<p style="text-align: justify;">గౌహతిలో జరుగుతున్న రెండో టెస్ట్‌లో దక్షిణాఫ్రికా తొలి ఇన్నింగ్స్‌లో 489 పరుగులు చేసింది. సెనురన్ ముత్తుసామి సెంచరీతో హీరోచిత ఇన్నింగ్స్ ఆడగా, మార్కో జాన్సెన్ తృటిలో సెంచరీ చేజార్చుకున్నాడు. టెయిలెండర్లు రాణించడంతో దక్షిణాఫ్రికా భారీ స్కోరు సాధించింది. భారత్ తరఫున బౌలింగ్‌లో కుల్దీప్ యాదవ్, మహ్మద్ సిరాజ్ 100 కంటే ఎక్కువ పరుగులు సమర్పించుకుని సెంచరీలు చేశారు.. దక్షిణాఫ్రికా జట్టు కేవలం 200 పరుగలకే 5 వికెట్లు కోల్పోయినా.. మిడిలార్డర్, టెయిలెండర్ల పోరాటంతో దాదాపు 500 వరకు స్కోరు బోర్డును నడిపించారు. ఒక సమయంలో 400 పరుగులు చేయడం కూడా కష్టంగా కనిపించినా, కానీ ముత్తుసామి, జాన్సెన్ అద్భుత ఇన్నింగ్స్‌లతో 489 పరుగులకు ఆలౌట్ అయింది..</p>
<h4 style="text-align: justify;">చివరి 4 వికెట్లకు 243 పరుగులు </h4>
<p style="text-align: justify;">భారత జట్టు మొదటి రోజు మూడో సెషన్‌లో అద్భుతమైన కం బ్యాక్ చేస్తూ 246 పరుగులకు దక్షిణాఫ్రికా 6 వికెట్లు పడగొట్టింది. కానీ రెండో రోజు సెనురన్ ముత్తుస్వామి, కైల్ వెరెయిన్ కలిసి 88 పరుగుల భాగస్వామ్యంతో భారత బౌలర్ల సహనాన్ని పరీక్షించారు. వెరెయిన్ 45 పరుగులు చేయగా, ముత్తుస్వామి ఆ తర్వాత మార్కో జాన్సెన్‌తో కలిసి 97 పరుగుల భాగస్వామ్యం నెలకొల్పి స్కోరు బోర్డును నడిపించాడు. చూస్తుండగానే దక్షిణాఫ్రికా జట్టు మొదట 450 స్కోరును కూడా దాటింది. చివరి 4 వికెట్లకు దక్షిణాఫ్రికా 243 పరుగులు జోడించడం విశేషం.</p>
<h4 style="text-align: justify;">కుల్దీప్- సిరాజ్ సెంచరీ పరుగులు సమర్పయామి..</h4>
<p style="text-align: justify;">భారత్ తరఫున బౌలింగ్‌లో కుల్దీప్ యాదవ్, మహ్మద్ సిరాజ్ తొలి ఇన్నింగ్సులో 100 కంటే ఎక్కువ పరుగులు సమర్పించారు. సిరాజ్ 30 ఓవర్లలో 106 పరుగులు ఇచ్చి 2 వికెట్లు తీయగా, కుల్దీప్ యాదవ్ 29.1 ఓవర్లలో 115 పరుగులు ఇచ్చి 4 వికెట్లు పడగొట్టాడు. <a title="జస్ప్రీత్ బుమ్రా" href="https://www.abplive.com/topic/jasprit-bumrah" data-type="interlinkingkeywords">జస్ప్రీత్ బుమ్రా</a>, వాషింగ్టన్ సుందర్‌లను మినహాయిస్తే ఏ భారత బౌలర్ కూడా 3 కంటే తక్కువ ఎకానమీతో బౌలింగ్ చేయలేకపోయారు. టీమిండియా నుంచి కుల్దీప్ 4, బుమ్రా, సిరాజ్, రవీంద్ర జడేజా చెరో రెండు వికెట్లు తీశారు.</p>
<p style="text-align: justify;"> </p>
1 week ago
2 
