<p><strong>Illu Illalu Pillalu Serial Today Episode </strong>సాగర్ తండ్రికి ఎదురు తిరుగుతాడు. మీ పెద్ద కొడుకు స్థానంలో నేను ఉంటే నా పరువు తీస్తావా.. అని అంటూ నన్ను కొట్టి ఇంటి నుంచి తరిమేసేవారు.. వాడు మీకు ముద్దుల కొడుకు నేనో పనికిమాలిన కొడుకుని అని సాగర్ అంటాడు. ధీరజ్ సాగర్తో ఏం మాట్లాడుతున్నావ్‌రా నడిపోడా.. నాన్నకి మనం అంతా ఒక్కటేరా.. అంటే నిజంరా.. ఆయనకి పెద్ద కొడుకు అంటేనే ఇష్టం అందుకే వాడు తాగి వచ్చినా ఏం అనడం లేదు.. అదే నేను అయితే తెలియక ఒక చిన్న తప్పు చేసినా అందరి ముందు నా పరువు తీస్తారు.. అవమానంతో చచ్చిపోయేలా చేస్తారురా ఆయన.. మరి ఆయన పెద్ద కొడుకుని ఒకలా నన్ను ఒకలా చూస్తున్నారు కదా.. కొడుకుల విషయంలో ఆయనకు పక్షపాతం ఉన్నట్లే కదా అని సాగర్ అంటాడు.</p>
<p>రేయ్ నోర్ముయ్‌రా.. ఇప్పటి వరకు మన మాటతో సహా అన్నీ ఒకటే.. మరి నువ్వేంట్రా కొత్తగా నాన్న ప్రేమలో పక్షపాతం ఉందని నిందిస్తావేంట్రా బుద్ధి లేకుండా అని ధీరజ్ అంటాడు. ఏంట్రా మీ నాన్నని అంటే కోపం వచ్చిందా అని ధీరజ్‌ని సాగర్ తోసేస్తాడు. ఇంత చిన్నదానికే నీకు అంత కోపం వస్తే మొన్న నేను పూజలో కూర్చొంటాను అంటే లేచే<br />శాడురా మీ నాన్న అని సాగర్ అంటాడు. ఇంకోసారి మీ నాన్న మీ నాన్న అని వేరు చేసి మాట్లాడావంటే బాగోదు చెప్తున్నా.. పెద్దోడు ఏదో బాధలో తాగి వచ్చాడని కనీసం అర్థం చేసుకోకుండా పాత విషయాలు మనసులో పెట్టుకొని మాట్లాడటం కరెక్ట్ కాదురా అని ధీరజ్ అంటాడు. అందరూ నాదే తప్పు అని అంటారురా.. ఎందుకంటే అందరూ నేను ఇంట్లో నుంచి ఎప్పుడెప్పుడు వెళ్లిపోవాలా అని చూస్తున్నారు.. అందులో మీ నాన్న ముందుంటాడు కదా.. అని సాగర్ అంటాడు. ఇంకోసారి మీ నాన్న అన్నావ్ అంటే ఊరుకునేది లేదు అని ధీరజ్ అంటే సాగర్ ధీరజ్ కాలర్ పట్టుకుంటాడు. ఇద్దరూ కాలర్లు పట్టుకుంటారు. </p>
<p>ఇద్దరినీ ఆపిన తిరుపతిని రామరాజు లాగిపెట్టి కొట్టి.. చెప్పరా వాడికి నా పెద్ద కొడుకు అమాయకుడు.. నిజాయితీ పరుడు.. అందుకే తాగిన ధైర్యంగా నా ముందుకు వచ్చాడు.. అంతే కానీ వీడిలాగా ఎవరి డబ్బో తీసుకెళ్లి జాబు కొనుక్కునే చెత్త వెధవ కాదు అని చెప్పారా.. అ తప్పు కప్పిపుచ్చుకోవడానికి భార్య నగలు తాకట్టు పెట్టే వెధవ కాదురా నా పెద్ద కొడుకు అని చెప్పరా వాడికి.. చేసిన వెధవ పనులు అన్నీ చేసేసి సిగ్గు లేకుండా మాట్లాడుతున్నాడు అని రామరాజు అనడంతో సాగర్ ఇంట్లోకి వెళ్లిపోతాడు. చందుని అందరూ లోపలికి తీసుకెళ్లిపోతారు. నర్మద సాగర్ దగ్గరకు వెళ్లి బుద్ధుందా.. ఏం చేస్తున్నావో ఎవరితో ఏం మాట్లాడుతున్నావో అర్థమవుతుందా అని తిడుతుంది. తప్పేం మాట్లాడాను ఆయన దృష్టిలో పెద్ద కొడుకు దేవుడు నేను మాత్రం మోసగాడిని.. అడుగడుగునా ఆయన పక్షపాతం ఎలా చూపిస్తున్నారో చూశావా అంటే తప్పు నీలో పెట్టుకొని మీ నాన్నని అంటావేంటి అని నర్మద అడుగుతుంది. ఆయన నీ మొగుడికి అంత అవమానించినా నీకు కోపం రాదు అని సాగర్ అంటే తప్పు చేసింది నువ్వే కదా అని నర్మద అంటుంది. మా అమ్మ వచ్చిన మరుక్షణమే మనం ఇంట్లో నుంచి వెళ్లిపోతున్నాం నువ్వు రెడీగా ఉండు అని సాగర్ నర్మదతో చెప్తాడు. </p>
<p>ప్రేమ పగిలిన బొమ్మ పట్టుకొని చేయని తప్పునకు శిక్ష అనుభవిస్తున్నాను అని ఏడుస్తుంది. ధీరజ్ కూడా ప్రేమ గురించి ఆలోచిస్తూ ఉంటాడు. ఇక రామరాజు సాగర్ చేసిన రచ్చ గురించి ఆలోచిస్తూ బాధ పడతాడు. చందు, శ్రీవల్లి ఇలా అందరూ బాధ పడుతూ ఉంటారు. ఉదయం భాగ్యం, శ్రీవల్లి, ఇడ్లీబాబాయ్‌ని బయటకు తీసుకొస్తుంది. ఎక్కడికి తీసుకెళ్తున్నావ్ అమ్మా అంటే నిన్ను అత్తారింటికి పంపాలి అంటే వెయికిల్ కావాలి కదా అని అంటుంది. భాగ్యం ఓ వ్యక్తిని కలిసి యాక్సిడెంట్ చేయాలి అని బేరం మాట్లాడుతుంది. ఎవరికి చేయాలి అని అడిగితే చందు ఫొటో చూపిస్తుంది. శ్రీవల్లి చూసి బిత్తరపోతుంది. అమ్మా ఎంతకి తెగించావే.. మా ఆయన్ని బంగారం లాంటి నా భర్తని చంపేయాలని చూస్తావా.. నిన్ను చంపేస్తా అని అంటుంది. నా అల్లుడికి నేను ఎందుకు చంపిస్తానే.. భర్తకి ఏమైనా జరిగితే భార్య సేవలు చేయాలి కదా.. ఈ వంకతో నువ్వు ఆ ఇంట్లోకి పరుగెత్తికుంటూ వెళ్లిపోతావ్ అని అంటుంది. </p>
<p>రామరాజు ఇంట్లో వేదవతి లేకపోవడంతో ఒంటరిగా బాధగా ఉంటాడు. తులసి కోటని చూసి భార్యని గుర్తు చేసుకుంటాడు. నర్మద, ప్రేమలు వంట చేస్తూ రామలక్ష్మణులుగా ఎంతో అన్యోన్యంగా ఉండే అన్నదమ్ములు రాత్రి అలా కొట్టుకోవడం బాధగా ఉందని ఇద్దరూ బాధ పడతారు. ఇంతలో అమూల్య వచ్చి గుడ్ మార్నింగ్ చెప్పి నేను సాయం చేస్తా అంతే వద్దు నువ్వు కాలేజ్‌కి రెడీ అవ్వు అని అంటారు. మీలా వల్లీ వదిన కూడా మంచిది అయితే ఎంత బాగున్నో అని అమూల్య అంటుంది. తను మంచిదే కానీ వాళ్ల అమ్మ అలా తయారు చేసిందని అంటుంది నర్మద. రామరాజు పేపర్ చదువుతూ అమ్మా వల్లీ కాస్త కాఫీ తీసుకురా అని అంటాడు. తిరుపతి పెద్దగా నవ్వుతూ నీకు మతిమరుపు వచ్చేసింది బావ.. వల్లీ వాళ్ల అమ్మవాళ్ల ఇంటికి వెళ్లిందని తెలిసి కూడా కాఫీ ఇవ్వమని అన్నావ్ అంటే నీకు వయసు అయిపోయింది.. మతిమరుపు అంటాడు. </p>
<p>నర్మద, ప్రేమలు ఆ మాట విని మేం ఇస్తే మామయ్య కాఫీ తీసుకుంటారో లేదో నువ్వు ఇవ్వు అని అమూల్యని పంపిస్తారు. అమూల్య అందరికీ కాఫీ ఇస్తుంది. కాఫీ చాలా బాగుంది అని రామరాజు, ధీరజ్ అమూల్యకి చెప్తారు. కాఫీ చేసిన ప్రేమ చాలా హ్యాపీ అయిపోతుంది. వదిన అమ్మని మరిపించేశావ్ అని ధీరజ్ నర్మదతో అంటే అయితే ఆ విషయం నీ భార్యకి చెప్పు అన్నయ్యా కాఫీ పెట్టింది ప్రేమ వదినే అని అమూల్య చెప్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p> </p>
1 week ago
2 
