<p><strong>Gunde Ninda Gudi Gantalu:</strong> స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది.రోహిణి దగ్గరకు ఎట్టిపరిస్థితుల్లోనూ వెళ్లొద్దని కొడుకుకి తల్లి గట్టిగా చెప్పడంతో ఆమె బాధపడుతుంది. మీనాక్షి ఆంటీ దగ్గరకు వెళ్లి అత్తయ్యకు సర్ధిచెప్పమని వేడుకోమంటూ మీనా సలహా ఇస్తుంది. అటు డెకరేషన్ ఆర్డర్‌కు డబ్బులు కట్టేందుకు మీనా వెళ్తున్న సంగతి ప్రభావతి చింతామణికి చెప్పడంతో రౌడీలను పెట్టించి మీనాను కొట్టి డబ్బులు లాక్కునేలా చేస్తుంది.<br /><strong>మనోజ్‌కు తల్లి వార్నింగ్</strong><br /> జ్వరం ఎందుకు వచ్చిందిరా అని తల్లి మనోజ్‌ను అడగ్గా..మనకు ఇష్టమైనవాళ్లు దూరమైతే జ్వరం వస్తుందని అంటాడు.నేను నీపక్కనే ఉన్నాను కదా అని అంటే నువ్వు కాదమ్మా..రోహిణి దూరంగా ఉంటుంది కదా అని నిజం చెబుతాడు.ఆ మాటలు విన్న ప్రభావతి కొడుకుపై మండిపడుతుంది.అది మనల్ని మోసం చేసి ఈ పెళ్లి చేసుకుందని..అందుకే దాన్ని దగ్గరకు రానివ్వొద్దని చెబుతుంది.అందరి ముందు నేను తలదించుకునేలా చేసిందని..దాన్ని జీవితంలో క్షమించేదిలేదని చెబుతుంది.అయినా రోహిణి చేసింది నాకోసమే కదా అని మనోజ్‌ అంటాడు. ఇప్పుడు తను సంపాదిస్తుందంతా నీకే ఇస్తుంది కదా అని అంటాడు.బోడి 20వేలు ఇస్తే ఎటు సరిపోతాయని ప్రభావతి మండిపడుతుంది. అయినా నువ్వు దాని గురించి ఎందుకు మాట్లాడుతున్నావని నిలదీస్తుంది.అది ఇచ్చిన టాబ్లెట్‌లు వేసుకున్నా, జావ తాగినా ఊరుకునేదిలేదని గట్టిగా కొడుకుకి వార్నింగ్ ఇస్తుంది.<br /><strong>రోహిణికి మీనా సలహా</strong><br /> ప్రభావతి మాటలన్నీ వింటున్న రోహిణి..చేయి కాల్చుకుని మరీ మొగుడుకి దగ్గరవుదామనుకుంటే..ఈ మహాతల్లి అసలు పడనిచ్చేలా లేదని బాధపడుతుంది.అటు శృతి మీనాతో మాట్లాడుతూ రోహిణి నిజంగానే చేయి కాల్చుకుందా అని అనుమానిస్తుంది. అత్తయ్య దగ్గర మార్కులు కొట్టేయడానికి ఇప్పుడు ఏమైనా చేస్తుందని మీనా అంటుంది.అప్పుడే అక్కడికి వచ్చిన రోహిణి..నా గురించే మాట్లాడుకుంటున్నారు కదా అని అంటుంది. అవును నీ గురించే మాట్లాడుకుంటున్నామని శృతి అంటుంది. ఎంతైనా తను మన తోడికోడలని తప్పుగా మాట్లాడొద్దని మీనా అనగా...తను ఏరోజు అయినా అలా ప్రవర్తించిందా అని శృతి అంటుంది. మలేషియా, మేక మామ అంటూ ఎన్ని ఫోజులు కొట్టిందని అంటుంది. అందుకే బాగా జరిగిందని దెప్పిపొడుస్తుంది. నువ్వు ఎన్నిచేసినా అత్తయ్య ఇప్పుడు నిన్ను నమ్మదని...ఎందుకంటే నువ్వు చేసిన మోసాలు అలాంటివని అంటుంది. నువ్వు నీ భర్తకు దగ్గరవ్వాలంటే ఒక సలహా ఇస్తానని చెబుతుంది.అత్తయ్యను ఒప్పించాలంటే మీనాక్షి ఆంటీ ఒక్కరి వల్లే అవుతుందని చెబుతుంది.కాబట్టి నువ్వు వెళ్లి ఆమెను బ్రతిమలాడుకుని అత్తయ్య నిన్ను క్షమించేలా చేసుకుంటే నీ కష్టాలు తప్పవని చెబుతుంది.<br /><strong>మీనాపై దాడి</strong><br /> డెకరేషన్ ఆర్డర్‌ కోసం డబ్బులు కట్టడానికి వెళ్తున్నానని అ‌త్తమామలకు మీనా చెబుతుంది. అంత డబ్బులు ఎక్కడి నుంచి వచ్చాయని ప్రభావతి అడిగితే..ఏదో విధంగా సర్దుబాటు చేసుకున్నామని మీనా చెబుతుంది. ఎలాగైనా మీనాను అక్కడికి పంపించకుండా ఉండటానికి ప్రభావతి ప్రయత్నిస్తుంది. నువ్వు ఊరుమీద ఊరేగడానికి వెళ్తే ఇంట్లో పనులు ఎవరు చేస్తారని అంటుంది.అన్ని పనులు చేసిన తర్వాతే మీనా బయటకు వెళ్తుందని నీకు తెలియదా అని సత్యం అంటాడు.దీంతో మీనా డబ్బులు తీసుకుని వెళ్తుంది.వెంటనే ఈ విషయాన్ని ప్రభావతి చింతామణికి చెబుతుంది. మీనా చేతికి డబ్బులు వచ్చాయని..ఇప్పుడు అక్కడికే బయలుదేరుతుందని చెబుతుంది.దీంతో చింతామణి రౌడీలను పెట్టించి మీనా దగ్గర ఉన్న డబ్బులు లాక్కుని రమ్మని పురమాయిస్తుంది. మీనా వచ్చే దారిలో అడ్డగించిన రౌడీలు..ఆమెను కొట్టి డబ్బులు లాక్కుని పారిపోతారు.</p>
1 month ago
3 
