<p>కథానాయకుడిగా జేడీ చక్రవర్తి ఎన్నో విజయాలు చూశారు. విలన్ రోల్స్ నుంచి కెరీర్ స్టార్ట్ చేసి, హీరోగా హిట్స్ కొట్టి... బాలీవుడ్ వెళ్లి అక్కడ కూడా సత్తా చాటారు. అయితే... సెకండ్ ఇన్నింగ్స్ స్టార్ట్ చేసిన తర్వాత ఆచితూచి సినిమాలు ఎంపిక చేసుకుంటున్నారు. తరుణ్ భాస్కర్ 'గాయపడ్డ సింహం' సినిమాలో బ్రూటల్ ధర్మ పాత్ర చేస్తున్నారు. ఇప్పుడు ప్రధాన పాత్రలో మరొక సినిమా అనౌన్స్ చేశారు. </p>
<p><strong>జేడీ చక్రవర్తి పాన్ ఇండియా 'చేతబడి' </strong><br />విలక్షణ నటుడు జేడీ చక్రవర్తి ప్రధాన పాత్రలో వాస్తవ ఘటనల ఆధారంగా రూపొందుతున్న చిత్రానికి 'చేతబడి' టైటిల్‌ ఖరారు చేశారు. అది అనౌన్స్ చేయడంతో పాటు కాన్సెప్ట్ పోస్టర్ కూడా విడుదల చేశారు. ఓ కోడి తల, దాని చుట్టూ పుర్రెలు, ఎవరికో చేతబడి చేస్తున్నట్టు అర్థం అవుతోంది. 'చేతబడి'ని ఎం3 మీడియా, మహా మూవీస్ సంయుక్తంగా తెరకెక్కిస్తున్నాయి. ఈ చిత్రాన్ని మహర్షి కూండ్ల సమర్పణలో మహేంద్రనాథ్ కూండ్ల నిర్మిస్తున్నారు. ఈ చిత్రానికి సూర్యాస్ దర్శకుడు. జేడీ చక్రవర్తి పుట్టినరోజు సందర్భంగా ఏప్రిల్ 16న సినిమాను అనౌన్స్ చేశారు.</p>
<p>Also Read<strong>: <a title="Papam Prathap Movie Review - పాపం ప్రతాప్ రివ్యూ: థియేటర్లకు వెళ్లిన ప్రేక్షకులు చూసి పాపం అనుకోవాలా?... తిరువీర్ సినిమా ఎలా ఉందంటే?" href="https://telugu.abplive.com/movie-review/entertainment/movie-review-papam-prathap-review-in-telugu-thiruveer-payal-radhakrishna-etv-win-movie-244559" target="_self">Papam Prathap Movie Review - పాపం ప్రతాప్ రివ్యూ: థియేటర్లకు వెళ్లిన ప్రేక్షకులు చూసి పాపం అనుకోవాలా?... తిరువీర్ సినిమా ఎలా ఉందంటే?</a></strong></p>
<p>ఇదొక హారర్ మిస్టరీ థ్రిల్లర్ అని దర్శక నిర్మాతలు తెలిపారు. ఇంకా వాళ్ళు మాట్లాడుతూ... ''జేడీ చక్రవర్తి గారికి పుట్టినరోజు శుభాకాంక్షలు. మా సినిమాలో ఆయన పాత్ర వైవిధ్యంగా ఉంటుంది. ఇంతకు ముందు ఎప్పుడూ పోషించని పాత్రలో... హీరోగా, విలన్‌గా ఆయన కనిపిస్తారు. సాధారణంగా పాన్ ఇండియా సినిమా అంటే అన్ని భాషల్లో సేమ్ సాంగ్స్ ఉంటాయి. కానీ, మా సినిమాలో ఐదు భాషల్లో పాటలు విడుదల చేయడం కామన్‌. అయితే... తెలుగుతో పోలిస్తే మిగతా భాషల్లో సేమ్ విజువల్‌తో డిఫరెంట్ సాంగ్స్ ఉంటాయి. మే నెల నుంచి రెగ్యులర్ షూటింగ్ మొదలు కానుంది. సాంకేతికంగానూ సినిమా హై స్టాండర్డ్స్‌లో ఉంటుంది'' అని చెప్పారు.</p>
<p>Also Read<strong>: <a title="Dacoit Review - డెకాయిట్ రివ్యూ: థ్రిల్లర్ తరహాలో సాగిన ప్రేమకథ... అడివి శేష్ సక్సెస్ జర్నీ కంటిన్యూ అవుతుందా? సినిమా ఎలా ఉందంటే?" href="https://telugu.abplive.com/movie-review/entertainment/movie-review-dacoit-review-in-telugu-adivi-sesh-mrunal-thakur-starring-dacoit-movie-critics-review-rating-243836" target="_self">Dacoit Review - డెకాయిట్ రివ్యూ: థ్రిల్లర్ తరహాలో సాగిన ప్రేమకథ... అడివి శేష్ సక్సెస్ జర్నీ కంటిన్యూ అవుతుందా? సినిమా ఎలా ఉందంటే?</a></strong></p>
<p><strong>సరిగమ చేతికి ఆడియో రైట్స్!</strong><br />'చేతబడి' చిత్రానికి అచ్చు రాజమణి సంగీతం అందిస్తున్నారు. ఆస్కార్ విజేత, ప్రముఖ గేయ రచయిత చంద్రబోస్ తెలుగులో సాహిత్యం అందించనున్నారు. సినిమా అనౌన్స్ చేయడానికి ముందు మ్యూజిక్ (ఆడియో) హక్కులను సరిగమ సంస్థ తీసుకుంది. జేడీ చక్రవర్తి ప్రధాన పాత్రలో రూపొందుతున్న 'చేతబడి'కి నిర్మాణ సంస్థలు: ఎం3 మీడియా & మహా మూవీస్, సమర్పణ: మహర్షి కూండ్ల, నిర్మాత: మహేంద్రనాథ్ కూండ్ల, కథ - దర్శకత్వం: సూర్యాస్, సంగీతం: అచ్చు రాజమణి, సాహిత్యం: ఆస్కార్ విన్నర్ చంద్రబోస్, ఛాయాగ్రహణం: మిర్లాన్ నజీర్, కూర్పు: వంశీ, కళా దర్శకుడు: ఆశిష్ తేజ పూలల.</p>
<p>Also Read<strong>: <a title="LIK Review Telugu - లవ్ ఇన్సూరెన్స్ కంపెనీ రివ్యూ: హ్యాట్రిక్ తర్వాత... ప్రదీప్ రంగనాథన్ సినిమా హిట్టా? ఫట్టా?" href="https://telugu.abplive.com/movie-review/entertainment/movie-review-lik-review-in-telugu-pradeep-ranganathan-krithi-shetty-vignesh-shivan-love-insurance-kompany-movie-critics-review-rating-243888" target="_self">LIK Review Telugu - లవ్ ఇన్సూరెన్స్ కంపెనీ రివ్యూ: హ్యాట్రిక్ తర్వాత... ప్రదీప్ రంగనాథన్ సినిమా హిట్టా? ఫట్టా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/movie-review/baak-telugu-movie-review-plus-minus-points-highlights-explained-159548" width="631" height="381" scrolling="no"></iframe></p>
1 month ago
6 
