<p>Jetlee Trailer Review In Telugu: సత్య గురించి, ఆయన చేసే కామెడీ గురించి ప్రత్యేకంగా చెప్పాల్సిన అవసరం లేదు. మోస్ట్ వాంటెడ్ క్రిమినల్‌ అని ఎలా అంటారో, టాలీవుడ్‌ మోస్ట్ వాంటెడ్ కమెడియన్‌గా సత్య మారాడనేది సత్యం. అందుకే ప్రతి సినిమాలో కనిపిస్తూనే ఉంటాడు. కమెడియన్‌గా తనదైన మార్క్‌ని సొంతం చేసుకున్న సత్య, మధ్యమధ్యలో హీరోగానూ మెరుస్తుంటాడు. అలా హీరోగా మరోసారి మెరవబోతున్న చిత్రమే ‘జెట్లీ’. ఈ సినిమా మొదలైనప్పటి నుంచి విడుదలవుతున్న పమోషనల్ కంటెంట్‌తో భారీగానే అంచనాలను ఏర్పరచుకుంది. మరీ ముఖ్యంగా సినిమా రిలెటెడ్ కంటెంట్‌తో సత్యనే వైవిధ్యమైన కాన్సెప్ట్స్ చేస్తూ, సినిమాపై హైప్ పెంచుతూ వస్తున్నారు. ఆ హైప్‌ని డబుల్ చేసేలా ఉంది తాజాగా విడుదలైన ట్రైలర్. బుధవారం ఈ చిత్ర థియేట్రికల్ ట్రైలర్‌ను హైదరాబాద్‌లో జరిగిన కార్యక్రమంలో మేకర్స్ విడుదల చేశారు. ఈ కార్యక్రమానికి ఈ చిత్రంలో నటించిన నటీనటులు వారి గెటప్‌లతో హాజరవడం విశేషం. </p>
<p>ఇక ఈ ట్రైలర్ ఎలా ఉందంటే.. తనెవరో తనకే తెలియని పాత్రలో సత్యని పరిచయం చేశారు. ‘అందానికే అసూయ పుట్టేలా ఉన్నావ్.. ఎందుకు నాకేం గుర్తుకు రావడం లేదు’ అంటూ డైరెక్ట్‌గా కథలోకి తీసుకెళ్లారు. సత్య తన జ్ఞాపకశక్తి కోల్పోయి, తనెవరో తెలుసుకునే ప్రయత్నంలో ఈ కథ మొదలవుతుందనేది ఫస్ట్ షాట్‌తో వివరణ ఇచ్చారు. తనెవరో తెలుసుకునే ప్రయత్నంలో వింత పరిస్థితులను ఎదుర్కొంటూ, తన చుట్టూ ఉన్న వారి నుంచి సెటైర్లు వేయించుకుంటూ.. చూస్తున్న ఆడియెన్స్‌ని నవ్వించడం ఈ ప్రాజెక్ట్ మెయిన్ కాన్సెప్ట్ అనేది ట్రైలర్‌ తెలియజేస్తోంది. సత్యని అందరూ ఓ కమెడియన్‌లా చూస్తున్నా, తను మాత్రం ఓ యాక్షన్ హీరో అన్నట్లుగా ప్రతి సీన్‌లో సంపేశాడనే చెప్పుకోవాలి. ఇందులో ఆయనకు యాక్షన్ సీన్స్ కూడా యాడ్ చేశారు. అవి కూడా ప్యారడీ టచ్‌తో అందరినీ నవ్వించేలా ప్లాన్ చేశారు.</p>
<p>Also Read<strong>: <a title="Allu Arjun New House: అల్లు అర్జున్ కొత్తిల్లు @ 100 కోట్లు - ఫీచర్స్ ఏమిటో తెలుసా?" href="https://telugu.abplive.com/entertainment/cinema/allu-arjun-100-crore-worth-new-house-features-details-245109" target="_self">Allu Arjun New House: అల్లు అర్జున్ కొత్తిల్లు @ 100 కోట్లు - ఫీచర్స్ ఏమిటో తెలుసా?</a></strong></p>
<p><iframe title="JETLEE Trailer | Satya | Ritesh Rana | Rhea Singha | Vennela Kishore | Kaala Bhairava" src="https://www.youtube.com/embed/2prX4_E7SwQ" width="696" height="391" frameborder="0" allowfullscreen="allowfullscreen"></iframe></p>
<p>వెధవ, తుప్పాస్ వెధవ.. ఇలా రకరకాలుగా సత్యని కించపరుస్తూ, ఆ దేవుడు పంపిన సైతాన్ సంరక్షకుడివి అంటూ ఎలా కావాలంటే అలా వాడేశారు. ఆఖరికి మినిస్టర్స్ కూడా చంపించడానికి ప్రయత్నిస్తుంటారంటే, సత్య పాత్రకి ఉన్న వెయిటేజ్ ఏంటో అర్థం చేసుకోవచ్చు. అది కూడా ఈ ట్రైలర్‌లో రివీల్ చేయడం విశేషం. ఈ సినిమా మొత్తం అల్లు అర్జున్ ‘జులాయి’ తరహాలో రూ. 15 వేల కోట్ల కోసం జరుగుతుందనేది అర్థం అవుతున్నా, దర్శకుడు ఇంకా ఏదో కొత్తగా ఇందులో చూపించబోతున్నాడనేది మాత్రం ఈ ట్రైలర్ క్లారిటీ ఇచ్చేసింది. వెన్నెల కిశోర్, వైవా హర్ష, శ్రీనివాస రెడ్డి, హీరోయిన్‌గా చేసిన రియా సింగ్.. ఇలా ప్రతి పాత్రకు ఇందులో ఇంపార్టెన్స్ ఉన్నట్లుగా అర్థమవుతోంది.</p>
<p>Also Read<strong>: <a title="Balakrishna: బాలకృష్ణ క్యాంపులో ఎన్టీఆర్ స్నేహితుడు - సినిమా ఎలా ఓకే అయ్యిందబ్బా?" href="https://telugu.abplive.com/entertainment/cinema/how-balakrishna-koratala-siva-movie-happened-real-reason-tejaswini-nandamuri-245038" target="_self">Balakrishna: బాలకృష్ణ క్యాంపులో ఎన్టీఆర్ స్నేహితుడు - సినిమా ఎలా ఓకే అయ్యిందబ్బా?</a></strong></p>
<p>దర్శకుడు రితేష్ రానా తన ప్రత్యేకమైన స్టైల్‌ను ఈసారి మరింత ఎలివేట్ చేయడమే కాకుండా, థియేటర్లకు వచ్చిన ప్రేక్షకులను కడుపుబ్బా నవ్వించే కంటెంట్‌ని ఇందులో మిక్స్ చేసినట్లుగా.. ట్రైలర్‌లోని ప్రతి సన్నివేశం తెలియజేస్తోంది. మొత్తంగా అయితే ఈ సమ్మర్‌కి మంచి నవ్వుల ట్రీట్ ఇచ్చేందుకు ‘జెట్లీ’ రాబోతున్నాడనేది ఈ ట్రైలర్ హింట్ ఇచ్చేసింది. మే 1ని గుర్తు పెట్టుకోండి.. ఆ రోజే ఈ సినిమా వచ్చేది. క్లాప్ ఎంటర్‌టైన్‌మెంట్ బ్యానర్‌పై చిరంజీవి (చెర్రీ), హేమలత పెద్దమల్లు నిర్మిస్తున్న ఈ చిత్రాన్ని మైత్రీ మూవీ మేకర్స్ నిర్మాతలు సమర్పిస్తున్నారు.</p>
<p>Also Read<strong>: <a title="Chiru Bobby 2: డింపుల్ హయతికి మెగా ఛాన్స్... చిరు - బాబీ సినిమాలో అలాంటి పాత్రనా?" href="https://telugu.abplive.com/entertainment/cinema/chiranjeevi-bobby-movie-dimple-hayathi-negative-role-mega-158-update-245125" target="_self">Chiru Bobby 2: డింపుల్ హయతికి మెగా ఛాన్స్... చిరు - బాబీ సినిమాలో అలాంటి పాత్రనా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/movie-review/mathu-vadalara-2-comedian-satya-one-man-show-in-sri-simha-movie-plus-minus-points-179729" width="631" height="381" scrolling="no"></iframe></p>
1 month ago
6 
