<p><strong>kalavari kodalu kanaka Mahalakshmi serial today episode </strong>లక్ష్మీ పేరు మీద వచ్చిన విడాకులు కాగితం చూసి విహారి షాక్ అయిపోతాడు. తర్వాత చారుకేశవ, యమున, పండులకు విషయం తెలిసి బిత్తరపోతారు. యమున ఏడుస్తుంది. తనకి నా నుంచి విడాకులు కావాలంట మామయ్య అని విహారి ఏడుస్తాడు. సహస్ర పద్మాక్షితో ఈ విడాకులు నోటీస్ పంపింది లక్ష్మీ కాదు నేను.. లక్ష్మీని ఇంటి నుంచి పంపిన రోజే కొన్ని సంతకాలు తీసుకున్నా అని అంటుంది. </p>
<p>విహారి బాధ పడుతూ లక్ష్మీ నా నుంచి దూరం అయితేనే తట్టుకోలేకపోయా.. అలాంటిది తను నా నుంచి శాశ్వతంగా దూరం అయిపోవాలని అనుకుంది.. లక్ష్మీ ఇలాంటి పని చేయదు.. మా బంధాన్ని వదిలేయదు అనుకున్నా కానీ నన్ను వదిలేసి వెళ్లి మోసం చేసింది.. నా ప్రేమ అంటే తనకు లెక్కలేదు.. అసలు నేను అంటేనే ఇష్టం లేదు అని విహారి అంటాడు. లక్ష్మమ్మకి మీరు అంటే ప్రాణం బాబు అని పండు అంటే అంత ఇష్టం అయితే ఇన్ని రోజులు ఎలా వదిలేసి పోతుందిరా.. ఇంక లక్ష్మీ మనసులో చోటు లేదు.. ఇక మా బంధానికి చోటు లేదు.. మేం కలవడం ఇక కల గానే మిగులు పోతుంది అని అనుకొని వెళ్లిపోతాడు. అమ్మా ఎలా ఉంది నా ప్లాన్.. ఇలాగే నా ప్లాన్ వర్కౌట్ అయితే బావ ప్రేమని ఆ లక్ష్మీ మీద నుంచి నా మీదకు తిప్పుకుంటా.. బావని నా వాడిని చేసుకుంటా అని సహస్ర అంటుంది. </p>
<p>అంబిక, సుభాష్‌లు వేరే కంపెనీ అధికారులను కలిసి త్వరలోనే మా కంపెనీలు నా చేతికి వస్తాయి.. అప్పుడు మీకు అన్ని కాంట్రాక్ట్‌లు సబ్ కాంట్రాక్ట్‌కి ఇస్తామని అంటుంది. మీ మీద నమ్మకం పోయింది అని అతను అంబికకు చెప్పడంతో ఈ ఒక్కసారి నమ్మమని సుభాష్ అంటాడు. ఇంతకు ముందు విహారి వెనక లక్ష్మీ ఉండేది ఇప్పుడు లేదు.. విహారి బిజినెస్‌లు వదిలేశాడు అని అతనికి చెప్పి ఒప్పిస్తుంది. విహారి ఫుల్లుగా తాగి లక్ష్మీని గుర్తు చేసుకొని కారు డ్రైవ్ చేస్తాడు. ఎందుకు నన్ను వదిలేసి వెళ్లిపోయావ్ కనకం అని మందు షాప్ దగ్గరకు వెళ్లి మందు కొనుక్కొని తాగుతూ రోడ్డు మీద నడుస్తాడు. మత్తు ఎక్కువై రోడ్డు మీద పడిపోతాడు. </p>
<p>లక్ష్మీ, బామ్మ ఇంటికి వస్తూ దారిలో విహారి పడిపోవడం చూస్తారు. లక్ష్మీ ఎవరో పడిపోయారు అని చెప్తే ఎవడో తాగేసి పడిపోయాడు మనకు ఎందుకు అని బామ్మ అంటుంది. దానికి లక్ష్మీ ఎవరైనా సరే అలా వదిలేయకూడదు.. ఎంత బాధ ఉండి ఇంతలా తాగాడో నేను చూసి వస్తా అని బామ్మని ఇంటికి పంపేస్తుంది. దగ్గరకు వెళ్లి చూసే సరికి మత్తుతో పడి ఉన్న విహారిని చూసి ఎలా ఉండాల్సిన విహారి ఇలా అయిపోయాడేంటా అని ఏడుస్తుంది. విహారిని తన ఒడిలో పెట్టుకొని ఏడుస్తుంది. వెంటనే జేబులో ఫోన్ తీసుకొని యమునకు కాల్ చేస్తుంది. విహారి తనకు ఫోన్ చేశాడేంటి అని యమున కంగారు పడుతుంది. లక్ష్మీ గొంతు మార్చి ఈ ఫోన్ గల వ్యక్తి బాగా తాగేసి రోడ్డు మీద పడిపోయాడు అని అడ్రస్‌ చెప్తుంది. నేను ఇప్పుడే వస్తున్నా అని యమున ఏడుస్తుంది. యమున వాళ్లు వచ్చేలోపు లక్ష్మీ విహారి ముఖం తుడిచి కూర్చొపెట్టి.. ఏడుస్తుంది. నా వల్లే మీరు ఇలా అయిపోయారు నన్ను క్షమించండి అని అనుకుంటుంది.</p>
<p>యమున వాళ్లు రావడం చూసి లక్ష్మీ దాక్కుంటుంది. యమున పండు వచ్చి విహారి పరిస్థితి చూసి ఏడుస్తారు. మహారాజులా ఉండాల్సిన విహారి బాబుని ఇలా చూస్తాను అనుకోలేదని పండు ఏడుస్తాడు. ఎవరూ చూడకముందే విహారిని ఇంటికి తీసుకెళ్లాలని కారు ఎక్కించి తీసుకెళ్తారు. దీంతో ఇవాళ్టి ఎపిసోడ్ పూర్తయిపోతుంది. </p>
<p> </p>
4 hours ago
1 
