<p><strong>Kamal Haasan Indian 3 Movie Release Update : </strong>1996లో వచ్చిన భారతీయుడు సినీ చరిత్రలోనే ఓ సంచలనం. యూనివర్సల్ హీరో కమల్ హాసన్ ప్రధాన పాత్రలో స్టార్ డైరెక్టర్ శంకర్ దర్శకత్వంలో వచ్చిన ఈ సినిమా బాక్సాఫీస్ వద్ద బ్లాక్ బస్టర్ హిట్ కొట్టింది. ఎన్నో అంచనాల మధ్య దీనికి సీక్వెల్‌గా 2024లో వచ్చిన 'ఇండియన్ 2' డిజాస్టర్ టాక్ సొంతం చేసుకుంది. ఇక ఈ మూవీ క్లైమాక్స్‌లోనే పార్ట్ 3 కూడా ఉంటుందని అనౌన్స్ చేశారు.</p>
<p>'ఇండియన్ 2' డిజాస్టర్ తర్వాత అంతా దీని గురించి మర్చిపోయారు. అయితే, అనూహ్యంగా చిత్ర నిర్మాణ సంస్థ ఇండియన్ 3 అఫీషియల్‌గా అనౌన్స్ చేసింది. ఈ మేరకు స్పెషల్ పోస్టర్ రిలీజ్ చేసింది.</p>
<p><strong>సేనాపతి ఈజ్ బ్యాక్</strong></p>
<p>'సేనాపతి ఏమాత్రం సహనం లేకుండా తిరిగి వచ్చారు. ఇండియన్ 3 ఇన్ వార్ మోడ్‌లో పునరాగమనం మొదలైంది.' అంటూ క్యాప్షన్ ఇచ్చారు. రెండో పార్ట్ క్లైమాక్స్‌లో వచ్చిన క్లిఫ్ హ్యాంగర్ కొనసాగింపుగా ఈ మూడో భాగం ఉండనున్నట్లు తెలుస్తోంది. స్వాతంత్ర్య యోధుడు సేనాపతి మూలాలతో పాటు బ్రిటిష్ కాలం నాటి ప్లాష్ బ్యాక్ ఎపిసోడ్స్ మేజర్ హైలెట్స్‌‌గా ఉండనున్నాయనే టాక్ వినిపిస్తోంది. మూవీలో సేనాపతి పాత్రతో పాటు ఆయన తండ్రి వీరశేఖర బలరామ్ పాత్రలో డ్యూయల్ రోల్ పోషిస్తున్నారు.</p>
<p>శంకర్ దర్శకత్వం వహిస్తుండగా... కమల్‌తో పాటు సిద్దార్థ్, కాజల్ అగర్వాల్, ఎస్‌జే సూర్య, రకుల్ ప్రీత్ సింగ్, ప్రియా భవానీ శంకర్, బాబీ సింహా తదితరులు కీలకపాత్రలు పోషించారు. అనిరుధ్ రవిచందర్ మ్యూజిక్ అందిస్తుండగా... లైకా ప్రొడక్షన్స్ బ్యానర్‌పై భారీ బడ్జెట్‌తో నిర్మిస్తున్నారు. త్వరలోనే ఈ మూవీ రిలీజ్‌కు సంబంధించి అప్డేట్స్ రానున్నాయి.</p>
<p><strong>Also Read : <a title="Crime Thriller OTT : వరుణ్ సందేశ్ నా వైఫ్ మిస్సింగ్ - సూపర్ హిట్ జోడీ క్రైమ్ థ్రిల్లర్ సిరీస్... ఎప్పుడు, ఎందులో స్ట్రీమింగ్ అంటే?" href="https://telugu.abplive.com/entertainment/ott-webseries/na-wife-missing-ott-release-date-varun-sandesh-swetha-basu-prasad-crime-investigation-thriller-when-to-watch-on-aha-260998" target="_self">Crime Thriller OTT : వరుణ్ సందేశ్ నా వైఫ్ మిస్సింగ్ - సూపర్ హిట్ జోడీ క్రైమ్ థ్రిల్లర్ సిరీస్... ఎప్పుడు, ఎందులో స్ట్రీమింగ్ అంటే?</a></strong></p>
<p><strong>NOTE : <a title="మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి." href="https://telugu.abplive.com/entertainment/cinema" target="_self">మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.</a></strong></p>
3 weeks ago
2 
