<p>కోల్‌కతా: టీ20 వరల్డ్ కప్ 2026 సెమీఫైనల్స్‌కు టీమిండియా దూసుకెళ్లింది. సూపర్ 8లో భాగంగా ఆదివారం రాత్రి కోల్‌కతా లోని ఈడెన్ గార్డెన్స్ వేదికగా ఉత్కంఠభరితంగా జరిగిన మ్యాచులో టీమిండియా 5 వికెట్ల తేడాతో ఘన విజయం సాధించింది. ఫస్ట్ బ్యాటింగ్ కు దిగిన వెస్టిండీస్ నిర్ణీత ఓవర్లలో 4 వికెట్ల నష్టానికి 195 పరుగులు చేసింది. ఓపెనర్ సంజూ శాంసన్ (50 బంతుల్లో 97 నాటౌట్) అద్భుత ఇన్నింగ్స్ ఆడటంతో టీమిండియా మరో 4 బంతులు మిగిలుండగానే టార్గెట్ ఛేదించింది. తద్వారా గ్రూప్ లో రెండో స్థానంలో నిలిచి సెమీఫైనల్స్ చేరుకుంది. </p>
<p>వెస్టిండీస్ జట్టు మొదట బ్యాటింగ్‌కు దిగి 195 పరుగులు చేసింది. అంతర్జాతీయ టీ20 క్రికెట్‌లో ఈడెన్ గార్డెన్స్ మైదానంలో ఇది నాలుగో అత్యధిక స్కోరు. భారత జట్టు సెమీఫైనల్‌కు వెళ్లాలంటే, ఈ మైదానంలో టీ20ల్లోనే అత్యంత భారీ లక్ష్యాన్ని ఛేదించాల్సి వచ్చింది. కోల్‌కతాలో జరుగుతున్న ఈ మ్యాచ్‌లో భారత్ టాస్ గెలిచి బౌలింగ్ ఎంచుకుంది. డెత్ ఓవర్లలో భారత బౌలర్లు భారీగా పరుగులు సమర్పించుకున్నారు. కరేబియన్ బ్యాటర్లు చివరి 30 బంతుల్లో ఏకంగా 75 పరుగులు పిండుకున్నారు. </p>
<blockquote class="twitter-tweet">
<p dir="ltr" lang="en">Cometh the hour, cometh Sanju Samson! 🫡<br /><br />9⃣7⃣*(50) - A knock for the ages to take <a href="https://twitter.com/hashtag/TeamIndia?src=hash&ref_src=twsrc%5Etfw">#TeamIndia</a> into the semi-finals 👏<br /><br />Scorecard ▶️ <a href="https://t.co/ur4pr8Bi3K">https://t.co/ur4pr8Bi3K</a><a href="https://twitter.com/hashtag/T20WorldCup?src=hash&ref_src=twsrc%5Etfw">#T20WorldCup</a> | <a href="https://twitter.com/hashtag/MenInBlue?src=hash&ref_src=twsrc%5Etfw">#MenInBlue</a> | <a href="https://twitter.com/hashtag/INDvWI?src=hash&ref_src=twsrc%5Etfw">#INDvWI</a> | <a href="https://twitter.com/IamSanjuSamson?ref_src=twsrc%5Etfw">@IamSanjuSamson</a> <a href="https://t.co/ftJRp2wMTE">pic.twitter.com/ftJRp2wMTE</a></p>
— BCCI (@BCCI) <a href="https://twitter.com/BCCI/status/2028159291866436090?ref_src=twsrc%5Etfw">March 1, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>భారత్ ఎదుట అతిపెద్ద రన్ ఛేజ్</strong><br />అంతర్జాతీయ టీ20 క్రికెట్‌లో కోల్‌కతాలోని ఈడెన్ గార్డెన్స్‌లో అత్యధిక రన్ ఛేజ్ కేవలం 158 పరుగులు మాత్రమే. ఇక్కడ అత్యధిక రన్ ఛేజ్ రికార్డు భారత్ పేరిటే ఉంది. గతంలో వెస్టిండీస్‌పైనే 158 పరుగుల లక్ష్యాన్ని భారత్ ఛేదించింది. ఇక్కడ ఎప్పుడూ 160 పరుగులు కూడా ఛేజ్ చేయని పరిస్థితుల్లో, నేటి మ్యాచ్‌లో టీమ్ ఇండియా దానికంటే 36 పరుగులు ఎక్కువగా చేసి లక్ష్యాన్ని ఛేదించింది. </p>
<p>వెస్టిండీస్ జట్టుకు షాయ్ హోప్, రోస్టన్ చేజ్ జట్టుకు నెమ్మదైనప్పటికీ స్థిరమైన ప్రారంభాన్ని అందించారు. వీరిద్దరూ మొదటి వికెట్‌కు 68 పరుగుల భాగస్వామ్యాన్ని నెలకొల్పగా, వరుణ్ చక్రవర్తి ఈ జోడీని విడదీశాడు. ఒకానొక సమయంలో వెస్టిండీస్ జట్టు 9 ఓవర్లలో కేవలం 69 పరుగులు మాత్రమే చేయగలిగింది.</p>
<p><strong>చివరి 11 ఓవర్లలో 126 పరుగులు</strong><br />మొదటి 9 ఓవర్లలో 69 పరుగులు రాగా, తర్వాతి 11 ఓవర్లలో వెస్టిండీస్ ఏకంగా 126 పరుగులు జోడించింది. ముఖ్యంగా చివరి 5 ఓవర్లలో జేసన్ హోల్డర్, రోవ్‌మన్ పావెల్ విధ్వంసం సృష్టించి 35 బంతుల్లో 76 పరుగుల భాగస్వామ్యాన్ని నెలకొల్పారు. చివరి 5 ఓవర్లలో వెస్టిండీస్ 75 పరుగులు సాధించింది. హోల్డర్ 22 బంతుల్లో 37 పరుగులు, పావెల్ 19 బంతుల్లో 34 పరుగులు చేశారు. భారత బౌలర్లందరూ పరుగులు సమర్పించుకున్నారు. జస్ప్రీత్ బుమ్రా 2 వికెట్లు తీయగా, వరుణ్ చక్రవర్తి మరియు హార్దిక్ పాండ్యా తలో వికెట్ తీసుకున్నారు.</p>
1 month ago
5 
