<p><strong>IND VS SL 2nd Test, Jaiswal Fernando On Field Heated Spat:</strong> కొలంబోలోని సింహళీస్ స్పోర్ట్స్ క్లబ్ వేదికగా శ్రీలంకతో ప్రారంభమైన రెండో టెస్ట్ మ్యాచ్ తొలి రోజే మైదానంలో ఉద్రిక్త ప‌రిస్థితులు నెల‌కొన్నాయి. భారత యంగ్ ఓపెనర్ యశస్వి జైస్వాల్, శ్రీలంక పేసర్ అసిథ ఫెర్నాండో మధ్య పిచ్ పై తీవ్రస్థాయిలో మాట‌ల యుద్ధం జ‌రిగింది. ఒకే ఓవర్లో మూడు ఫోర్లు కొట్టిన తర్వాత చివరి బంతికి జైస్వాల్ అవుట్ కాగా, ఫెర్నాండో అగ్రెసివ్ సెండ్ ఆఫ్ తో రెచ్చ‌గొట్టాడు. పెవిలియన్ కు నడుస్తున్న జైస్వాల్ వెనక్కి తిరిగి ఫెర్నాండో వైపు చూస్తూ, ద‌గ్గ‌రికి వెళ్లాడు. ఈ క్రమంలో ఇద్దరి తలలు ఢీకొనడంతో పాటు ఒకరినొకరు నెట్టుకోవడంతో శ్రీలంక ప్లేయర్లు జోక్యం చేసుకుని ఇద్దరినీ ప‌క్క‌కి త‌ప్పించ‌డంతో ప‌రిస్థితి అదుపులోకి వ‌చ్చింది. .</p>
<blockquote class="twitter-tweet">
<p dir="ltr" lang="en">Body contact between Jaiswal and Asitha Fernando.. <a href="https://x.com/hashtag/SLVIND?src=hash&ref_src=twsrc%5Etfw">#SLVIND</a> <a href="https://t.co/w3Q905WUIf">pic.twitter.com/w3Q905WUIf</a></p>
— Nibraz Ramzan (@nibraz88cricket) <a href="https://x.com/nibraz88cricket/status/2091406411934884086?ref_src=twsrc%5Etfw">August 23, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>సారాంశ్ జైన్ డెబ్యూ..</strong><br />టాస్ గెలిచి బ్యాటింగ్ ఎంచుకున్న ఇండియా ఈ మ్యాచ్ లో తుదిజ‌ట్టులో ఓ మార్పు చేసింది. చైనామ‌న్ స్పిన్న‌ర్ కుల్దీప్ యాదవ్ స్థానంలో సారాంశ్ జైన్ కు తుదిజ‌ట్టులో చోటు క‌ల్పింది. అతనికిది డెబ్యూ మ్యాచ్ కావ‌డం విశేషం. <br />ఇక భార‌త ఓపెనర్లు కేఎల్ రాహుల్ (18), యశస్వి జైస్వాల్ (45) మొదటి వికెట్‌కు 37 రన్స్ జోడించి పర్వాలేదనిపించే ఆరంభాన్ని నమోదు చేశారు. జైస్వాల్ మంచి టైమింగ్‌తో లహిరు కుమార బౌలింగ్‌లో వరుసగా రెండు ఫోర్లు, ప్రభాత్ జయసూర్య బౌలింగ్‌లో క్లాసిక్ కవర్ డ్రైవ్ బాదాడు. కేఎల్ రాహుల్ కూడా జయసూర్య బౌలింగ్ లో స్ట్రెయిట్ సిక్సర్ కొట్టి టచ్ లో కనిపించినా, కుమార వేసిన బంతికి ఎడ్జ్ ఇచ్చి వికెట్ కీపర్ నిరోషన్ డిక్వెల్లాకు క్యాచ్ ఇచ్చి పెవిలియ‌న్ కు చేరాడు.</p>
<blockquote class="twitter-tweet">
<p dir="ltr" lang="en">The feeling of making your Test Debut ✨<a href="https://x.com/hashtag/TeamIndia?src=hash&ref_src=twsrc%5Etfw">#TeamIndia</a> all-rounder Ravindra Jadeja presents the Test cap to Saransh Jain 👏👏<br /><br />Updates ▶️ <a href="https://t.co/r9FgXSdsMf">https://t.co/r9FgXSdsMf</a><a href="https://x.com/hashtag/SLvIND?src=hash&ref_src=twsrc%5Etfw">#SLvIND</a> <a href="https://t.co/6H6KrUdSkU">pic.twitter.com/6H6KrUdSkU</a></p>
— BCCI (@BCCI) <a href="https://x.com/BCCI/status/2091379755593646479?ref_src=twsrc%5Etfw">August 23, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>జైస్వాల్ క్లీన్ బౌల్డ్..</strong><br />భారీ స్కోరు దిశగా సాగుతున్న జైస్వాల్‌ను అసిథ ఫెర్నాండో అద్భుతమైన నిప్ బ్యాకర్ బంతితో క్లీన్ బౌల్డ్ గా ఔట్ చేశాడు. వికెట్ పడిన వెంటనే ఫెర్నాండో ఇచ్చిన అగ్రెసివ్ రియాక్షన్ తో ఇద్దరి మధ్య గొడవ ప్రారంభ‌మైంది. తోపులాట వరకు వెళ్లిన ఈ వ్యవహారం వీడియో సోషల్ మీడియాలో విపరీతంగా వైరల్ గా మారింది. ఆ తర్వాత క్రీజులోకి వచ్చిన దేవదత్ పడిక్కల్ ఇచ్చిన సులువైన క్యాచ్ ను బ్యాక్‌వర్డ్ పాయింట్‌లో లంక కెప్టెన్ ధనంజయ డి సిల్వా జారవిడవ‌డంతో అత‌నికి లైఫ్ ద‌క్కింది. </p>
<p><strong>భారీ భాగ‌స్వామ్యం.. </strong><br />తొలి సెషన్ ముగిసే సమయానికి ఇండియా 2 వికెట్ల నష్టానికి 88 పరుగులు చేసింది. ఇక లంచ్ త‌ర్వాత కూడా ప‌డిక్క‌ల్, భార‌త కెప్టెన్ శుభ‌మాన్ గిల్ జోరుగా ఆడుతున్నారు. వీరిద్ద‌రూ లంక బౌల‌ర్ల‌ను సాధికారికంగా ఎదుర్కొన్నారు. క‌డ‌ప‌టి వార్త‌లందేసరికి - ఓవ‌ర్ల‌లో - వికెట్ల‌కు - ప‌రుగులు భార‌త్ చేసింది. అబేధ్య‌మైన మూడో వికెట్ కు వీరిద్ద‌రూ - ప‌రుగులు జోడించారు. ఇక గాలేలో జ‌రిగిన తొలి టెస్టును గెలిచిన భార‌త్, రెండు టెస్టుల సిరీస్ లో 1-0తో ఆధిక్యంలో ఉంది. </p>
2 months ago
6 
