<p><strong>Illu Illalu Pillalu Serial Today Episode </strong>విశ్వ అమూల్యతో మాట్లాడుతాడు. ఒకప్పుడు మీ కుటుంబం మీద పగ ఎంత నిజమో నీ మీద ప్రేమ అంతే నిజం.. ఇప్పుడు నా మనసులో నీ మీద ప్రేమ తప్ప పగ తీర్చుకోవాలి అని లేదు.. మన రెండు కుటుంబాలు కలవాలి అని అనుకుంటున్నా.. నిన్ను నమ్మించాలి అంటే ఏం చేయాలి అంటే అది చేస్తా.. చివరకు చావమన్నా సరే అని అంటాడు.</p>
<p>అమూల్య సైలెంట్‌గా మొత్తం వింటుంది. విశ్వ ఓ గోల్డ్ చైన్ తీసి నా ప్రేమకు గుర్తుగా తీసుకో అని అంటాడు. అమూల్య తీసుకుంటుంది. విశ్వ అమూల్యతో నా ప్రేమను ఒప్పుకున్నందుకు థ్యాంక్స్ అని అంటాడు. అమూల్య అలా చూసి ఆ చైన్ విసిరి కొడుతుంది. చైన్ అయితే కొట్టేశావ్ కానీ నా మీద ప్రేమని విసిరి కొట్టలేవు. నువ్వు నన్ను ప్రేమిస్తున్నావ్ అమూల్య.. మన రెండు కుటుంబాలకు వారధి మన ప్రేమ అని చెప్పి వెళ్లి పోయినట్లు నటించి చాటుగా మొత్తం చూస్తాడు. అమూల్య విశ్వ మాటలు ఆలోచించి చైన్ తీసుకుంటుంది. విశ్వ చూసి అమూల్య తన బుట్టలో పడిపోయింది అని అనుకుంటాడు.</p>
<p>ధీరజ్ గురుమూర్తికి బ్యాగ్ రిటర్న్ చేయడానికి వెళ్తూ ఉంటాడు. ఇక అదే గురుమూర్తిని కలవడానికి రామరాజు వెళ్తాడు. గురుమూర్తి బాబాయ్ అంటూ రామరాజు మాట్లాడుతాడు. అతని దగ్గరే నిత్యం ధాన్యం కొంటూ ఉంటాడు. ఆయనకు డబ్బు ఇస్తాడు. ఇక గురుమూర్తి కుటుంబం గురించి అడిగితే చిన్నమ్మాయి తప్ప అందరికీ పెళ్లి అయిపోయింది అని చిన్న కొడుకు ఒక్కడి గురించే దిగులుగా ఉందని అంటాడు. అప్పుడే గురుమూర్తి ధీరజ్ గురించి చెప్పి చిన్నతనంలోనే చాలా బాధ్యతగా ఉన్నాడు అని చెప్తాడు.</p>
<p>ఇంతలో ధీరజ్ అక్కడికి వస్తాడు. రామరాజు, ధీరజ్ ఒకర్ని ఒకరు చూసుకొని షాక్ అయిపోతారు. గురుమూర్తి ఇద్దరినీ పరిచయం చేస్తాడు. కారులో బ్యాగ్ మర్చిపోయారు అని ధీరజ్ బ్యాగ్ ఇస్తాడు. ఇందులో 5 లక్షల క్యాచ్ ఉందయ్యా.. నువ్వు బాధ్యత ఉన్నవాడే అని కాదు.. నిజాయితీ పరుడు అని కూడా తేలిందయ్యా అని అంటాడు. రామరాజుతో ఇతను భార్య కోసం చాలా కష్టపడుతున్నాడు అని అంటాడు. భార్యని పోలీసు చేస్తానని చెప్పానని చెప్తాడా ఏంటి అని ధీరజ్ చాలా టెన్షన్ పడతాడు. రామరాజు చిన్న కొడుకు బాధ్యత లేకుండా తిరుగుతున్నాడు అంట నిన్ను ఒక సారి పరిచయం చేస్తా అనిఅంటాడు.</p>
<p>ధీరజ్ చెప్పినట్లు వాళ్ల నాన్న పెద్ద హిట్లర్ అంట.. అతను చెప్పినట్లే వినాలి,, చేయాలా,, అంట.. బాగా ఇబ్బంది పెడతాడంట.. కాదు కూడదు అంటే అలుగుతాడు అంట అని మొత్తం తగిలించేస్తాడు. ధీరజ్ తల పట్టుకొని ఇరికించేశాడయ్యా అని అనుకుంటాడు. అతనేం తండ్రి రామరాజు.. ఈ అబ్బాయి తన బాధ చెప్పి కంట తడి పెట్టుకున్నాడు అంటే అర్థమైంది ఈ అబ్బాయికి వాళ్ల నాన్న ఎంత టార్చర్ పెడుతున్నాడో అని అంటాడు. భార్యని పోలీస్ చేయాలి అని నాన్న దగ్గర రూపాయి కూడా తీసుకోకుండా కారు నడిపి కష్టపడుతున్నాడు అని ఆ విషయం కూడా చెప్పేస్తాడు. అయిపోయింది ఇక నా పని అని ధీరజ్ పారిపోతాడు.</p>
<p>రామరాజు ఇంట్లో పంచాయితీ మొదలవుతుంది. శ్రీరామ శ్రీరామ అంటే అన్నాను అంటారు కానీ మీరు ఎందుకు ఇంత కోపంగా ఉన్నారు అని వేదవతి అడుగుతుంది. గురుమూర్తి బాబాయ్ చెప్పింది నిజమేనా చెప్పారా.. ప్రేమని పోలీస్‌ని చేయాలి అనుకుంటున్నావా అని రామరాజు అడుగుతాడు. ప్రేమ కూడా షాక్ అయిపోతుంది. అవును అని ధీరజ్ చెప్తాడు. ఏంట్రా అవును.. అంతా మీ ఇష్టమేనా అని రామరాజు అడిగితే తను కల నాన్న అది బాధ్యతగా నేను నెరవేర్చాలి అనుకుంటున్నా అని అంటాడు. ఈ ఇంటికి ఓ పెద్ద మనిషి ఉన్నాడు అని మర్చిపోయావా.. ఈ నాన్న ఉన్నాడు అని మర్చిపోయావా.. ఉమ్మడి కుటుంబంలో సొంత నిర్ణయాలు ఏంటి నాకు చెప్పాలి అని లేదా అని అడుగుతాడు రామరాజు. </p>
<p>ప్రేమ కోరిక ప్రకారం పోలీసుని చేయాలి అనుకున్నా అంతే కానీ మీకు చెప్పకుండా కాదు నాన్న.. తన చదువు అయిపోతే మీకు చెప్పి అకాడమీలో చేర్చాలి అనుకుంటున్నా.. ఇది చిన్న విషయం దాన్ని అలాగే చూడండి అంటాడు. నర్మద కూడా మీరు ప్రేమకు తండ్రిగా చూసుకుంటారు కాబట్టి మీరే ఆలోచించండి అంటుంది. వల్లీ మంట పెట్టాలి అని ఇది చిన్న విషయం కాదు.. మన ఇంట్లో ఎవరు జాబ్ చేసినా ఏం కాదు కానీ ప్రేమ జాబ్ చేస్తే యుద్ధాలు జరిగిపోతాయి అని చెప్తుంది. గతంలో ప్రేమ డ్యాన్స్‌ క్లాస్‌లు చెప్తే ఎదురింటి వాళ్లు నడిరోడ్డు మీద చింపేశారు అని చెప్తుంది. ఆరోజు గొడవకు కారణం చదువుకున్న టైంలో జాబ్ చేసింది అని అవసరం అయితే నువ్వు కూడా జాబ్ చేయ్ అంతే కానీ లేనిపోని మాటలు అనుకు అంటుంది. నీకు ఆ రోజు మాటలు గుర్తు లేవా నర్మద కోడలి సంపాదన తింటున్నావ్ సిగ్గు లేదా నీకు అని అన్నారు అని రామరాజుని రెచ్చగొడుతుంది. దీంతో ఇవాళ్టి ఎపిసోడ్ పూర్తయిపోతుంది. </p>
2 weeks ago
2 
