<p style="text-align: justify;">న్యూఢిల్లీ: దేశంలోనే అతిపెద్ద ఇంజనీరింగ్ ఎంట్రన్స్ ఎగ్జామ్ అయిన జాయింట్ ఎంట్రన్స్ ఎగ్జామినేషన్ మెయిన్స్ (JEE Main) 2026 సెషన్ 2 కోసం అడ్మిట్ కార్డులు విడుదలయ్యాయి. నేషనల్ టెస్టింగ్ ఏజెన్సీ (NTA) మార్చి 29న అధికారిక వెబ్‌సైట్‌లో హాల్ టికెట్‌లను అందుబాటులోకి తెచ్చింది. జేఈఈ మెయిన్స్ పరీక్ష కోసం దరఖాస్తు చేసుకున్న అభ్యర్థులు తమ అడ్మిట్ కార్డులను ఆన్‌లైన్‌లో డౌన్‌లోడ్ చేసుకోవచ్చు.</p>
<p style="text-align: justify;">NTA విడుదల చేసిన అడ్మిట్ కార్డులు PDF ఫార్మాట్‌లో అందుబాటులో ఉన్నాయి. వీటిని అభ్యర్థులు తమ లాగిన్ వివరాల ద్వారా డౌన్‌లోడ్ చేసుకోవచ్చు. పరీక్ష తేదీలు దగ్గర పడుతున్నందున, విద్యార్థులు ఆలస్యం చేయకుండా వారి హాల్ టికెట్‌లను డౌన్‌లోడ్ చేసుకోవాలని సూచించారు. </p>
<p style="text-align: justify;"><strong>జేఈఈ మెయిన్స్ పరీక్ష ఎప్పుడు ఉంటుంది <br /></strong>JEE మెయిన్స్ సెషన్ 2 పరీక్ష ఏప్రిల్ 2న ప్రారంభమై ఏప్రిల్ 9, 2026 వరకు నిర్వహించనున్నారు. ఈ పరీక్ష రెండు పేపర్‌లలో ఉంటుంది. పేపర్ 1 (B.E./ B.Tech), పేపర్ 2 (B.Arch/B.Planning). లక్షలాది మంది విద్యార్థులు ఈ పరీక్షకు హాజరు కానున్నారు. కనుక టైం, ఎగ్జామ్ సెంటర్ సమాచారాన్ని ముందుగానే చూసుకోవడం చాలా ముఖ్యం.</p>
<p style="text-align: justify;">JEE మెయిన్ అనేది జాతీయ స్థాయి ప్రవేశ పరీక్ష. దీని ద్వారా దేశంలోని ప్రతిష్టాత్మక సంస్థలైన NITలు, IIIT (ఐఐటీ)లు, CFTలలో పలు కోర్సులలో ఎంట్రన్స్ లభిస్తుంది. ఈ పరీక్షలో మంచి స్కోర్ సాధించిన అభ్యర్థులు JEE అడ్వాన్స్‌డ్ కోసం కూడా అర్హత సాధిస్తారు. ఈ స్కోర్ IITలలో చేరేందుకు మార్గం సుగమం చేస్తుంది.</p>
<p style="text-align: justify;"><strong>అడ్మిట్ కార్డులో ఏమేం సమాచారం ఉంటుంది</strong></p>
<p style="text-align: justify;">జేఈఈ మెయిన్స్ 2026 అడ్మిట్ కార్డ్ కేవలం ఎంట్రీ పాస్ మాత్రమే కాదు. ఇందులో మీ మొత్తం పరీక్షకు సంబంధించిన సమాచారం ఉంటుంది. ఇందులో మీ పేరు, రోల్ నంబర్, ఎగ్జామ్ సెంటర్ చిరునామా, పరీక్ష తేదీతో పాటు సమయం, విద్యార్థి ఫోటో, సంతకం వంటి ముఖ్యమైన వివరాలు ఉంటాయి. డౌన్‌లోడ్ చేసిన తర్వాత, ఏదైనా తప్పులు గుర్తిస్తే కనుక సకాలంలో వాటిని సరిదిద్దడానికి హాల్ టికెట్ సమాచారాన్ని జాగ్రత్తగా చెక్ చేసుకోవాలి. </p>
<p style="text-align: justify;">జేఈఈ మెయిన్ పరీక్ష రోజున అడ్మిట్ కార్డుతో పాటు చెల్లుబాటు అయ్యే ఫోటో ID ప్రూఫ్ (ఆధార్ కార్డ్, పాన్ కార్డ్ మొదలైనవి) ఒకటి కచ్చితంగా ఎగ్జామ్ సెంటర్‌కు తీసుకెళ్లాలి. అడ్మిట్ కార్డ్ లేకుండా పరీక్షా కేంద్రంలోకి అనుమతి డదు. దీనితో పాటు, చివరి నిమిషంలో ఎలాంటి ఇబ్బందులు రాకుండా ఉండటానికి పరీక్షా కేంద్రానికి సమయానికి చేరుకోవాలని అభ్యర్థులకు అధికారులు సూచించారు.</p>
<p style="text-align: justify;"><strong>JEE మెయిన్స్ అడ్మిట్ కార్డ్ 2026ని ఎలా డౌన్‌లోడ్ చేయాలి </strong></p>
<ul>
<li>మొదటగా JEE మెయిన్ అధికారిక వెబ్‌సైట్ Jeemain.nta.nic.inని సందర్శించండి.</li>
<li>హోమ్‌పేజీలో “JEE మెయిన్స్ సెషన్ 2 అడ్మిట్ కార్డ్ 2026” లింక్‌పై క్లిక్ చేయాలి. </li>
<li>ఇప్పుడు మీ అప్లికేషన్ నంబర్, పాస్‌వర్డ్ లేదా బర్త్ డే వివరాలు నమోదు చేయండి.</li>
<li>మీ జేఈఈ మెయిన్స్ అడ్మిట్ కార్డ్ స్క్రీన్‌పై కనిపిస్తుంది</li>
<li>దీనిని జాగ్రత్తగా చెక్ చేసి డౌన్‌లోడ్ బటన్‌పై క్లిక్ చేయండి.</li>
<li>PDF ఫైల్‌ను సేవ్ చేశాక.. ప్రింట్ అవుట్ తీసుకోవడం మంచిది.<br /><br />
<p> </p>
</li>
</ul>
2 weeks ago
3 
