<p><strong>IPL 2026 GT VS PBKS Live Update:</strong> 2026 ఐపీఎల్ సీజన్ లో భాగంగా ఆదివారం గుజ‌రాత్ టైటాన్స్, పంజాబ్ కింగ్స్ జ‌ట్ల మ‌ధ్య జ‌రిగిన మ్యాచ్ ఆద్యంతం ఉత్కంఠ‌భ‌రితంగా సాగింది. లో స్కోరింగ్ థ్రిల్ల‌ర్ లో చివ‌రివ‌ర‌కు ఒత్తిడిని తట్టుకుని నిలిచిన గుజ‌రాత్ టైటాన్స్ 4 వికెట్లతో విజ‌యం సాధించింది. లో స్కోరింగ్ థ్రిల్ల‌ర్ లో జీటీకిది రెండో విజ‌యం కావ‌డం విశేషం. అంత‌కుముందు టాస్ ఓడి ఫ‌స్ట్ బ్యాటింగ్ చేసిన పంజాబ్ నిర్ణీత 20 ఓవ‌ర్ల‌లో 9 వికెట్ల‌కు 163 ప‌రుగులు చేసింది. యువ బ్యాట‌ర్ సూర్యాంశ్ షెడ్గే సూప‌ర్బ్ ఫిఫ్టీ (29 బంతుల్లో 57, 3 ఫోర్లు, 5 సిక్స‌ర్లు)తో టాప్ స్కోర‌ర్ గా నిలిచాడు. బౌల‌ర్ల‌లో జాస‌న్ హోల్డ‌ర్ కు నాలుగు వికెట్లు ద‌క్కాయి. అనంత‌రం ఛేజింగ్ ను జీటీ చివ‌రి ఓవ‌ర్లో ఛేదించింది. 19.5 ఓవ‌ర్లలో 6 వికెట్ల‌కు 167 ప‌రుగులు చేసింది. ఓపెన‌ర్ బీ సాయి సుద‌ర్శ‌న్ స్ట‌న్నింగ్ ఫిఫ్టీ (41 బంతుల్లో 57, 5 ఫోర్లు, 1 సిక్స‌ర్) తో టాప్ స్కోర‌ర్ గా నిలిచాడు. అర్ష‌దీప్ సింగ్, విజ‌య్ కుమార్ వైశాక్ కు చెరో రెండు వికెట్లు ద‌క్కాయి. ఈ విజ‌యంతో గుజ‌రాత్ హ్యాట్రిక్ విజ‌యాలు ద‌క్కించుకోగా, పంజాబ్ కు మాత్రం వ‌రుస‌గా రెండో ప‌రాజయం ఎదురైంది. సోమ‌వారం వాంఖెడేలో జ‌రిగే మ్యాచ్ లో లక్నో సూప‌ర్ జెయింట్స్ తో ముంబై ఇండియ‌న్స్ త‌ల‌ప‌డ‌నుంది. </p>
<blockquote class="twitter-tweet">
<p dir="ltr" lang="en">Continuing his rich run of form ✨<br /><br />Sai Sudharsan guiding <a href="https://twitter.com/hashtag/GT?src=hash&ref_src=twsrc%5Etfw">#GT</a>'s chase with a 3️⃣rd fifty-plus score in his last 4️⃣ innings 🔝<br /><br />Updates ▶️ <a href="https://t.co/9vBsQTIV2x">https://t.co/9vBsQTIV2x</a><a href="https://twitter.com/hashtag/TATAIPL?src=hash&ref_src=twsrc%5Etfw">#TATAIPL</a> | <a href="https://twitter.com/hashtag/KhelBindaas?src=hash&ref_src=twsrc%5Etfw">#KhelBindaas</a> | <a href="https://twitter.com/hashtag/GTvPBKS?src=hash&ref_src=twsrc%5Etfw">#GTvPBKS</a> | <a href="https://twitter.com/gujarat_titans?ref_src=twsrc%5Etfw">@gujarat_titans</a> | <a href="https://twitter.com/sais_1509?ref_src=twsrc%5Etfw">@sais_1509</a> <a href="https://t.co/VjjD5S1Uqs">pic.twitter.com/VjjD5S1Uqs</a></p>
— IndianPremierLeague (@IPL) <a href="https://twitter.com/IPL/status/2050988738789179598?ref_src=twsrc%5Etfw">May 3, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>గిల్ వెనుదిరిగినా..</strong><br />ఓ మాదిరి టార్గెట్ తో బ‌రిలోకి దిగిన గుజ‌రాత్ కు పంజాబ్ గ‌ట్టి పోటీనిచ్చింది. ఫామ్ లో ఉన్న కెప్టెన్ శుభ‌మాన్ గిల్ (5) త్వ‌ర‌గా ఔట్ చేసి షాకించ్చింది. ఈ ద‌శ‌లో జోస్ బ‌ట్ల‌ర్ (26) తో క‌లిసి, సుద‌ర్శ‌న్ ప్ర‌త్య‌ర్థి బౌల‌ర్ల‌పై ఎదురుదాడికి దిగాడు. వీరిద్ద‌రూ కాస్త ధాటిగా ఆడ‌టంతో స్కోరు బోర్డు పరుగులు పెట్టింది. దీంతో ప‌వ‌ర్ ప్లేలో 58 ప‌రుగుల‌ను గుజ‌రాత్ రాబ‌ట్టింది. వీరిద్ద‌రూ జోరును కొన‌సాగించ‌డంతో రెండో వికెట్ కు 53 ప‌రుగులు జోడించ‌డంతో చేజింగ్ లో జీటీ వేగంగా దూసుకుపోయింది. అయితే సాఫీగా సాగుతున్న ఈ జోడీని వైశాఖ్ విడ‌దీశాడు. బ‌ట్ల‌ర్ ను పెవిలియన్ కు పంపించ‌డంతోపాటు న్యూ బ్యాట‌ర్ నిశాంత్ సింధు (15) త్వ‌ర‌గా ఔట్ కావ‌డంతో జీటీకి చిన్న ఝ‌ల‌క్ త‌గిలిన‌ట్ల‌య్యింది. </p>
<blockquote class="twitter-tweet">
<p dir="ltr" lang="en">Trademark 𝗪𝗮𝘀𝗵𝗶 shot to finish in the most 𝗦𝘂𝗻𝗱𝗮𝗿 way 🤌<a href="https://t.co/RL3KUxzzFr">pic.twitter.com/RL3KUxzzFr</a></p>
— Gujarat Titans (@gujarat_titans) <a href="https://twitter.com/gujarat_titans/status/2051003368970260892?ref_src=twsrc%5Etfw">May 3, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>సుదర్శ‌న్, సుంద‌ర్ నిల‌క‌డ..</strong><br /> ఈ దశ‌లో దేశ‌వాళీల్లో తమిళ‌నాడుకు ఆడే సుద‌ర్శ‌న్, వాషింగ్ట‌న్ సుంద‌ర్ (23 బంతుల్లో 40 నాటౌట్, 5 ఫోర్లు, 1 సిక్స‌ర్) ఈ మ్యాచ్ లో ఇద్ద‌రు క‌లిసి చూడ‌చ‌క్క‌గా బ్యాటింగ్ చేశారు. ఒక ఎండ్ లో సుంద‌ర్ స్ట్రైక్ రొటేట్ చేయ‌గా, మ‌రోవైపు వీలుచిక్కిన‌ప్పుడల్లా సుద‌ర్శన్ బౌండ‌రీలు బాదాడు. ఈ క్ర‌మంలో 37 బంతుల్లో ఫిఫ్టీ పూర్తి చేసుకున్నాడు. చివ‌ర్లో సుద‌ర్శ‌న్ ఔట‌య్యాక‌, రాహుల్ తెవాటియా (2), హోల్డ‌ర్ (5) త్వ‌ర‌గా ఔటైనా, అర్ష‌ద్ ఖాన్ (8 నాటౌట్) తో క‌లిసి సుంద‌ర్ మ్యాచ్ ను ఫినిష్ చేశాడు. <a title="స్టొయినిస్ వేసిన ఆఖ‌రి ఓవ‌ర్ ఐదో బంతిని క‌ళ్లు చెదిరే సిక్స‌ర్ గా మ‌లిచి, గుజరాత్ టైటాన్స్ కు అద్భుత విజయం అందించాడు." href="https://telugu.abplive.com/sports/ipl/ipl-2026-gt-vs-rcb-gujarat-titans-beats-royal-challengers-bengaluru-shubman-gill-arshad-khan-245978" target="_self">స్టొయినిస్ వేసిన ఆఖ‌రి ఓవ‌ర్ ఐదో బంతిని క‌ళ్లు చెదిరే సిక్స‌ర్ గా మ‌లిచి, గుజరాత్ టైటాన్స్ కు అద్భుత విజయం అందించాడు.</a> నాలుగు వికెట్లు తీసిన హోల్డ‌ర్ కు ప్లేయ‌ర్ ఆఫ్ ద మ్యాచ్ అవార్డు ద‌క్కింది. </p>
1 month ago
5 
