<p><strong>Illu Illalu Pillalu Serial Today Episode </strong>వల్లీ నర్మద తనకు సలహా అడిగింది అని భాగ్యానికి చెప్పడం.. నర్మద నీకు సలహా అడగలేదే తింగరిదానా.. అమూల్య ప్రేమ కథ నీకు చెప్పిందే.. అమూల్య విశ్వనే ముందు లవ్ చేశాడు అని చెప్పింది అంటే కొంపలు అంటుకుంటాయి. ముందు అక్కడేం జరుగుతుందో చూడు అని అంటుంది భాగ్యం. దానికి వల్లీ నా వేలుతో నా కన్ను నేనే పొడుచుకున్నానా అని పరుగులు తీస్తుంది. </p>
<p>నర్మద వల్లీని పట్టుకొని గిరగిరా తిప్పేసి నువ్వు ఇచ్చిన సలహా వల్ల నిజనిజాలు బయటపడ్డాయి.. థ్యాంక్స్ అక్క.. ప్రేమకి నిజం తెలిసింది.. ప్రేమ ఏం చేయాలో అది చేస్తుంది అని చెప్పి నువ్వు ఏంటి అక్కా చాలా టెన్షన్ పడుతున్నావ్.. ఇందులో నీ హస్తం ఎంత ఉంది అని అడుగుతుంది. నాకు ఏం సంబంధం లేదు అని వల్లీ పారిపోతుంది. వల్లీ అమూల్య దగ్గరకు వెళ్లి ప్రేమగా మాట్లాడి నర్మదకు అమూల్య నిజం చెప్పిన విషయం తెలుసుకుంటుంది. మళ్లీ ఏం గొడవలు అవుతాయో అని వల్లీ ఏమైనా అవ్వని నాన్నఅమ్మ హ్యాపీగా ఉంటే అది చాలు అని అమూల్య అంటుంది. </p>
<p>ప్రేమ ఏడుస్తుంటే నర్మద వెళ్లి నేను నీకు ఆలోచించు అని చెప్పడానికి కారణం ఏంటో అర్థమైందా.. అమూల్య అమాయకురాలు నాకు తన గురించి తెలుసు అందుకే నీకు అన్ని సార్లు చెప్పాను ప్రేమ అని నర్మద అంటుంది. వాడి మాటలు నమ్మి మిమల్ని అందర్ని బాధ పెట్టాను సారీ అక్క చాలా పెద్ద తప్పు చేశాను అని ప్రేమ ఏడుస్తుంది. ఇక వల్లీ అయితే ఏం జరుగుతుందా అని చాలా టెన్షన్ పడుతూ అటూ ఇటూ తిరుగుతూ ఉంటుంది. </p>
<p>విశ్వ బయట నుంచి రావడం ప్రేమ చూసి విశ్వ అని గట్టిగా అరిచి పుట్టింటి దగ్గరకు వెళ్లి కోపంగా ప్రేమించమని అమూల్య నీ వెంట పడిందా..అమూల్యనే నిన్ను ప్రేమించిందా.. ఇందులో నీ తప్పు ఏం లేదా అని అడుగుతుంది. అవును ప్రేమ ఇందులో నా తప్పు ఏం లేదు అని చెప్తాడు. దాంతో ప్రేమ అన్నని లాగిపెట్టి కొడుతుంది. ప్రేమ అని తండ్రి వెళ్తే ఏయ్ ఉష్ అని అంటుంది. ఎన్ని అబద్ధాలు ఆడావురా.. ఎన్ని డ్రామాలు అడావురురా అని చితక్కొట్టేస్తుంది. </p>
<p>వల్లీ టెన్షన్ పడుతూ ఉంటే నర్మద పక్కనే నిల్చొంటుంది. ఏంటి చూస్తున్నావ్ అందర్ని పిలు అని చెప్తుంది. తప్పదా అంటూ వల్లీ వెళ్లి పిలుస్తుంది. మళ్లీ అందరి ముందు విషయం చెప్పి నువ్వు చెప్తే నిజం అని నమ్మానురా.. మా అన్నయ్య తప్పు లేదు అని నీ వైపు నిల్చొన్నా కదరా.. ఆడపిల్ల జీవితం అంటే నీకు అంత నవ్వులాటగా ఉందారా.. అందరి ముందు తనదే తప్పు అని నింద వేసి తన జీవితంతో ఆడుకుంటావారా.. దేవుడు లాంటి మా అత్తమామల్ని కంట తడి పెట్టించా కదరా.. నా వాళ్ల అందర్ని బాధ పెట్టాకదరా.. ఆడపిల్లని పెంచడం చేతకాదు అని నీచంగా మాట్లాడేలా చేశావు కదరా.. చెల్లిని అడ్డు పెట్టుకొని ఇంత చేస్తావా.. నువ్వు నా అన్నయ్య అని చెప్పుకోవడానికి నాకు అహస్యంగా ఉందిరా.. అసలు నిన్ను కాదురా అనాల్సింది.. ఎందుకు అత్తా ఇలా చేస్తున్నావ్.. ఎందుకు ఇలా చేస్తున్నావ్.. ఇదంతా చేయడం వెనక నీ ఉద్దేశం ఏంటి.. నన్ను తిరిగి మన ఇంటికి తీసుకొచ్చేడం కోసమా.. ఇదంతా మీరు చేస్తున్న కుట్ర అని నాకు ఇప్పుడు అర్థమైంది. ఇన్ని రోజులు చెప్పలేదు.. ఇప్పుడు చెప్తున్నా వినండి.. ఇది నా కుటుంబం.. ధీరజ్ నా ప్రాణం.. నన్ను ధీరజ్‌ని విడదీయాలని మీరు ఎంత ప్రయత్నిస్తే నేను వీడిని అంత ప్రేమిస్తాను.. ధీరజ్‌కి నన్ను దూరం చేయాలని మీరు ఎంత ప్రయత్నిస్తే నేను వీడికి అంత దగ్గర అవుతాను.. ఒకవేళ మీరు నన్ను ధీరజ్‌కి దూరం చేయాలని కుట్ర చేస్తే జరిగేది ఏంటో తెలుసా నేను నా ప్రాణాలు వదిలేయడం.. రేయ్ విను.. ఒళ్లు దగ్గర పెట్టుకొని చూడు.. నువ్వు నా కుటుంబం జోలికి వచ్చినా అమూల్య జోలికి వచ్చినా నువ్వు నా అన్నయ్య అని కూడా చూడను.. చంపేస్తా అని వార్నింగ్ ఇస్తుంది. </p>
<p>ప్రేమ తల్లి విశ్వని తీసుకొని వెళ్లిపోతుంది. ప్రేమ మరోసారి నర్మదని పట్టుకొని హగ్ చేసుకొని థ్యాంక్యూ అక్క నా తప్పు నాకు తెలిసేలా చేశావ్,, నా తప్పు సరిదిద్దుకునేలా చేశావ్ అని అంటుంది. వల్లీ నెత్తిన కొంగు కప్పుకొని ఏడుస్తుంది. రామరాజు దగ్గరకు ప్రేమ వెళ్లి క్షమించండి మామయ్య పొరపాటు పడ్డాను మా అన్నయ్య ఆరోజు చెప్పిన మాటలు.. పెట్టిన కన్నీరు చూసి అమూల్యదే తప్పు అనుకున్నా.. మీ అందరినీ చాలా బాధ పెట్టా క్షమించండి అని అడుగుతుంది. దీంతో ఇవాళ్టి ఎపిసోడ్ పూర్తయిపోతుంది. </p>
3 months ago
9 
