<p><strong>Boost Your Immune System in 30 Days :</strong> కరోనా ఎఫెక్ట్ వల్ల ఇప్పుడు ఏ వైరస్ పేరు వినిపించినా ప్రజల్లో భయం మొదలవుతుంది. ప్రస్తుతానికి ఇండియాపై <a href="https://telugu.abplive.com/lifestyle/hantavirus-explained-symptoms-spread-treatment-and-global-concerns-246721" target="_blank" rel="noopener">హంటా వైరస్</a> ప్రభావం లేకపోయినా.. ప్రపంచవ్యాప్తంగా దాని గురించిన వార్తలు భయానికి గురిచేస్తున్నాయి. ఇలాంటి సమయంలో భయపడడం కాకుండా ఇమ్యూనిటీ పెంచే వాటిపై దృష్టి పెడితే ఆరోగ్యానికి మంచిదని చెప్తున్నారు ఆరోగ్య నిపుణులు. </p>
<h3>ఇమ్యూనిటీ ఎందుకు అవసరం..</h3>
<p>ప్రాణాంతక వైరస్లే కాదు.. సీజనల్ వైరస్‌లు, బ్యాక్టీరియా, ఇన్‌ఫెక్షన్ల నుంచి రక్షించడానికి శరీరానికి ఇమ్యూనిటీ అవసరం. దీనినే <a href="https://telugu.abplive.com/lifestyle/best-fruits-to-boost-immunity-in-the-rainy-season-from-indian-blackberry-to-pomegranate-216568" target="_blank" rel="noopener">రోగనిరోధక శక్తి</a> కూడా అంటారు. సరైన ఇమ్యూనిటీ లేకుంటే ఈజీగా వైరస్లు సోకుతాయి. లైఫ్స్టైల్, ఒత్తిడి, నిద్రలేమి, పోషకాహార లోపం వంటి వాటి వల్ల ఇమ్యూనిటీ బలహీనపడుతుంది. అందుకే కొన్ని అలవాట్లు ఫాలో అయితే కేవలం 30 రోజుల్లోనే రోగనిరోధక శక్తిని మెరుగుపరుచుకోవచ్చు. ఇంతకీ పవర్ఫుల్ టిప్స్ ఏంటో చూసేద్దాం. </p>
<h3>పోషకాహారం..</h3>
<p>ఇమ్యూనిటీ బలంగా ఉండాలంటే శరీరానికి పోషకాలు అవసరం. కాబట్టి ప్రతిరోజూ ఆకుకూరలు, పండ్లు, గింజలు, డ్రై ఫ్రూట్స్, ప్రోటీన్ ఉన్న ఆహారాలు తీసుకోవాలి. ముఖ్యంగా విటమిన్ సి, విటమిన్ డి, జింక్ ఉన్న ఆహారం <a href="https://telugu.abplive.com/lifestyle/beat-the-heat-naturally-with-these-powerful-indian-summer-foods-from-telugu-cuisine-245555" target="_blank" rel="noopener">ఇమ్యూనిటీ</a> పెంచడంలో కీలక పాత్ర పోషిస్తాయి.</p>
<h3>తగినంత నీళ్లు </h3>
<p>శరీరంలో టాక్సిన్స్ బయటకు వెళ్లాలంటే నీరు చాలా అవసరం. రోజుకు కనీసం 3 లీటర్ల నీళ్లు తాగితే మంచిదని నిపుణులు చెప్తున్నారు. దీనివల్ల శరీరం హైడ్రేటెడ్‌గా ఉండి ఇమ్యూన్ సిస్టమ్ బాగా పనిచేస్తుంది.</p>
<h3>సరిపడ నిద్ర</h3>
<p>రోజుకు 7 నుంచి 8 గంటల నిద్ర శరీరానికి అవసరం. నిద్ర సరిపోకపోతే రోగనిరోధక శక్తి బలహీనపడుతుంది. శరీరం రిపేర్ కావడానికి, కొత్త సెల్స్ తయారవడానికి మంచి నిద్ర అవసరం.</p>
<h3>వ్యాయామం </h3>
<p>వాకింగ్, యోగా, సైక్లింగ్, జాగింగ్ వంటి వ్యాయామాలు చేస్తే రక్త ప్రసరణను పెరిగి.. ఇమ్యూనిటీ బలపడుతుంది. రోజుకు కనీసం 30 నిమిషాలు శారీరక చలనం ఉండేలా చూసుకుంటే మంచి ఫలితాలు చూడవచ్చని చెప్తున్నారు. </p>
<h3>ఒత్తిడి ఉండొద్దు</h3>
<p>స్ట్రెస్ వల్ల శరీరంలో కార్టిసోల్ హార్మోన్ పెరిగి ఇమ్యూనిటీ తగ్గుతుంది. ధ్యానం, యోగా, సంగీతం వినడం, కుటుంబంతో సమయం గడపడం వంటి అలవాట్లు ఒత్తిడిని తగ్గించడంలో సహాయపడతాయి.</p>
<h3>ప్రాసెస్డ్ ఫుడ్స్ </h3>
<p>జంక్ ఫుడ్, కోల్డ్ డ్రింక్స్, ఎక్కువ చక్కెర ఉన్న ప్రాసెస్ చేసిన ఫుడ్స్ శరీరానికి హానికరం. ఇవి ఇన్‌ఫ్లమేషన్ పెంచి రోగనిరోధక శక్తిని బలహీనపరుస్తాయి. కాబట్టి వాటికి వీలైనంత దూరంగా ఉండాలి. </p>
<h3>హెల్తీ డ్రింక్స్..</h3>
<p>ఉదయాన్నే ఆరోగ్యానికి మేలు చేసే హెల్తీ డ్రింక్స్ తీసుకుంటే మంచిది. <a href="https://telugu.abplive.com/photo-gallery/lifestyle/amazing-benefits-of-drinking-ginger-tea-every-morning-can-we-drink-in-summer-247237" target="_blank" rel="noopener">అల్లం టీ,</a> తేనె కలిపిన నిమ్మరసం నీరు, పసుపు పాలు వంటి డ్రింక్స్ శరీరానికి యాంటీ ఆక్సిడెంట్స్ అందించి ఇమ్యూనిటీ పెంచడంలో సహాయపడతాయి.</p>
<h3>గట్ హెల్త్‌</h3>
<p>మన గట్ హెల్త్ కూడా ఇమ్యూనిటీపై ప్రభావం చూపుతుంది. కాబట్టి జీర్ణక్రియను మెరుగుపరిచే ఫుడ్స్ తీసుకోవాలి అంటున్నారు. పెరుగు, ఫెర్మెంటెడ్ ఫుడ్స్, ఫైబర్ ఎక్కువగా ఉన్న ఆహారం తీసుకోవడం వల్ల మంచి బ్యాక్టీరియా పెరిగి గట్ హెల్త్ మెరుగుపడుతుంది.</p>
<h3>సూర్యరశ్మి </h3>
<p>ఉదయాన్నే కొద్దిసేపు సూర్యరశ్మిలో ఉండడం వల్ల శరీరానికి విటమిన్ డి లభిస్తుంది. ఇది ఇమ్యూన్ సిస్టమ్ బలంగా ఉండేందుకు సహాయపడుతుంది.</p>
<p>ఈ హెల్తీ అలవాట్లు ఫాలో అయితే ఇమ్యూనిటీ కచ్చితంగా పెరుగుతుంది. 30 రోజుల్లో మీరే మంచి మార్పులు చూస్తారు. వైరస్లు ఎక్కువగా సోకే వర్షాకాలం, చలికాలానికి మీ శరీరాన్ని ముందుగానే సిద్ధం చేసుకుంటే ఆరోగ్య సమస్యలు లేకుండా హెల్తీగా ఉంటారు. అయితే వీటితో పాటు స్మోకింగ్, మద్యం అధికంగా తీసుకోవడం వంటి అలవాట్లకు దూరంగా ఉండాలి. ఎందుకంటే ఇవి రోగనిరోధక శక్తిని దెబ్బతీస్తాయి. ఇమ్యూనిటీ ఒక్కరోజులో పెరగదు కాబట్టి ఈ సూచనలు రెగ్యులర్గా ఫాలో అవ్వండి. </p>
<p><strong><a href="https://telugu.abplive.com/lifestyle" target="_blank" rel="noopener">మరిన్ని హెల్త్ ఆర్టికల్స్ కోసం దీనిని క్లిక్ చేయండి.</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/summer-tips-to-reduce-pimples-naturally-247170" width="631" height="381" scrolling="no"></iframe></p>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
3 weeks ago
5 
