Inter Student Suicide: ఫెయిల్ భయంతో ఇంటర్ విద్యార్థి ఆత్మహత్య, రిజల్ట్స్ చూస్తే పాస్.. ఖమ్మం జిల్లాలో ఘటన

<p>మధిర: ఖమ్మం జిల్లా మధిర పట్టణంలో ఒక హృదయ విదారక ఘటన చోటుచేసుకుంది. ఇంటర్మీడియట్ మొదటి సంవత్సరం చదువుతున్న ఒక విద్యార్థి ఫలితాల్లో తాను ఫెయిల్ అవుతాననే తీవ్రమైన భయం, మానసిక ఒత్తిడికి గురయ్యాడు. ఆ భయంతోనే శుక్రవారం మధిర రైల్వే స్టేషన్ సమీపంలో రైలు కింద పడి ఆత్మహత్య చేసుకున్నాడు. బోనకల్&zwnj; మండలం రాపల్లికి చెందిన విద్యార్థి ఆదివారం విడుదలైన ఫలితాలలో అన్ని సబ్జెక్టుల్లోనూ ఉత్తీర్ణుడయ్యాడు. అతనికి మొత్తం 347 మార్కులు వచ్చాయి.&nbsp;</p> <p>పరీక్షలో ఫెయిల్ అవుతాడన్న భయంతో ఆత్మహత్య చేసుకున్న కొడుకు పాసయ్యాడు. కానీ ఆ కొడుకు ఇప్పుడు ప్రాణాలతో లేడన్న నిజాన్ని తట్టుకోలేక ఆ తల్లిదండ్రులు, కుటుంబ సభ్యులు కన్నీళ్లు పెట్టుకున్నారు. &nbsp;చిన్నపాటి ఓర్పు ఉండి ఉంటే, ఈ రోజు ఆ ఇంట్లో ఫలితాల ఆనందం ఉండేదని స్థానికులు విచారం వ్యక్తం చేస్తున్నారు. అతడిపై ఫెయిల్ అయితే పరిస్థితి ఏంటనే ఒత్తిడి వల్లే ప్రాణాలు తీసుకున్నాడని స్థానికులు చెబుతున్నారు.</p> <p><strong>ఇలాంటి ఆత్మహత్యల నివారించడానికి ఏం చేయాలి..</strong><br />విద్యార్థులు పరీక్షల ఒత్తిడికి లోనవ్వకుండా ఉండటానికి తల్లిదండ్రులు, విద్యాసంస్థలు ఈ క్రింది జాగ్రత్తలు తీసుకోవాలి:</p> <p><strong>తల్లిదండ్రుల పాత్ర</strong><br />పిల్లలకు మార్కులే సర్వస్వం కాదు: తమ పిల్లలపై మార్కులు, ర్యాంకుల కోసం ఒత్తిడి చేయకండి. ర్యాంకుల కంటే వారి మానసిక ఆరోగ్యం ముఖ్యమని వారికి భరోసా ఇవ్వండి. ఏదో రంగంలో రాణిస్తావని ధైర్యం చెప్పండి. పరీక్షలో ఫెయిల్ అయితే జీవితం ముగిసిపోదని, మళ్ళీ రాసుకోవచ్చనే ధైర్యాన్ని చిన్నప్పటి నుంచే నూరిపోయాలి. పరీక్షా ఫలితాల సమయంలో పిల్లలు ఒంటరిగా ఉండకుండా చూసుకోవాలి. వారి భయాలను అడిగి తెలుసుకోవాలి.</p> <p><strong>విద్యార్థులు ఏం చేయాలి..&nbsp;</strong><br />మీకు భయంగా అనిపిస్తే వెంటనే స్నేహితులతో లేదా ఇంట్లో వారితో మాట్లాడండి. మీ సమస్యను మనసులోనే దాచుకోవడం వల్ల ఒత్తిడి మరింత పెరుగుతుంది. ఆందోళనలో కఠిన నిర్ణయాలు తీసుకుంటారు. ఒక పరీక్ష పేపర్ మీ భవిష్యత్తును నిర్ణయించదు. ఎందరో గొప్ప వ్యక్తులు చదువులో వెనుకబడిన వారే, కానీ పట్టుదలతో జీవితంలో రాణించారు.&nbsp;</p> <p><strong>విద్యాసంస్థలు &amp; ప్రభుత్వం ఏం చేయాలి..</strong><br />&nbsp;ప్రతి కాలేజీలో విద్యార్థుల కోసం మానసిక నిపుణులతో కౌన్సెలింగ్ ఏర్పాటు చేయాలి. ఒత్తిడిలో ఉన్న విద్యార్థుల కోసం అందుబాటులో ఉండే హెల్ప్&zwnj;లైన్ నంబర్ల గురించి చెప్పాలి. పరీక్షల్లో ఫెయిల్ కావడం గెలుపునకు ఒక మెట్టు మాత్రమే అని విద్యార్థులకు చెప్పాలి. ప్రాణం తీసుకుంటే మీ సమస్య తీరదని, పైగా అది కుటుంబాన్ని కోలుకోలేని దెబ్బ తీస్తుందని అర్థమయ్యేలా చెప్పాలి.&nbsp;</p>