<p><strong>Samarlakota Crime News:</strong> కాకినాడ జిల్లా సామర్ల కోట మండలంలోని వేట్లపాలెంలో రెండు కుటుంబాలు ఘర్షణ పడ్డాయి. ఈ ఘర్షణలో ముగ్గురు ప్రాణాలు కోల్పోయారు. ఇంటి నిర్మాణం విషయంలోతలెత్తిన వివాదం ఇప్పుడు హత్యల వరకు వెళ్లింది. </p>
<p>వేట్లపాలెంలో ఒకే సామాజిక వర్గానికి చెందిన రెండు కుటుంబాల మధ్య ఘర్షణ తలెత్తింది. ఎస్సీపేట చెరువు సమీపంలో పండు అనే వ్యక్తి ఇంటి నిర్మాణం కోసం ప్రక్రియ ప్రారంభించారు. అక్కడే అంబేద్కర్‌ విగ్రహం ఏర్పాటు చేస్తున్నామంటూ బచ్చల చక్రయ్య ఫ్యామిలీ ఎదురు తిరిగింది. ఇదే ఈ రెండు కుటుంబాల మధ్య అగ్గి రాజేసింది. హత్యలకు దారి తీసింది. </p>
<p><img src="https://pbs.twimg.com/media/Ge2v8_ybwAAlRuY?format=jpg&name=small" alt="Image" /></p>
<p>ఆదివారం రాత్రి జరిగిన గొడవలో ఇరు వర్గాలు కత్తులతో పరస్పరం దాడులు చేసుకున్నారు. ఈ తగాదాలో ప్రకాశ్‌రావు అనే వ్యక్తి తీవ్ర గాయాలతో స్పాట్‌లోనే చనిపోయాడు. తీవ్రంగా గాయపడిన చంద్రరావు, ఏసు, సంజీవ్‌, పండు, దావీదు అనే వ్యక్తులను ఆసుపత్రికి తరలించారు. అక్కడే చికిత్స పొందుతూ ఏసు, చంద్రరావు మృతి చెందారు. మిగతా ముగ్గురు తీవ్రగాయాలతో చికిత్స పొందుతున్నారు. </p>
<p>విషయం తెలుసుకున్న పోలీసులు స్పాట్‌కు వచ్చారు. కేసు నమోదు చేశారు. గ్రామస్థులను ప్రశ్నిస్తున్నారు. ముందు జాగ్రత్త చర్యగా గ్రామంలో పికెటింగ్ నిర్వహిస్తున్నారు. </p>
<p>Also Read: <a title="శ్రీకాకుళం ట్రిపుల్‌ ఐటీలో విద్యార్థి ఆత్మహత్య- కలకలం రేపుతున్న సూసైడ్‌లు" href="https://telugu.abplive.com/andhra-pradesh/visakhapatnam/iiit-student-suicide-in-srikakulam-he-is-belongs-to-prakasam-190301" target="_blank" rel="noopener">శ్రీకాకుళం ట్రిపుల్‌ ఐటీలో విద్యార్థి ఆత్మహత్య- కలకలం రేపుతున్న సూసైడ్‌లు</a></p>
11 months ago
7 
