<p><strong>IPL 2026 SRH VS MI Result Update:</strong> స‌న్ రైజ‌ర్స్ గ‌ర్జించింది. వాంఖెడే గ‌డ్డ‌పై ఆతిథ్య ముంబై ఇండియ‌న్స్ కంగుతినిపించింది. ఐపీఎల్ 2026లో భాగంగా ముంబైలో జ‌రిగిన మ్యాచ్ లో 6 వికెట్ల‌తో ఘ‌నవిజయం సాధించింది. అంత‌కుముందు టాస్ గెలిచి ఫ‌స్ట్ బ్యాటింగ్ చేసిన ముంబై నిర్ణీత 20 ఓవ‌ర్లలో 5 వికెట్ల‌కు 243 ప‌రుగులు చేసింది. వికెట్ కీప‌ర్ క‌మ్ ఓపెన‌ర్ ర్యాన్ రికెల్ట‌న్ స్ట‌న్నింగ్ సెంచ‌రీ (55 బంతుల్లో 123 నాటౌట్, 10 ఫోర్లు, 8 సిక్స‌ర్లు)తో టాప్ స్కోర‌ర్ గా నిలిచాడు. బౌల‌ర్ల‌లో ప్ర‌ఫుల్ హింగేకు రెండు వికెట్లు ద‌క్కాయి. అనంత‌రం ఛేజింగ్ ను 18.4 ఓవ‌ర్ల‌లోనే 4 వికెట్ల‌కు 249 ప‌రుగులు చేసి పూర్తి చేసింది. ఓపెన‌ర్ ట్రావిస్ హెడ్ సూప‌ర్బ్ ఫిఫ్టీ (30 బంతుల్లో 76, 4 ఫోర్లు, 8 సిక్సర్లు) తో ఘ‌నంగా ఫామ్ లోకి వ‌చ్చాడు. బౌల‌ర్ల‌లో అల్లా ఘ‌జ‌న్ ఫ‌ర్ కు రెండు వికెట్లు ద‌క్కాయి. తాజా విజ‌యంతో స‌న్ రైజ‌ర్స్ టాప్-3కి దూసుకెళ్లింది. ఇక వాంఖెడే గ‌డ్డ‌పై ఇది అత్య‌ధిక ఛేజింగ్ కావ‌డం విశేషం. మ‌రోవైపు ఇదే మ్యాచ్ లో ప‌ర్పుల్ క్యాప్ ను ఇషాన్ మలింగా, ఆరెంజ్ క్యాప్ ను అభిషేక్ శ‌ర్మ కైవ‌సం చేసుకున్నారు. ఇక స‌న్ రైజ‌ర్స్ కిది వందో విజ‌యం కాగా, ఐపీఎల్ చ‌రిత్ర‌లో స‌న్ కు రెండో అత్య‌ధిక చేజ్ కావ‌డం విశేషం స‌న్ రైజ‌ర్స్ కు ఇది వ‌రుస‌గా ఐదో విజయం కాగా, ముంబైకిది వ‌రుస‌గా రెండో ప‌రాజ‌యం కావడం విశేషం. గురువారం అహ్మ‌దాబాద్ లో జ‌రిగే మ్యాచ్ లో రాయ‌ల్ చాలేంజ‌ర్స్ బెంగ‌ళూరుతో గుజ‌రాత్ టైటాన్స్ త‌ల‌ప‌డ‌నుంది. </p>
<p> </p>
<blockquote class="twitter-tweet">
<p dir="ltr" lang="en">High 𝐅𝐈𝐕𝐄 if you loved that, Orange Army 🫶🧡 <a href="https://t.co/0SogRa36I4">pic.twitter.com/0SogRa36I4</a></p>
— SunRisers Hyderabad (@SunRisers) <a href="https://twitter.com/SunRisers/status/2049554331687587939?ref_src=twsrc%5Etfw">April 29, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>డిఫెన్సివ్ బౌలింగ్..</strong><br />చేతిలో భారీ టార్గెట్ ఉన్న‌ప్ప‌టికీ స‌న్ బ్యాట‌ర్ల‌కు భ‌య‌ప‌డి, ముంబై విచిత్ర‌మైన బౌలింగ్ తో ముందుకొచ్చింది. స్టార్ పేస‌ర్ జ‌స్ ప్రీత్ బుమ్రాతో స‌హా మిగ‌తా బౌల‌ర్లు డిఫెన్సివ్ బౌలింగ్ తో ముందుకొచ్చారు. అయిన‌ప్పిటీకి ప‌రుగుల వ‌ర‌ద ఆగ‌లేదు. సిక్స‌ర్ తో బౌండ‌రీ ఖాతా తెరిచిన స‌న్ రైజ‌ర్స్.. ఆరంభంలోనే సిక్స‌ర్ల‌తోనే డీల్ చేసింది. ముఖ్యంగా ఫామ్ కోల్పోయి తంటాలు ప‌డుతున్న హెడ్.. ఈ మ్యాచ్ లో సత్తా చాటాడు. అత‌ని కొన్ని లైఫులు రావ‌డం కూడా శుభ‌ప‌రిణామంగా ప‌రిణ‌మించింది. మ‌రో ఎండ్ లో అభిషేక్ శ‌ర్మ (24 బంతుల్లో 45, 4 ఫోర్లు, 3 సిక్స‌ర్లు) కూడా ష‌రామాములుగా స‌త్తా చాట‌డంతో ప‌వ‌ర్ ప్లేలో 92 ప‌రుగుల‌తో దుమ్ము రేపింది. ఈక్ర‌మంలో 20 బంతుల్లోనే హెడ్ అర్ధ సెంచ‌రీ న‌మోదు చేశాడు. తొలి వికెట్ కు 129 ప‌రుగులు జోడించాక‌, అభిషేక్ ఔట్ కావ‌డంతో తొలి వికెట్ భాగ‌స్వామ్యం ముగిసింది. అయితే ఈ ద‌శ‌లో ఇషాన్ కిష‌న్ డ‌కౌట్, హెడ్ కూడా ఔట‌వ‌డంతో స‌న్ జోరుకు బ్రేకులు ప‌డ్డాయి. .</p>
<blockquote class="twitter-tweet">
<p dir="ltr" lang="de">𝐑𝐢𝐜𝐡 in Consistency. 𝐑𝐢𝐜𝐡 in Klass. ✨ <a href="https://t.co/UDG3hTOubX">pic.twitter.com/UDG3hTOubX</a></p>
— SunRisers Hyderabad (@SunRisers) <a href="https://twitter.com/SunRisers/status/2049547211424584040?ref_src=twsrc%5Etfw">April 29, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>కీల‌క భాగ‌స్వామ్యం..</strong><br />4 ప‌రుగుల తేడాతో మూడు వికెట్లు కోల్పోయిన ద‌శ‌లో హెన్రిచ్ క్లాసెన్ (30 బంతుల్లో 65 నాటౌట్, 7 ఫోర్లు, 4 సిక్స‌ర్లు), నితీశ్ కుమార్ రెడ్డి (21) కీల‌క భాగస్వామ్యం నెల‌కొల్పారు. ఒక ఎండ్ లో క్లాసెన్ చెల‌రేగి పోతుంటే, మ‌రో ఎండ్ లో నితీశ్ స్ట్రైక్ అత‌నికిచ్చాడు. ఈ క్ర‌మంలో 22 బంతుల్లో క్లాసెన్ అర్థ సెంచ‌రీ ఫినిష్ చేశాడు. నాలుగో వికెట్ కు 80 ప‌రుగులు జోడించాక‌, పుల్ షాట్ కు ప్ర‌య‌త్నించి, నితీశ్ ఔట‌య్యాడు. ఆ త‌ర్వాత స‌లీల్ ఆరోరా (10 బంతుల్లో 30 నాటౌట్, 2 ఫోర్లు, 3 సిక్స‌ర్లు)తో ఫినిషింగ్ టచ్ ఇచ్చాడు. దీంతో ఆరు వికెట్లతో స‌న్ ఘ‌నవిజ‌యం సాధించింది. క్లాసెన్ కు ప్లేయ‌ర్ ఆఫ్ ద మ్యాచ్ అవార్డు ద‌క్కింది. </p>
1 month ago
5 
