<p><strong>Ice Cream Price Hike </strong>భారత్‌లో వేసవి కాలం అంటేనే సెలవులు, చల్లని ఐస్‌క్రీమ్‌లు, నోరూరించే చాక్లెట్లు, విహారయాత్రలు. కానీ ఈ వేసవి మాత్రం వినియోగదారులకు చేదు అనుభవాన్ని మిగిల్చేలా కనిపిస్తోంది. పెరుగుతున్న ఎండలతోపాటు మనకు ఇష్టమైన ఐస్‌క్రీమ్, చాక్లెట్ల ధరలు ఆకాశాన్ని తాకనున్నాయి. ఇది కేవలం వ్యాపార నిర్ణయం మాత్రమే కాదు దీని వెనుక అంతర్జాతీయ రాజకీయాలు, యుద్ధ వాతావరణం ఉంది. </p>
<p>ప్రస్తుతం ధరల పెరుగుదలకు ప్రధాన కారణం పశ్చిమాసియాలో నెలకొన్న ఉద్రిక్తతలు. ఈ ప్రాంతంలో జరుగుతున్న ఘర్షణల వల్ల అంతర్జాతీయ వాణిజ్య మార్గాలు, ముఖ్యంగా సముద్ర మార్గాల ద్వారా జరిగే రవాణా తీవ్రంగా ప్రభావితమైంది. </p>
<p><span style="color: #e03e2d;">Also Read: <a style="color: #e03e2d;" title="మీ క్రెడిట్, డెబిట్ కార్డు మారినా పేమెంట్స్ ఆగవు.. కస్టమర్లకు ఆర్‌బీఐ గుడ్‌న్యూస్" href="https://telugu.abplive.com/business/rbi-new-card-rules-auto-debit-update-e-mandate-debit-credit-card-payment-system-india-245424" target="_self">మీ క్రెడిట్, డెబిట్ కార్డు మారినా పేమెంట్స్ ఆగవు.. కస్టమర్లకు ఆర్‌బీఐ గుడ్‌న్యూస్</a></span></p>
<h3>ముడి సరకుల కొరతతో తప్పని ధరల పెంపు</h3>
<p>దీంతో ఐస్‌క్రీమ్, చాక్లెట్ల తయారీలో ఉపయోగించే నట్స్, డ్రై ఫ్రూట్స్, కోకో ధరలు గత కొన్ని వారాల్లో అనూహ్యంగా పెరిగాయి. భారత్‌లో తన అవసరాలకు సరిపడా బాదం, పిస్తా వంటి నట్స్‌ను, నాణ్యమైన కోకోను విదేశాల నుంచి దిగుమతి చేసుకుంటుంది. యుద్ధం కారణంగా ఈ దిగుమతులు నిలిచిపోవడం లేదా ఆలస్యం కావడం వల్ల మార్కెట్‌లో కొరత ఏర్పడింది. సముద్ర మార్గాలు ప్రమాదకరంగా మారడంతో అనేక కంపెనీలు తమ సరకును విమానాల ద్వారా రవాణా చేయాల్సి వస్తోంది. ఉదాహరణకు టర్కీ నుంచి దిగుమతి అయ్యే హాజెల్‌నట్స్ రవాణా ఖర్చులు 75 శాతం పెరిగాయి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/mobiles/do-you-know-the-expiration-date-of-the-phone-you-are-using-245599" width="631" height="381" scrolling="no"></iframe></p>
<h3>20 శాతం వరకు ధరల పెంపునకు అవకాశం</h3>
<p>పరిశ్రమ వర్గాల సమాచారం ప్రకారం, యుద్ధానికి ముందు ఉన్న ధరలతో పోలిస్తే ప్రస్తుత ధరల్లో భారీ వ్యత్యాసం కనిపిస్తోంది. నట్స్‌, డ్రై ఫ్రూట్స్ ధరలు 15 శాతం నుంచి 22 శాతం వరకు పెరిగాయి. చాక్లెట్ల తయారీకి ప్రాణవాయువు వంటి కోకో సరఫాలో తీవ్రమైన అంతరాయం ఏర్పడింది.కేవలం తినుబండారాలే కాకుండా, వాటిని ప్యాక్‌ చేసే థర్మోకోల్‌ బాక్సులు, ఇతర ప్యాకేజింగ్ వస్తువుల ధరలు కూడా పెరిగాయి. </p>
<h3><span style="color: #e03e2d;">Also Read: <a style="color: #e03e2d;" title="హోం లోన్ గడువు ఎంచుకునేటప్పుడు ఈ పొరపాటు చేయవద్దు.." href="https://telugu.abplive.com/business/home-loan-tenure-emi-vs-interest-calculation-2-crore-loan-repayment-difference-tips-news-245534" target="_self">హోం లోన్ గడువు ఎంచుకునేటప్పుడు ఈ పొరపాటు చేయవద్దు..</a></span></h3>
<p>వేసవి డిమాండ్ గరిష్ట స్థాయికి చేరుకున్న తరుణంలోనే ఈ సంక్షోభం తలెత్తడం కంపెనీలకు పెద్ద సవాలుగా మారింది. ఉత్పత్తుల నాణ్యతను తగ్గించలేక, భారమంతా వినియోగదారులైనే వేయక తప్పని పరిస్థితి ఏర్పడింది. ఇప్పటికే తమ ఉత్పత్తుల ధరలను సగటున పదిశాతం పెంచినట్టు నేరుచల్స్ సంస్థ డైరెక్టర్‌ సిద్ధాంత కామత్ తెలిపారు. డ్రై ఫ్రూట్స్‌, కోకో సరఫరాలో ఇబ్బందులు ఉన్నాయని తెలిపారు. గ్లోబల్ కమోడిటీ ధరలు, లాజిస్టిక్‌ ఖర్చు పెరగడం వల్ల ఐస్‌ క్రీమ్ ధరలను ఎంపిక చేసిన విభాగాల్లో పెంచినట్టు మదర్‌ డైరీ ఎండీ డైరెక్టర్ వెల్లడించారు. హాజెల్‌నట్స్ ధరలు 75 శాతం పెరగడంతో వచ్చే నెలలో తమ చాక్లెట్ల ధరలను పెంచక తప్పదని పాస్‌కాటీ చాక్లెట్స్‌ సంస్థ వ్యవస్థాపకుడు దేవాన్ష్‌ స్పష్టం చేశారు. </p>
<h3>కేవలం చాక్లెట్లు మాత్రమే కాదు... </h3>
<p>ఈ సంక్షోభం కేవలం డెజర్ట్‌లను మాత్రమే కాకుండా డైట్ కోక్‌పై ప్రభావం పడుతుంది. గతంలో ముంబై, బెంగళూరు, గుర్‌గ్రామ్‌ నగరాల్లో చాలా రోజులు ఈ కొరత ఏర్పడింది. అంతే కాకుండాబీర్ , లిక్కర్ సీసాల కొరత కారణంగా వాటిపై ప్రభావం పడనుంది. </p>
<p><span style="color: #e03e2d;">Also Read: <a style="color: #e03e2d;" title=" రైలు టికెట్‌తో పాటు ప్రయాణికులకు లభించే ఉచిత సేవలు, సౌకర్యాలు ఇవే" href="https://telugu.abplive.com/business/irctc-indian-railways-free-facilities-with-your-ticket-rule-news-update-245577" target="_self"> రైలు టికెట్‌తో పాటు ప్రయాణికులకు లభించే ఉచిత సేవలు, సౌకర్యాలు ఇవే</a></span></p>
<p><iframe title="Iran Israel War | ఇరాన్ పై అమెరికా చేసిన వైమానిక దాడుల పూర్తి ప్లాన్ ఇదే | ABP Desam" src="https://www.youtube.com/embed/-YQ5dEHacuo" width="919" height="517" frameborder="0" allowfullscreen="allowfullscreen"></iframe></p>
1 month ago
6 
