ని సమస్యలు వచ్చినా ధైర్యంగా ఉండాలి.. </strong></p>
<p>లక్ష్మీ బాధ పడుతూ ఉంటే సంధ్య, కేడీలు లక్ష్మీ దగ్గరకు వస్తారు. లక్ష్మీ ఏడుస్తూ ఉంటే ఇద్దరూ ఓదార్చుతారు. నా వాళ్లు నా ఎదురుగా ఉన్నా అనాథలా వాళ్ల ముందుకు వెళ్లాల్సి వచ్చింది అని లక్ష్మీ బాధ పడుతుంది. బాధ పడకు లక్ష్మీ నీకు ఇంత కంటే కష్టమైన ప్రాబ్లమ్స్ వచ్చినా నువ్వు ధైర్యంగా నిల్చొని నీ వాళ్లని కాపాడుకోవాలని కేడీ చెప్తాడు. లక్ష్మీ ధైర్యంగా ఉంటాను అని చెప్తుంది. రేపు ఉదయం నా కొడుకుని స్కూల్ దగ్గర కలుస్తా అని అంటుంది. నిన్ను విహారి దగ్గరకు చేర్చడమే ఇక మా పని అని కేడీ చెప్తాడు.</p>
<p><strong>అక్కాతమ్ముళ్లు అంటే ఇదే..</strong></p>
<p>ఉదయం సిరి, క్రిష్‌లు స్కూల్‌కి రెడీ అయి వస్తారు. సిరి, క్రిష్‌లను చూసి విహారి వాళ్లు మురిసిపోతారు. పిల్లలు ఇద్దరినీ విహారి స్కూల్‌కి తీసుకెళ్తుంటే పద్మాక్షి, సహస్ర, అంబిక అడ్డుకుంటారు. సిరితో పాటు క్రిష్‌ వెళ్లడానికి అభ్యంతరం చెప్తారు. చిన్న పిల్లల విషయంలో కూడా మీ అభ్యంతరాలు ఏంటి..పిల్లల చదువు విషయంలో కూడా స్థాయి చూస్తారా.. అని వాళ్ల మీద కోప్పడి పిల్లలు ఇద్దరూ ఒక్క దగ్గరే చదువుతారు.. అని అంటాడు. మనం ఖర్చు పెట్టే దానితో పోల్చితే ఇదెంత అని యమున అంటుంది. ఎవరిని ఎక్కడ పెట్టాలో అక్కడే పెట్టాలి అని సహస్ర అంటే అవును మిమల్ని హైదరాబాద్‌ పంపకుండా ఇక్కడ ఉంచడం తప్పు.. ఎవరు ఏమన్నా వాడు ఈ ఫ్యామిలీ మెంబరే అని విహారి అంటాడు. </p>
<p><strong>గవర్నమెంట్ స్కూల్‌లో చదువుతా..</strong></p>
<p>క్రిష్‌ విహారితో నాకు సిరి చదివే స్కూల్ వద్దు.. నేను గవర్నమెంట్ స్కూల్‌లో చదువుకుంటా అని అంటే నేను నీతో పాటు గవర్నమెంట్ స్కూల్‌లో చదువుతా అని సిరి అంటుంది. ఇద్దరూ సిరి చదివే స్కూల్‌లో చదువుకోండి.. రేపు మీ అమ్మ వచ్చి నా కొడుకుని గవర్నమెంట్ స్కూల్‌లో చేర్పించారు ఎందుకు అంటే ఏం చెప్పాలి అని విహారి క్రిష్‌ని ఒప్పిస్తాడు. మా అమ్మ వచ్చాక నా స్కూల్ ఫీజు మొత్తం కట్టేస్తుంది. మీరు డబ్బులు తీసుకోవాలి అని క్రిష్ అంటాడు. సరే అని విహారి ఇద్దరు పిల్లల్ని తల్లితో పాటు తీసుకెళ్తాడు. </p>
<p><strong>కోరిక ఇలా తీరింది.. </strong></p>
<p>కేడీ విహారికి కాల్ చేసి మా క్లోజ్ ఫ్రెండ్ మహి తనకి మీ కంపెనీలో ఏదైనా జాబ్ ఇవ్వండి అని కేడీ అడగటంతో మీరు సంధ్య గారు మాకు చాలా చేశారు.. మీ రుణం తీర్చుకోవడానికి అయినా తనకి జాబ్ ఇస్తా అని విహారి అంటాడు. ఇక లక్ష్మీ కొడుకుని చూడటానికి స్కూల్ దగ్గరకు వస్తుంది. విహారి వాళ్లు క్రిష్‌ని తీసుకొని రావడం చూసి నా కొడుకుని నేను పెద్ద స్కూల్‌లో చేర్పించాలి అనుకున్నా వాళ్ల నాన్నే ఇప్పుడు చేర్పించారు చాలా సంతోషంగా ఉందని అనుకుంటుంది. అమ్మ లేకుండా మొదటి రోజు స్కూల్‌కి వెళ్లాలి అనుకుంటున్నా నాకు మా అమ్మని చూడాలి అని ఉందని క్రిష్ ఏడుస్తాడు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
2 months ago
3 
