<p><strong>IPL 2026 CSK VS DC Latest Updates:</strong> ఐపీఎల్ 2026 సీజ‌న్ లో చెన్నై సూప‌ర్ కింగ్స్ తొలి విజ‌యం వైపు గ‌ట్టిగా అడుగులు వేసింది. శ‌నివారం చేపాక్ లో ఢిల్లీ క్యాపిట‌ల్స్ తో జ‌రుగుతున్న మ్యాచ్ లో భారీ స్కోరు సాధించింది. ముఖ్యంగా ఓపెన‌ర్ సంజూ శాంస‌న్ ఈ సీజ‌న్ లోనే తొలి సెంచ‌రీ (56 బంతుల్లో 115 నాటౌట్, 15 ఫోర్లు, 4 సిక్సర్లు)తో స‌త్తా చాటాడు. దీంతో టాస్ ఓడి ఫ‌స్ట్ ఓడి ఫ‌స్ట్ బ్యాటింగ్ చేసిన చెన్నై.. నిర్ణీత 20 ఓవ‌ర్ల‌లో 2 వికెట్ల‌కు 212 ప‌రుగులు చేసింది. బౌల‌ర్ల‌లో అక్షర్ పటేల్ కు ఒక వికెట్ దక్కింది. ఇక ఈ సీజ‌న్ లో మూడు మ్యాచ్ లు ఆడిన‌ప్ప‌టికీ, అందులో ఒక్క‌దానిలోనూ చెన్నై విజ‌యం సాధించ‌లేక‌పోయింది. ఇక ఆదివారం జ‌రిగే డ‌బుల్ హెడ‌ర్ లో గుజ‌రాత్ టైటాన్స్ తో ల‌క్నో సూప‌ర్ జెయింట్స్, ముంబై ఇండియ‌న్స్ తో రాయ‌ల్ చాలేంజ‌ర్స్ బెంగ‌ళూరుతో త‌ల‌ప‌డ‌నున్నాయి. </p>
<blockquote class="twitter-tweet">
<p dir="ltr" lang="en">📸📸<br /><br />A 𝙎𝙖𝙣𝙟𝙪 𝙎𝙖𝙢𝙨𝙤𝙣 𝙎𝙥𝙚𝙘𝙞𝙖𝙡 in Chennai 🫡💯<br /><br />Updates ▶️ <a href="https://t.co/BzGc6O65jX">https://t.co/BzGc6O65jX</a> <a href="https://twitter.com/hashtag/TATAIPL?src=hash&ref_src=twsrc%5Etfw">#TATAIPL</a> | <a href="https://twitter.com/hashtag/KhelBindaas?src=hash&ref_src=twsrc%5Etfw">#KhelBindaas</a> | <a href="https://twitter.com/hashtag/CSKvDC?src=hash&ref_src=twsrc%5Etfw">#CSKvDC</a> <a href="https://t.co/u2TWFHmNYj">pic.twitter.com/u2TWFHmNYj</a></p>
— IndianPremierLeague (@IPL) <a href="https://twitter.com/IPL/status/2042991007797776839?ref_src=twsrc%5Etfw">April 11, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>సూప‌ర్ శాంసన్..</strong><br />ఈ సీజ‌న్ లో చెన్నై జ‌ట్టుతో చేరిన త‌ర్వాత వ‌రుస‌గా విఫ‌ల‌మ‌వుతున్న శాంస‌న్.. ఈ మ్యాచ్ లో జూలు విదిల్చాడు. టీ20 వ‌ర‌ల్డ్ క‌ప్ వైబ్ ను గుర్తు చేస్తూ బ్యాటింగ్ ను చేశాడు. ఒక ఎండ్ లో ఓపెన‌ర్ క‌మ్ కెప్టెన్ రుతురాజ్ గైక్వాడ్ (15) నెమ్మ‌దిగా ఆడగా, శాంస‌న్ మాత్రం బౌండ‌రీల‌తో రెచ్చిపోయాడు. దీంతో ప‌వ‌ర్ ప్లేలో ప‌ది ప‌రుగుల‌కు పైగా ర‌న్ రేట్ తో 61 ప‌రుగులు సాధించింది. అయితే ప‌వ‌ర్ ప్లే మ‌రుస‌టి ఓవ‌ర్లోనే ఢిల్లీ కెప్టెన్ అక్ష‌ర్ ప‌టేల్ .. రుతురాజ్ ను పెవిలియ‌న్ కు పంపాడు. దీంతో తొలి వికెట్ న‌మోదైన 62 ప‌రుగుల‌ భాగ‌స్వామ్యానికి తెర‌ప‌డింది. </p>
<p><strong> మాత్రే జోరు..</strong><br />వ‌న్ డౌన్ బ్యాట‌ర్ గా ఆయుష్ మాత్రే (36 బంతుల్లో 59 రిటైర్డ్ ఔట్, 3 ఫోర్లు, 4 సిక్స‌ర్లు)తో క‌లిసి శాంస‌న్ మ‌రింత జోరును చూపించాడు. వీరిద్ద‌రూ ఆకాశ‌మే హ‌ద్దుగా చెల‌రేగుతూ బౌండ‌రీలు సాధించారు. ఇంత‌లో 26 బంతుల్లో శాంస‌న్ ఫిఫ్టీ పూర్తి చేసుకోగా, కాసేప‌టికి 27 బంతుల‌కు మాత్రే ఫిఫ్టీ కంప్లీట్ చేసుకున్నాడు. ఇక శాంస‌న్ సెంచ‌రీకి స‌మీపించిన స్థితిలో పరుగుల వేగం నెమ్మ‌దించ‌డంతో మాత్రేను రిటైర్డ్ గా వెన‌క్కి పిలిచారు. చివ‌ర్లో శివ‌మ్ దూబే (20 నాటౌట్) హిట్ట‌ర్ గా బ‌రిలోకి దింప‌డం ఓ మాదిరి ఫలితాన్ని మాత్రమే అందించింది. అంత‌క‌ముందు 17వ ఓవ‌ర్లో ఈ సీజ‌న్ లో తొలి శ‌త‌కాన్ని సంజూ శాంస‌న్ పూర్తి చేశాడు. కేవలం 52 బంతుల్లోనే శాంస‌న్ సెంచ‌రీ చేయ‌డం విశేషం. అత‌ని కెరీర్లో ఇదే ఫాస్టెస్ట్ సెంచ‌రీ కావ‌డం గ‌మ‌నార్హం. </p>
4 days ago
2 
