<p><strong>Honda Amaze Vs Maruti Dzire Safety Rating:</strong> భారత ఆటో మార్కెట్లో సబ్‌–4 మీటర్‌ సెడాన్‌లకు మంచి డిమాండ్ ఉంది. ఈ సెగ్మెంట్‌లో హోండా అమేజ్, మారుతి సుజుకి డిజైర్ మధ్య పోటీ ఎప్పటి నుంచో కొనసాగుతోంది. 2025లో భారత్ NCAP టెస్ట్‌లు జరిగాక ఈ రెండు కార్లూ 5 స్టార్ రేటింగ్ సాధించాయి. అయితే స్కోర్లు, ఇండివిడ్యువల్‌ టెస్ట్ ఫలితాల్లో ఏ కారు ముందుంది? ప్రజలకు ప్రాక్టికల్‌గా ఏ కార్‌ సేఫ్ అనేది ఈ స్టోరీతో స్పష్టంగా అర్ధమవుతుంది.</p>
<p><strong>AOP స్కోరు: రెండు కార్లకు 5 స్టార్ – కానీ డిజైర్ కొద్దిగా ముందుంది</strong></p>
<p>Honda Amaze – 28.33/32<br />Maruti Dzire – 29.46/32</p>
<p>రెండు కార్లకూ 5 స్టార్ రేటింగ్ వచ్చినా, డిజైర్ మొత్తం స్కోరులో 1.13 పాయింట్లు ఎక్కువ సాధించింది. అంటే ఫ్రేమ్ స్ట్రక్చర్, ఇంపాక్ట్ అబ్జార్ప్షన్ విషయంలో అది కొంచెం మెరుగ్గా ఉంది.</p>
<p><strong>ఫ్రంటల్ క్రాష్ టెస్ట్‌లో అమేజ్‌కు అడ్వాంటేజ్</strong></p>
<p>Amaze లో డ్రైవర్, కో–డ్రైవర్ రెండు సీట్లకూ హెడ్, నెక్, పెల్విస్, థైస్, ఫీట్ అన్నీ ‘గుడ్’ ప్రొటెక్షన్ ఇచ్చాయి. డ్రైవర్ ఛెస్ట్, టిబియాస్ మాత్రమే ‘అడిక్వేట్’ రేటింగ్ పొందాయి.</p>
<p>Dzire లో... డ్రైవర్ ఛెస్ట్‌కు ‘వీక్’ రేటింగ్ రావడం గమనించాల్సిన విషయం. కో-డ్రైవర్ ఛెస్ట్ ‘అడిక్వేట్’ రేటింగ్ పొందింది.</p>
<p>హోండా అమేజ్ ఫ్రంటల్ ఆఫ్‌సెట్ టెస్ట్ స్కోరు మెరుగ్గా రావడానికి ఇదే ప్రధాన కారణం.</p>
<p><strong>సైడ్ బారియర్ టెస్ట్‌లో డిజైర్ విజయవంతం</strong></p>
<p>ఈ టెస్ట్‌లో:</p>
<p>Amaze – హెడ్, అబ్డమెన్, పెల్విస్ - ‘గుడ్’ రేటింగ్‌ & ఛెస్ట్ - ‘మార్జినల్’ (సేఫ్టీ స్థాయిలో తగ్గుదల)</p>
<p>Dzire – అన్నింటికీ ‘గుడ్’, ఛెస్ట్‌కు ‘అడిక్వేట్’ రేటింగ్‌.</p>
<p>ఈ ఫలితం కారణంగా, సైడ్ ఇంపాక్ట్ టెస్ట్‌లో మారుతి డిజైర్ 1.29 పాయింట్లు ఎక్కువ సాధించింది.</p>
<p><strong>సైడ్ పోల్ ఇంపాక్ట్ టెస్ట్: రెండు సమానంగా బలమైన కార్లు</strong></p>
<p>ఈ టెస్ట్‌లో రెండు కార్లూ అన్ని క్రిటికల్ భాగాలకు ‘గుడ్’ ప్రొటెక్షన్ అందించాయి. అంటే, రియల్ వరల్డ్‌లో హార్డ్ ఇంపాక్ట్‌లో కూడా రెండు కార్లూ మంచి రక్షణ ఇస్తాయి.</p>
<p><strong>COP స్కోర్లు: పిల్లల భద్రతలో డిజైర్ ముందుంది</strong></p>
<p>Honda Amaze – 40.81/49<br />Maruti Dzire – 41.57/49</p>
<p>రెండు కార్లలోనూ 18 నెలల డమ్మీలకు సైడ్ ప్రొటెక్షన్ పర్ఫెక్ట్‌గా వచ్చింది. ఫ్రంటల్ ప్రొటెక్షన్ విషయంలో అమేజ్ 8/8 పాయింట్లు సాధించగా, డిజైర్ 7.57 సాధించింది. అయినా తుది COP స్కోరులో డిజైర్ వరల్డ్ అసెస్‌మెంట్‌లో 1 పాయింట్ అదనంగా పొందింది. అందుకే డిజైర్‌కు 5 స్టార్, అమేజ్‌కు 4 స్టార్ రేటింగ్ వచ్చింది.</p>
<p><strong>సేఫ్టీ ఫీచర్లు: అమేజ్‌లో మునుపెన్నడూ లేని అడ్వాంటేజ్</strong></p>
<p>రెండు కార్లలో కూడా స్టాండర్డ్‌గా ఉన్న ఫీచర్లు:</p>
<ul>
<li>6 ఎయిర్‌బ్యాగ్స్</li>
<li>ISOFIX మౌంట్స్</li>
<li>ESC</li>
<li>హిల్ హోల్డ్</li>
<li>3-పాయింట్ సీట్‌బెల్ట్‌లు</li>
</ul>
<p>Amaze ప్రత్యేకతలు: సెగ్మెంట్-ఫస్ట్ Level 1 ADAS, లేన్ వాచ్ కెమెరా</p>
<p>Dzire ప్రత్యేకత: 360° కెమెరా</p>
<p><strong>ధరలు (ఎక్స్-షోరూమ్):</strong></p>
<p>Honda Amaze – ₹7.41 లక్షలు నుంచి ₹10 లక్షలు ‍‌(ఎక్స్‌-షోరూమ్‌)<br />Maruti Dzire – ₹6.26 లక్షలు నుంచి ₹9.31 లక్షలు (ఎక్స్‌-షోరూమ్‌)</p>
<p>ఈ ధరల్లో డిజైర్ మరింత అందుబాటులో ఉంటుంది.</p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/tata-sierra-fuel-tank-capacity-5-seater-new-suv-price-power-engine-petrol-diesel-car-229180" width="631" height="381" scrolling="no"></iframe></p>
<p><strong>ఫైనల్‌గా... </strong></p>
<ul>
<li>అమేజ్ ఫ్రంటల్ క్రాష్ టెస్ట్‌లో మెరుగ్గా రాణించింది.</li>
<li>డిజైర్ సైడ్ ఇంపాక్ట్ & చైల్డ్ సేఫ్టీ రేటింగ్‌లో ముందుంది.</li>
<li>ఫీచర్ల విషయానికి వస్తే - ADAS వల్ల అమేజ్‌కు హైటెక్ అడ్వాంటేజ్ ఉంది.</li>
<li>భద్రతను మాత్రమే చూస్తే - డిజైర్ కాస్త ముందుంది.</li>
<li>ఫీచర్లు + ఫ్రంటల్ సేఫ్టీ కాంబినేషన్ కావాలంటే - హోండా అమేజ్ మంచి ఆప్షన్.</li>
</ul>
<p>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</p>
3 days ago
2 
