Kakinada Huge explosion : సామర్లకోట బాణసంచా తయారీ కేంద్రంలో భారీ పేలుడు - 10 మంది దుర్మరణం

<p>Massive explosion at Samarlakota fireworks manufacturing facility: కాకినాడ జిల్లా సామర్లకోట మండలంలో ఘోర ప్రమాదం చోటుచేసుకుంది. వేట్లపాలెం, &nbsp;మేడపాడు గ్రామాల సరిహద్దుల్లో ఉన్న ఒక బాణసంచా తయారీ కేంద్రంలో మంగళవారం మధ్యాహ్నం భారీ పేలుడు సంభవించింది. ఈ ప్రమాదంలో 10 మంది కార్మికులు అక్కడికక్కడే ప్రాణాలు కోల్పోగా, పలువురు తీవ్రంగా గాయపడ్డారు. పేలుడు ధాటికి తయారీ కేంద్రం పూర్తిగా నేలమట్టమైంది.<br />&nbsp;<br />మధ్యాహ్నం సమయంలో కార్మికులు బాణసంచా తయారీలో నిమగ్నమై ఉండగా, ఒక్కసారిగా మందుగుండు సామాగ్రికి నిప్పు అంటుకుని పేలుడు సంభవించింది. పేలుడు తీవ్రత &nbsp;భయంకరంగా ఉంది. దాదాపు 2 కిలోమీటర్ల మేర శబ్దం వినిపించిందని స్థానికులు చెబుతున్నారు. దట్టమైన పొగలు కమ్ముకోవడంతో సహాయక చర్యలకు మొదట్లో ఆటంకం కలిగింది. భయంకరమైన మంటలు చెలరేగడంతో లోపల ఉన్నవారు బయటకు వచ్చే అవకాశం లేకుండా పోయింది.<br />&nbsp;<br />ప్రమాద సమాచారం అందిన వెంటనే అగ్నిమాపక సిబ్బంది, పోలీసులు ఘటనా స్థలానికి చేరుకున్నారు. శిథిలాల కింద చిక్కుకున్న వారిని వెలికితీసే ప్రయత్నం చేయగా, అప్పటికే 10 మంది మృతదేహాలు ఛిద్రమై కనిపించాయి. గాయపడిన వారిని వెంటనే కాకినాడ ప్రభుత్వ సామాన్య ఆసుపత్రికి &nbsp;తరలించారు. వీరిలో కొందరి పరిస్థితి విషమంగా ఉన్నట్లు వైద్యులు తెలిపారు. మృతుల్లో ఎక్కువ మంది మహిళా కార్మికులే ఉన్నట్లు సమాచారం.<br />&nbsp;<br />ఈ బాణసంచా కేంద్రం అనుమతులతో నడుస్తుందా లేదా అనేది అధికారులు పరిశీలిస్తున్నారు. ప్రాథమిక అంచనా ప్రకారం, రసాయనాల మిశ్రమం కలిపే సమయంలో తప్పిదం వల్ల ఈ ప్రమాదం జరిగి ఉండవచ్చని భావిస్తున్నారు. జిల్లా కలెక్టర్ మరియు ఎస్పీ ఘటనా స్థలాన్ని సందర్శించి బాధితుల వివరాలను సేకరించారు. మృతుల కుటుంబాలకు ప్రభుత్వం తరపున ఎక్స్&zwnj;గ్రేషియా ప్రకటించే అవకాశం ఉంది.</p> <p>&nbsp;</p> <p><iframe class="vidfyVideo" style="border: 0px;" src="https://telugu.abplive.com/web-stories/personal-finance/10-mistakes-you-should-not-make-when-using-a-credit-card-239337" width="631" height="381" scrolling="no"></iframe></p>