<p><strong>Hockey Update, Argentina Defeats India In World Cup: </strong>పురుషుల హాకీ వరల్డ్ కప్ 2026 టోర్నమెంట్‌లో భారత జట్టుకు ప‌రాభవం క‌లిగింది.. సోమవారం అర్జెంటీనాతో జరిగిన కీలకమైన పూల్ ఈ మ్యాచ్‌లో భారత్ 3-5 గోల్స్ తేడాతో ఘోర ఓట‌మి ఎదుర్కొంది. సెమీఫైనల్ చేరాలంటే కనీసం మూడు గోల్స్ తేడాతో గెలవాల్సిన తప్పనిసరి పరిస్థితిలో బరిలోకి దిగిన భారత జట్టు, ఆరంభం నుంచే తీవ్ర ఒత్తిడిలో కూరుకు పోయింది. ఈ ఓటమితో పూల్ ఈ లో ఆడిన మూడు మ్యాచ్‌ల్లోనూ ఒక్క పాయింట్ కూడా సాధించలేకపోయిన ఇండియా సెమీస్ ఆశలు ఆవిర‌య్యాయి. పూల్ ఈ నుంచి నెదర్లాండ్స్ ఇప్పటికే సెమీఫైనల్ బెర్తును దక్కించుకుంది.</p>
<blockquote class="twitter-tweet">
<p dir="ltr" lang="en">The Indian Men’s Team went down 3–5 against Argentina in their last Pool E clash at the FIH Hockey World Cup Belgium & Netherlands 2026 to bow out of contention for a place in the semi-finals. 🏑<br /><br />Sukhjeet Singh scored twice, while Hardik Singh added a third goal for India.… <a href="https://t.co/6WxztSEBVe">pic.twitter.com/6WxztSEBVe</a></p>
— Hockey India (@TheHockeyIndia) <a href="https://x.com/TheHockeyIndia/status/2091897544658043073?ref_src=twsrc%5Etfw">August 24, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>అర్జెంటీనా దూకుడు.. భార‌త్ వెనుకంజ‌</strong><br />మ్యాచ్ మొదలైన మొదటి నిమిషంలోనే అర్జెంటీనా ఆటగాడు జోక్విన్ తోస్కాని అద్భుతమైన ఫీల్డ్ గోల్ చేసి భారత గోల్ కీపర్ మోహిత్ ను బురిడి కొట్టించాడు. ఆ తర్వాత ఆరో నిమిషంలో నికోలస్ డెల్లా టోర్రే పెనాల్టీ కార్నర్‌ను గోల్‌గా మలచి అర్జెంటీనా ఆధిక్యాన్ని 2-0 తో రెట్టింపు చేశాడు. 10వ నిమిషంలో అభిషేక్ అందించిన పాస్‌తో సుఖ్‌జీత్ సింగ్ గోల్ కొట్టి భారత్‌ను రేసులోకి తెచ్చేందుకు ప్ర‌య‌త్నించాడు. అయితే పాసింగ్ లోపాలు, బంతి నియంత్రణ కోల్పోవడం వల్ల భారత దాడులు వరుసగా నిరాశ ప‌ర్చాయి. రెండో క్వార్టర్‌లో ఎలాంటి గోల్స్ నమోదు కాకపోవడంతో హాఫ్ టైమ్ సమయానికి భారత్ 1-2 తో వెనుకంజ‌లో నిలిచింది.</p>
<blockquote class="twitter-tweet">
<p dir="ltr" lang="en">FINAL POOL E STANDINGS <br />| FIH MEN'S HOCKEY WORLD CUP 2026 🏑 <a href="https://t.co/oUeyYX9b0R">pic.twitter.com/oUeyYX9b0R</a></p>
— C H A I • N A S H T A 🌴 ☀️ (@shimar56) <a href="https://x.com/shimar56/status/2091944819840942449?ref_src=twsrc%5Etfw">August 24, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>ఆరంభంలోనే..</strong><br />మూడో క్వార్టర్ ప్రారంభమైన వెంటనే అర్జెంటీనా మరింత దూకుడు క‌న‌బ‌ర్చింది. 33వ నిమిషంలో టోమస్ డొమెనె రివర్స్ హిట్‌తో గోల్ చేసి ఆధిక్యాన్ని 3-1 కి పెంచాడు. ఆ తర్వాత భారత డిఫెన్స్ చేసిన తప్పిదాన్ని సొమ్ము చేసుకుంటూ డొమెనె పెనాల్టీ స్ట్రోక్‌ను గోల్‌గా మార్చి స్కోరును 4-1 గా తిరుగులేని విధంగా మలిచాడు. దీంతో టోర్నమెంట్‌లో అతడి గోల్స్ సంఖ్య ఏడుకు చేరి, హర్మన్‌ప్రీత్ సింగ్ (6 గోల్స్) ను దాటాడు. కెప్టెన్ హర్మన్‌ప్రీత్ సింగ్ డ్రాగ్ ఫ్లిక్స్‌ను అర్జెంటీనా డిఫెండర్లు సమర్థవంతంగా అడ్డుకోవడంతో భారత్‌కు దక్కిన పెనాల్టీ కార్నర్లు వృథాగా మారాయి.</p>
<p><strong>చివ‌ర్లో గోల్స్ చేసినా..</strong><br />53వ నిమిషంలో లూకాస్ తోస్కాని అర్జెంటీనా తరఫున ఐదో గోల్ న‌మోదు చేశాడు. మ్యాచ్ చివరి నిమిషాల్లో 58వ నిమిషంలో సుఖ్‌జీత్ సింగ్ తన రెండో గోల్ నమోదు చేయగా, 59వ నిమిషంలో హార్దిక్ సింగ్ పెనాల్టీ స్ట్రోక్‌ను గోల్‌గా చేశాడు. అయినప్పటికీ భారత్ 3-5 తో ఓటమి పాలైంది. ఈ ఫలితంతో భారత్ ఏడు లేదా ఎనిమిదో స్థానం కోసం జరిగే క్లాసిఫికేషన్ మ్యాచ్‌లలో ఆడాల్సి ఉంటుంది. </p>
2 months ago
3 
