<p>Gunde Ninda Gudi Gantalu: స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది.తాగిఇంటికి వచ్చిన బాలుకు మీనా గట్టిగా క్లాస్‌ పీకుతుంది. అటు డబ్బులు కట్టడానికి సమయం దగ్గరపడుతుండటంతో సుమతి అరుణ్‌ను అడిగి డబ్బులు తీసుకుంటుంది.వాటిని మీనాకు అందజేసి డిపాజిట్‌ చేయమని చెబుతుంది. అంత డబ్బు ఎక్కడిది అని మీనా అడిగితే మంచి ఫ్రెండ్‌ ఉన్నాడని..అతన్ని అడిగి తీసుకున్నానని అబద్ధం చెబుతుంది.<br />తాగి వాగిన బాలు<br /> మందు తాగకుండా వచ్చినా అరుణ్‌ కావాలనే కారు ఆపి తనతో బ్రీత్ ఎనలైజర్‌ ద్వారా ఊదించాడని బాలు కోపంతో రగిలిపోతాడు.ఫ్రెండ్స్‌తో వెళ్లి మందు తాగివచ్చి కావాలనే మళ్లీ పోలీసుల వద్ద గొడవకు దిగుతాడు. రాజేశ్ ఎంత చెబుతున్నా వినకుండా మళ్లీ అరుణ్ వద్దకే వచ్చి పిచ్చిపిచ్చిగా మాట్లాడతాడు. ఇప్పుడు మీరు మర్యాదగా వెళ్లకుంటే తాగి గొడవ చేస్తున్నారని కేసు పెట్టించి లోపల వేయిస్తానని అరుణ్ హెచ్చరిస్తాడు. అయినాకానీ బాలు వినకుండా రోడ్డుపైన అరుణ్‌తో వాదిస్తూనే ఉంటాడు. నేను తాగకపోయినా కావాలనే నువ్వు గొడవ చేసి నా భేరం చెడగొట్టావంటూ మండిపడతాడు. ఇప్పుడు నువ్వు నిజంగా ఇంటికి వెళ్లకపోతే జైలుకు వెళ్లడం ఖాయమని అరుణ్‌ బాలును హెచ్చరిస్తాడు.ఇంతలో కానిస్టేబుల్‌ వచ్చి అతన్ని వెంటనే తీసుకెళ్లిపొమ్మని రాజేశ్‌కు చెప్పడంతో బాలును రాజేశ్ బలవంతంగా కారులో ఎక్కించుకుని ఇంటికి తీసుకెళ్లిపోతాడు.<br />బాలును గట్టిగా తిట్టిన మీనా<br /> తాగి తూలుతూ ఇంటికి వచ్చిన బాలును మీనా తిడుతుంది. మానేశానని ఒట్టేసి మళ్లీ ఈ తాగుడు అలవాటు ఏంటని ప్రశ్నిస్తుంది. ఆ ట్రాఫిక్ ఎస్‌ఐ వల్లే మళ్లీ గొడవ జరిగిందని బాధలో తాగాల్సి వచ్చిందని చెబుతాడు.తాగేవాళ్లంతా ఇలా కారణాలు వెతుక్కుంటూనే ఉంటారని మీనా మండిపడుతుంది. అయినా ప్రతిసారీ ఆ ట్రాఫిక్ ఎస్‌ఐతో ఎందుకు గొడవ పెట్టుకుంటున్నారని మీనా ప్రశ్నిస్తుంది. నేనేమీ కావాలని గొడవ పెట్టుకోలేదని....అతనే నేను తాగకపోయినా నాతో ఊదించాడని చెబుతాడు.వాళ్ల డ్యూటీవాళ్లు సక్రమంగా చేస్తున్నారని మధ్యలో నిన్ను ఎక్కడ అవమానించారని మీనా ప్రశ్నిస్తుంది.లేదని కావాలనే నాతో ఊదించాడని బాలు అంటాడు. ఇలా ప్రతిదీ నన్నే కావాలని చేస్తున్నారని అనుకుంటే రోడ్డుమీద తిరగలేమని మీనా చెబుతుంది. కొంచెం మందు తాగి వస్తే ఇంత గొడవ చేయాలా అని బాలు అంటాడు. ఖచ్చితంగా చేస్తానని తప్పు చేస్తే ఎవరినైనా క్షమించనని మీనా అంటుంది. నీకోసం భార్య ఇంటి దగ్గర భోజనం చేయకుండా ఎదురుచూస్తుంటుందన్న కనీస జ్ఞానం లేకుండా మందు తాగి వస్తావా అని అంటుంది.నేను రాజేశ్ వాళ్ల ఇంట్లో తినేశానని నువ్వు వెళ్లి అన్నం తిని పడుకోమని అంటాడు. అలాగే డిపాజిట్ చేయడానికి కావాల్సిన 50వేలు తీసుకుని వస్తాడు. నేను తాగుబోతుల దగ్గర డబ్బులు తీసుకోనని చెప్పి మీనా లోపలకి వెళ్లిపోతుంది.<br />అరుణ్‌ను డబ్బులు అడిగిన సుమతి<br /> డబ్బుల కోసం మీనా ఇబ్బందిపడుతుందని తెలిసి సుమతి అరుణ్‌కు ఫోన్ చేసి పిలుస్తుంది.మీరు ఏం అనుకోనంటే నాకు కొంత డబ్బులు బయట ఎక్కడైనా అప్పుగా ఇప్పించగలరా అని కోరుతుంది. ఎందుకని అరుణ్‌ అడగ్గా...మా అక్కకు మంచి పూల కాంట్రాక్ట్ దొరికిందని...వాళ్లు ఇప్పుడు 5 లక్షలు డిపాజిట్ కట్టమని కోరుతున్నారని...మా దగ్గర అంత డబ్బులు లేవని చెబుతుంది. అందుకే మీరు ఎక్కడైనా అడ్జెస్ట్ చేస్తే మళ్లీ వెంటనే తిరిగి ఇచ్చేస్తామని చెబుతుంది.అయితే నా దగ్గర ఉన్నాయని అరుణ్‌ అంటాడు. మీ దగ్గర తీసుకోవడం ఇష్టం లేదని సుమతి చెప్పినా...ఆ వేరేవాళ్లకు తిరిగి ఇచ్చే డబ్బులు ఏవో నాకే ఇవ్వండని చెప్పడంతో సుమతి ఓకే అంటుంది. వెంటనే అక్కకు ఫోన్ చేసి ఆస్పత్రి వద్దకు పిలిచి డబ్బులు చేతిలో పెడుతుంది. ఇంత డబ్బు నీకు ఎక్కడ నుంచి వచ్చిందని మీనా అడిగితే...ఓ మంచి ఫ్రెండ్ నుంచి చేబదులుగా తీసుకున్నానని చెబుతుంది. వడ్డీ కూడా కట్టాల్సిన పనిలేదని....పని పూర్తయిన వెంటనే తిరిగి ఇచ్చేస్తే చాలని చెప్పడంతో మీనా సంతోషపడుతుంది.</p>
<p> </p>
1 month ago
3 
