<p style="text-align: left;">జీవితానికి, మరణానికి మధ్య 13 ఏళ్ల పాటు పోరాడిన హరీష్ రాణా (Harish Rana)కు ఇప్పుడు విముక్తి లభించింది. మార్చి 24న ఆయన మరణించారు. సుప్రీం కోర్టు అనుమతితో మరణానికి మార్గం సుగుమమం అయ్యింది. ఇప్పుడు ఆయన కథను తెరపైకి తీసుకురావడానికి సన్నాహాలు చేస్తున్నారు. ఇది కేవలం ఒక వ్యక్తి కథ మాత్రమే కాదు... ప్రతి రోజూ బాధ, ఆశతో జీవించడం నేర్చుకున్న ఒక కుటుంబం కథ. సుప్రీం కోర్టు స్వచ్ఛంద మరణానికి అనుమతి ఇచ్చిన తర్వాత ఈ విషయం దేశవ్యాప్తంగా చర్చనీయాంశంగా మారింది. ఇప్పుడీ కథను సినిమా ద్వారా ప్రజలకు చేరవేయడానికి ప్రయత్నిస్తున్నారు.</p>
<p style="text-align: left;"><strong>13 సంవత్సరాల తర్వాత స్వచ్ఛంద మరణానికి అనుమతి </strong></p>
<p style="text-align: left;">ముంబైకి చెందిన ఓ రచయిత హరీష్ రాణా జీవితంపై సినిమా తీయాలని కోరుకుంటున్నట్లు సమాచారం. అందు కోసం హరీష్ న్యాయవాది మనీష్ జైన్‌ను కూడా సంప్రదించాడు. ఈ బయోపిక్‌లో ఓ రోగి బాధ మాత్రమే కాదు... అతని కుటుంబ పోరాటం, న్యాయవాది కృషి, న్యాయ ప్రక్రియ వంటి అంశాలను కూడా చూపించనున్నారట. సుమారు 13 సంవత్సరాల పాటు తమ కుమారుడిని ఆ స్థితిలో చూడటం తల్లిదండ్రులకు చాలా కష్టం. కోర్టు స్వచ్ఛంద మరణానికి అనుమతి ఇచ్చినప్పుడు... ఆ నిర్ణయం ప్రతి ఒక్కరినీ భావోద్వేగానికి గురి చేసింది. అదే సమయంలో అవయవదానం నిర్ణయం ఈ కథను మరింత ప్రత్యేకంగా చేస్తుంది.</p>
<p style="text-align: left;">Also Read<strong>: <a title="Harish Rana: శాశ్వత నిద్రలోకి హరీష్‌ రాణా... దేశంలోనే తొలి పాసివ్‌ యుథనేసియా మరణం" href="https://telugu.abplive.com/news/india/harish-rana-becomes-first-in-india-passive-euthanasia-supreme-court-allows-dignity-death-242045" target="_self">Harish Rana: శాశ్వత నిద్రలోకి హరీష్‌ రాణా... దేశంలోనే తొలి పాసివ్‌ యుథనేసియా మరణం</a></strong></p>
<p style="text-align: left;"><strong>ఇంజనీరింగ్ సమయంలో పెద్ద ప్రమాదం </strong></p>
<p style="text-align: left;">హరీష్ రాణాది హిమాచల్ ప్రదేశ్‌లోని కాంగ్రా జిల్లాలోని ప్లేటా అనే చిన్న గ్రామం. ఆయన తండ్రి మంచి జీవితం కోసం 1989లో ఢిల్లీకి వచ్చారు. కుటుంబం సంతోషంగా జీవనం సాగిస్తోంది. అయితే ఇంజనీరింగ్ చదువుతున్న సమయంలో జరిగిన ప్రమాదం వాళ్ళ జీవితాలను మార్చేసింది. హరీష్ కోమాలోకి వెళ్ళాడు, అప్పటి నుంచి కోలుకోలేదు. అయితే ఆయన 13 సంవత్సరాల బాధ నుంచి మార్చి 24న విముక్తి పొందారు. చాలా సంవత్సరాలు చికిత్స, ఆశ తర్వాత కూడా ఎటువంటి పురోగతి లేనప్పుడు... తల్లిదండ్రులు హృదయపూర్వకంగా స్వచ్ఛంద మరణం తీసుకోవాలని నిర్ణయించుకున్నారు. దాదాపు మూడు సంవత్సరాల చట్టపరమైన పోరాటం తర్వాత సుప్రీం కోర్టు నుంచి అనుమతి లభించింది. ఇప్పుడీ కథ సినిమా రూపంలో రాబోతోంది.</p>
<p style="text-align: left;">Also Read<strong>: <a title="Ustaad Bhagat Singh Collections: టాలీవుడ్ 2026 టాప్ 3లోకి 'ఉస్తాద్ భగత్ సింగ్'... 'ధురంధర్ 2' సునామీలో ఆరో రోజు నెట్ ఎంతంటే?" href="https://telugu.abplive.com/entertainment/cinema/ustaad-bhagat-singh-day-6-box-office-collection-pawan-kalyan-movie-become-3rd-highest-grosser-of-tollywood-2026-amid-dhurandhar-2-242060" target="_self">Ustaad Bhagat Singh Collections: టాలీవుడ్ 2026 టాప్ 3లోకి 'ఉస్తాద్ భగత్ సింగ్'... 'ధురంధర్ 2' సునామీలో ఆరో రోజు నెట్ ఎంతంటే?</a></strong></p>
3 weeks ago
4 
