<p><strong>10,000 Steps Every Day For Heart Health :</strong> మీరు ప్రతిరోజూ మీ స్మార్ట్‌వాచ్‌ను టైమ్ కోసం కాకుండా స్టెప్ కౌంట్ కోసం చూస్తున్నారా? మీ అడుగులు 10,000 కంటే తక్కువగా ఉంటే మీకు కాస్త నిరాశ కలగవచ్చు. ఎందుకంటే గుండె ఆరోగ్యంగా ఉండాలంటే రోజుకు 10,000 అడుగులు వేయడం చాలా అవసరమని.. లేకపోతే పడిన కష్టమంతా వృధా అవుతుందని చాలా మంది భావిస్తారు. కానీ ఇది నిజంగా అవసరమా? 10కె స్టెప్స్పై వైద్యులు ఇస్తోన్న సూచనలు ఏంటో.. గుండె ఆరోగ్యం కోసం ఎంత నడవాలో ఇప్పుడు చూసేద్దాం. </p>
<h3>జపనీస్ కంపెనీ పబ్లిసిటీ</h3>
<p>10,000 అడుగుల లక్ష్యం ఎప్పుడూ వైద్యపరమైన సిఫార్సుగా ప్రారంభం కాలేదు. 1960లో ఒక జపనీస్ కంపెనీ వారి మాన్పో-కే పెడోమీటర్ ప్రాచుర్యం పొందడంతో 10కె స్టెప్స్ ప్రాచుర్యం పెరిగింది. అప్పటి నుంచి ఇది ఏ శాస్త్రీయ పరిశోధనపైనా ఆధారపడనప్పటికీ.. ప్రజలు దీనిని ఆరోగ్యానికి నిజమైన కొలమానంగా పరిగణిస్తున్నారు. కానీ చాలామంది వృద్ధులకు రోజూ 6,000 నుంచి 8,000 అడుగులు సరిపోతాయని వైద్యులు చెప్తున్నారు. ఇది వారికి గుండె జబ్బులు, పక్షవాతం వచ్చే ప్రమాదాన్ని గణనీయంగా తగ్గించగలదని చెబుతున్నారు. </p>
<p><strong>Also Read : <a href="https://telugu.abplive.com/lifestyle/improve-blood-circulation-naturally-with-siddha-walk-healing-walk-for-bp-control-225373" target="_blank" rel="noopener">బీపీని, బరువును కంట్రోల్ చేసే సిద్ధా, హీలింగ్ వాక్ టెక్నిక్స్.. స్ట్రోక్ ప్రమాదాన్ని కూడా తగ్గిస్తాయట</a></strong></p>
<h3>గుండె ఆరోగ్యానికై నడక.. </h3>
<p>ప్రస్తుతం రోజూ 2,000 లేదా 3,000 అడుగులు మాత్రమే నడిచేవారు.. ఆ సంఖ్యను అకస్మాత్తుగా రెట్టింపు లేదా మూడు రెట్లు చేయాల్సిన అవసరం లేదు. క్రమంగా 6,000 అడుగులు నడవడం గుండె ఆరోగ్యాన్ని గణనీయంగా మెరుగుపరుస్తుంది. నడవడం వల్ల రక్త ప్రసరణ మెరుగుపడుతుంది. రక్తనాళాలు సరిగ్గా పనిచేయడానికి ఇది సహాయపడుతుంది, క్రమంగా రక్తపోటును తగ్గిస్తుంది. కొలెస్ట్రాల్‌ను అదుపులో ఉంచుతుందని వైద్యులు చెబుతున్నారు. ఈ మార్పులన్నీ కలిసి గుండెపై భారాన్ని తగ్గించి, గుండెపోటు, పక్షవాతం ప్రమాదాన్ని తగ్గిస్తాయి. </p>
<h3>10కె స్టెప్స్ వేస్తే..</h3>
<p>10,000 అడుగులు నడిస్తే పెద్దగా ఉపయోగం ఉండదా అంటే కాదు. యువకులు 8,000 నుంచి 10,000 అడుగులు నడవడం వల్ల రక్తపోటును, కొలెస్ట్రాల్‌ను, బరువును అదుపులో ఉంచుకోవచ్చు. ఇన్సులిన్ పనితీరును మెరుగుపరచడం వంటి అనేక అదనపు ప్రయోజనాలు అందుతాయి. అయితే అడుగుల సంఖ్యతో పాటు నడక వేగం, నాణ్యత కూడా అంతే ముఖ్యం. అంటే నెమ్మదిగా, చురుకుగా నడవడం వేర్వేరు ప్రభావాలను కలిగి ఉంటాయని గుర్తించుకోవాలి.</p>
<p><strong>Also Read : <a href="https://telugu.abplive.com/lifestyle/walk-after-eating-unlock-the-health-benefits-and-how-long-to-walk-after-meal-tips-to-follow-202095" target="_blank" rel="noopener">భోజనం చేసిన తర్వాత ఎంత సేపు వాక్ చేయాలి.. నడిచేప్పుడు చేయకూడని తప్పులు, గుర్తించుకోవాల్సిన విషయాలివే</a></strong></p>
<h3>వైద్యుల సూచనలు..</h3>
<p>డాక్టర్ గుప్తా ప్రకారం.. నడుస్తున్నప్పుడు మీ శ్వాస, హృదయ స్పందన రేటు కొద్దిగా పెరిగినా.. మీరు మాట్లాడగలిగితే అది అత్యంత ప్రయోజనకరమైన పద్ధతి. చురుకుగా నడవడం ద్వారా వారానికి 150 నిమిషాల తేలికపాటి వ్యాయామాన్ని సులభంగా సాధించవచ్చు. అంతేకాకుండా వీటన్నింటికీ మీకు సమయం లేకపోతే.. మీ దైనందిన జీవితంలో చిన్న మార్పులు చేసుకోవాలంటున్నారు. </p>
<p>ఉదాహరణకు ఎలివేటర్‌కు బదులుగా మెట్లు ఎక్కడం, వాహనాన్ని కొంచెం దూరంలో పార్క్ చేయడం, ఫోన్‌లో మాట్లాడుతూ నడవడం, లేదా భోజనం తర్వాత 10 నిమిషాల పాటు నడవడం వంటి మార్పులు చేసుకోవాలి. భోజనం తర్వాత నడవడం వల్ల శరీరంలో షుగర్ను మెరుగ్గా వినియోగించుకోవడానికి సహాయపడుతుంది. తద్వారా రక్తంలో చక్కెర స్థాయిలు అకస్మాత్తుగా పెరగకుండా కంట్రోల్ అవుతాయి.</p>
<h3>ఇప్పటికే గుండె జబ్బులు ఉంటే..</h3>
<p>గుండె జబ్బులు, హై బీపీ, లేదా కీళ్లవాతం వంటి ముందునుంచే ఆరోగ్య సమస్యలు ఉన్నవారు.. నడకను పెంచే ముందు వైద్యుడిని సంప్రదించాలని వైద్యులు సూచిస్తున్నారు. ప్రతి ఒక్కరికీ సరిపోయే స్టెప్ కౌంట్ ఏదీ లేదని అంటున్నారు. 6,000 అడుగులు కూడా గుండెకు మంచివే. అలాగే 8,000 నుంచి 10,000 వేగవంతమైన అడుగులు మరిన్ని ఆరోగ్య ప్రయోజనాలు అందిస్తాయి.</p>
<p><strong>Also Read : <a href="https://telugu.abplive.com/lifestyle/best-time-to-walk-morning-vs-evening-what-science-says-184746" target="_blank" rel="noopener">ఉదయం నడిస్తే మంచిదా? సాయంత్రం నడక బెటరా? ఎప్పుడు వాక్ చేస్తే మంచిదో తెలుసా?</a></strong></p>
<div id=":2bw" class="Am aiL Al editable LW-avf tS-tW tS-tY" tabindex="1" role="textbox" spellcheck="false" aria-label="Message Body" aria-multiline="true" aria-owns=":2eb" aria-controls=":2eb" aria-expanded="false">
<div id=":nw" class="Am aiL Al editable LW-avf tS-tW tS-tY" tabindex="1" role="textbox" spellcheck="false" aria-label="Message Body" aria-multiline="true" aria-owns=":xb" aria-controls=":xb" aria-expanded="false">
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
</div>
</div>
1 month ago
3 
