Hyderabad Traffic Diversion: అమెరికా, ఇరాన్ ఉద్రిక్తతల కారణంగా హైదరాబాద్ లోని US consulate రోడ్ మూసివేత

<p>హైదరాబాద్: అమెరికా- ఇజ్రాయెల్, ఇరాన్ దేశాల మధ్య నెలకొన్న ఉద్రిక్తతల దృష్ట్యా, ముందస్తు జాగ్రత్త చర్యగా హైదరాబాద్&zwnj;లోని గచ్చిబౌలిలో ఉన్న అమెరికా కాన్సులేట్ వద్ద భద్రతను భారీగా పెంచారు. ఇందులో భాగంగా కాన్సులేట్&zwnj;కు వెళ్లే ప్రధాన రహదారిని పోలీసులు తాత్కాలికంగా మూసివేశారు. కాన్సులేట్ పరిసరాల్లో అదనపు పోలీసు బలగాలను మోహరించడమే కాకుండా, ఆ మార్గంలో వెళ్లే వాహనాలపై ఆంక్షలు విధించారు. శాంతిభద్రతల పరిరక్షణలో భాగంగానే ఈ నిర్ణయం తీసుకున్నట్లు అధికారులు వెల్లడించారు. ఈ రోడ్డు మూసివేత వల్ల గచ్చిబౌలి, ఫైనాన్షియల్ డిస్ట్రిక్ట్ ప్రాంతాల్లో సాఫ్ట్&zwnj;వేర్ ఉద్యోగులు, స్థానిక ప్రయాణికులు కొంత ఇబ్బందులకు గురవుతున్నారు.</p> <p><br />హైదరాబాద్&zwnj;లోని యూఎస్ కాన్సులేట్ జనరల్ ముందు ఉన్న రహదారిని భద్రతా కారణాల దృష్ట్యా రెండు వైపులా మూసివేశారు. ప్రయాణికుల సౌకర్యార్థం ప్రత్యామ్నాయ మార్గాల వివరాలు వెల్లడించారు. తదుపరి ప్రకటన చేసే వరకు ఈ రోడ్డులో ఆంక్షలు కొనసాగుతాయని సైబరాబాద్ ట్రాఫిక్ పోలీసులు తెలిపారు.</p> <blockquote class="twitter-tweet"> <p dir="ltr" lang="en">🚨 TRAFFIC ADVISORY &ndash; ROUTE DIVERSION 🚨<br /><br />The road in front of the US Consulate General Hyderabad is blocked at both ends due to security reasons.<br /><br />🚧 Suggested Alternate Routes:<br /><br />➡️ From ICICI towards Gowlidoddi:<br />Take RIGHT at Insurance Regulatory and Development Authority of&hellip; <a href="https://t.co/j3KLg4Xg5E">pic.twitter.com/j3KLg4Xg5E</a></p> &mdash; Cyberabad Traffic Police (@CYBTRAFFIC) <a href="https://twitter.com/CYBTRAFFIC/status/2028374701656207617?ref_src=twsrc%5Etfw">March 2, 2026</a></blockquote> <p> <script src="https://platform.twitter.com/widgets.js" async="" charset="utf-8"></script> </p> <p><strong>ప్రత్యామ్నాయ మార్గాలు:</strong><br />1. ఐసీఐసీఐ (ICICI) నుండి గౌలిదొడ్డి వైపు వెళ్లే వారు..</p> <p>ఐఆర్&zwnj;డిఎఐ (IRDAI) జంక్షన్ వద్ద కుడి వైపు టర్న్ తీసుకోవాలి. అక్కడి నుండి తెలంగాణ స్టేట్ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ (TGIIC) జంక్షన్ వద్ద ఎడమ వైపునకు.. అక్కడి నుండి నేరుగా గౌలిదొడ్డి వైపు వెళ్లవచ్చు.</p> <p>2. టీఎన్&zwnj;జీఓ (TNGO) జంక్షన్ నుండి కాన్సులేట్ రోడ్డు వైపు వెళ్లే వారు</p> <p>కృతుంగ రెస్టారెంట్ వద్ద ఎడమ వైపునకు తిరిగి, ప్రిజం (Prism) రోడ్డులోకి వెళ్లాలి.. అక్కడ లెమన్ ట్రీ (Lemon Tree) హోటల్ వద్ద ఎడమ వైపునకు తిరిగి, అక్కడి నుండి ఫైనాన్షియల్ డిస్ట్రిక్ట్ వైపు వెళ్లాలని అధికారులు సూచించారు.</p>