<p><strong>Gunde Ninda Gudi Gantalu:</strong> స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది.మీనాను చూడటానికి వచ్చిన వాళ్ల అమ్మ ప్రభావతికి గట్టిగా ఇచ్చిపడేస్తుంది. అటు మనోజ్‌ కోసం షోరూమ్‌కు క్యారేజీ తీసుకుని వచ్చిన రోహిణి అతని ప్రేమను దక్కించుకునే ప్రయత్నం చేస్తుంది.<br /><strong>మీనా కోసం వచ్చిన తల్లి</strong><br /> మీనాకు తన నగలు ఇవ్వనంటే ఇవ్వనని ప్రభావతి గట్టిగా చెబుతుంది.అయినా నువ్వు ఇచ్చేది ఏంటని నేనే తీసుకొచ్చి ఇస్తానంటూ సత్యం ప్రయత్నిస్తాడు.అప్పుడే అతన్ని మీనా ఆపుతుంది.మీరు నాకు సాయం చేయాలని నగలు తీసుకుని వస్తే తాత్కాలికంగా ఈ సమస్య తీరిపోతుంది కానీ..నన్ను జీవితాంతం అత్తయ్యగారు సాధిస్తూనే ఉంటారని అంటుంది. దానికన్నా ఈ డబ్బులు ఏదోవిధంగా నేను, మా ఆయన కష్టపడి తెచ్చి కట్టేస్తామని చెబుతుంది. ఏదీఏమైతే నాకేంటి నా బంగారం మాత్రం పోలేదని ప్రభావతి సంతోషపడుతుంది. అయినా రూపాయిరూపాయికి పూలు అమ్ముకునే దానివి నీకు ఎందుకు అంత పెద్ద ఆర్డర్లు అని ప్రభావతి మీనాను ఎద్దేవా చేస్తుంది.<br /> మీనాను పలకరించడానికి వాళ్ల అమ్మ,సుమతి, శివ ఇంటికి వస్తారు. ప్రభావతి నోరుకు భయపడిపోయి ముందే ఆగుతారు.అయినా గానీ మీనావాళ్ల అమ్మ కొడుకు, కూతురుని తీసుకుని లోపలికి వస్తుంది. ప్రభావతిని ఒక్కమాట కూడా దూరనివ్వకుండా గట్టిగా సమాధానమిస్తుంది. ఇదేంటి ఇంతకు ముందు వచ్చినప్పుడు నోరుమూసుకుని ఉండేది ఇప్పుడు ఇలా మాట్లాడుతుందని ప్రభావతి కూడా నోరువెళ్లబెడుతుంది. అయినా ఆ రౌడీలను రాళ్లతో కొట్టి బుద్ధి చెప్పకుండా ఎందుకు వదిలేశావని మీనాను తిడుతుంది. నువ్వేమీ డబ్బుల కోసం బాధపడొద్దని..సుమతి పెళ్లికోసం చేసిన నగలు ఉన్నాయని...వాటిని అమ్మేసి అప్పు తీర్చేద్దామని చెబుతుంది. అప్పటికీ ప్రభావతి కల్పించుకుని శివ చేసిన దొంగతనం గురించి చెప్పి కర్మ ఎవరినీ వదిలిపెట్టదని అందుకే ఇలా జరిగిందని ప్రభావతి ఎద్దేవా చేస్తుంది.దీనికి మీనా వాళ్ల అమ్మ గట్టిగానే బదులిస్తుంది.అవును అందుకే మలేషియా సంబంధం అంటూ ఎగిరెగిరిపడ్డావు కదా...కనీసం నీ పెద్దకోడలికి అమ్మాబాబు కాదు కదా...అసలు ఇల్లే లేదంట కదా అని బదులిస్తుంది. దీంతో ప్రభావతి నోరుమూసుకుని ఉంటుంది. మీనాను ఇంట్లో పనేమీ చేయవద్దని గాయం మానేవరకు మీ అత్తగారే ఇంట్లో వంట చేస్తుందని చెప్పి వాళ్ల అమ్మ వెళ్లిపోతుంది.<br /><strong>మనోజ్‌కు రోహిణి దగ్గరయ్యే ప్రయత్నం</strong><br /> జ్వరంతోనే షోరూమ్‌కు వెళ్లిన మనోజ్‌ దగ్గరకు క్యారేజీ తీసుకుని రోహిణి వస్తుంది. నువ్వు ఇక్కడికి ఎందుకు వచ్చావని మనోజ్ ఆమెను నిలదీస్తాడు.మళ్లీ మా అమ్మ చూసిందంటే తిడుతుందని అంటాడు. ఇంకా ఎన్నాళ్లు మీ అమ్మ కొంగుచాటును తిరుగుతావని రోహిణి నిలదీస్తుంది.మనం ప్రేమించుకున్నప్పుడు, సినిమాలకు తిరిగినప్పుడు మీ అమ్మకు చెప్పే అన్నీ చేశావా అని ప్రశ్నిస్తుంది. నువ్వు ఇంత మోసం చేసిన తర్వాత కూడా నిన్ను ఎలా నమ్మాలని అంటాడు. అవన్నీ నీ ప్రేమను దక్కించుకుకోవడం కోసమే చేశానని నీకు తెలియదా అని అంటుంది. మా అమ్మ నిన్ను తిడుతుంటే నేను తట్టుకోలేకపోతున్నానని అందుకే నువ్వు పదేపదే నా దగ్గరకు రావొద్దని చెబుతాడు. నేను నీమీద ప్రేమతో వంటచేసుకుని వచ్చానని...నీ ఇష్టం ఉంటే తిను లేకపోతే లేదని చెప్పి అక్కడి నుంచి వెళ్లిపోతుంది.<br /><strong>ప్రభావతి వంటతో తంటాలు</strong><br /> మీనా గాయంతో వంటగదిలోకి రాకపోవడంతో ప్రభావతి చాలారోజుల తర్వాత వంటగదిలోకి అడుగుపెడుతుంది. ఏదీ ఎక్కడ ఉందో తెలియక తికమకపడుతుంది.అలాగే పచ్చిమిర్చి తరిగిన చేతిని కంట్లో పెట్టుకుని కుయ్యోమొర్రో అంటూ మొత్తుకుంటుంది. చాకుతో చేయికోసుకుని పసుపు అనుకుని కారం పెట్టుకుంటుంది. ఈ మీనా రోజూ ఇంతమందికి ఎలా వంటలు చేస్తుందో అర్థంకావడం లేదని అంటుంది.అటు పొయ్యిమీద కూర మాడిపోతుండగా మీనాక్షి వచ్చి తన ఫ్రెండ్‌ను దెప్పిపొడస్తుంది. వంటలక్క అవతారం ఎత్తావా అని ప్రశ్నస్తుంది. రోజూ మీనా చేసిపెడుతుంటే నీకు తెలియడం లేదని విమర్శిస్తుంది.</p>
<p> </p>
1 month ago
2 
