<p><strong>Gunde Ninda Gudi Gantalu:</strong> స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది. పెద్దకోడలు రోహిణి చేసిన మోసంతో రగిలిపోయిన ప్రభావతి ఆమెను బుద్ధిచెప్పి జుట్టుపట్టుకుని ఈడ్చుకుంటూ వచ్చి బయటకు గెంటివేస్తుంది. విద్య దగ్గరకు వెళ్లిన రోహిణి...తన తప్పును తెలుసుకోకుండా మళ్లీ పంతానికిపోయి మనోజ్‌ను నా కొంగుకి కట్టుకుని తిప్పుకుంటా అంటూ శపథం చేస్తుంది. అటు మనోజ్‌కు తండ్రి,బాలు నచ్చజెప్పేందుకు ప్రయత్నించగా....మళ్లీ ఈ జన్మలో రోహిణి ముఖం కూడా చూడనని అంటాడు.<br /><strong>ప్రభావతి తాండవం</strong><br /> రోహిణి మోసం చేసిందని తెలుసుకున్న ప్రభావతి శివాలెక్కిపోతుంది.కోడలిపట్టుకుని ఏడాపెడా చెంపలు వాయిస్తుంది. నన్నే మోసం చేస్తావా అని నిలదీస్తుంది. నీకోసం అందరినీ వదులుకుని నిన్న మహారాణిలా చూసుకుంటే నన్నే మోసం చేస్తావా అని ప్రశ్నిస్తుంది. నీ మాటలు నమ్మి దేవుడిలాంటి నా భర్తకు కూడా చెప్పకుండా ఇల్లు తాకట్టు పెట్టి బ్యూటీపార్లర్‌ పెట్టించాను కదా అని అంటుంది. మీ మామయ్యగారి డబ్బులన్నీ మోసంతో తీసుకుని నీ మొగుడితో షాపు పెట్టించినప్పుడు కూడు నేను నిన్న వెనకేసుకుని వచ్చాను కదా అని అంటుంది. ఇంట్లో ఇద్దరి కోడళ్లను కాదని నేను నిన్నే ఎక్కవ ప్రేమించాను కదా అని కడిగిపారేస్తుంది. రోహిణిని పిచ్చికొట్టుడు కొట్టడంతో ఆమె ఒక్కసారి నేను చెప్పేది కూడా వినండి అత్తయ్యా అని అంటుంది. మీనా, శృతి అడ్డుకోవాలని చూసినా ప్రభావతి కోపంతో అరవడంతో ఆగిపోతారు. <br /><strong>రోహిణిని బయటకు గెంటేసిన ప్రభావతి</strong><br /> సత్యం కలుగజేసుకుని ఆ అమ్మాయి ఏదో చెబుతానంటుంది కదా వినమని అంటాడు.దానికి మళ్లీ ఛాన్స్ ఇస్తే ఇలాంటి కట్టుకథలు ఏదో చెబుతుందని అంటుంది.నన్ను మోసం చేసినా పర్వాలేదుగాన...పాపం అమాయకుడైన నీ భర్తను ఎలా మోసం చేయాలని అనిపించిందే అని అడుగుతుంది. నోరుతెరిస్తే అన్నీ అబద్ధాలేనని....తండ్రి ఎప్పుడో చనిపోతే ఈమధ్యే చనిపోయినట్లు నాటకమాడి బూడిద కూడా గంగలో కలిపించిన పాపిష్టిది ఇది అని అంటుంది. ఇంకా ఇక్కడే ఉంటే నా కుటుంబాన్ని నాశనం చేస్తుందని చెప్పి మెడపట్టుకుని బయటకు ఈడ్చుకుని వస్తుంది. గేటు బయటకు జుట్టుపట్టుకుని గెంటేస్తుంది. ఇంత జరుగుతున్న మనోజ్‌ ఏమాత్రం మాట్లాడడు. ఏంటిరా అని సత్యం అడిగితే.....రోహిణి అమ్మనే కాదు...నన్ను కూడా మోసం చేసిందని చెప్పి లోపలికి వెళ్లిపోతాడు.<br /><strong>విద్య దగ్గరకు వెళ్లిన రోహిణి</strong><br /> అత్త ఇంట్లో నుంచి గెంటివేయడంతో రోహిణి విద్య దగ్గరకు వెళ్తుంది.నేను అందుకే ముందే చెప్పానని....నిజం చెప్పమంటే నువ్వు చెప్పలేదని విద్య తిడుతుంది.అప్పటికీ నీకు చెబుదామని ఎన్నిసార్లు ఫోన్ చేసినా నువ్వు లిప్ట్‌ చేయలేదని అంటుంది.ఇంతకీ మలేషియా విషయమే తెలిసిందా లేక బిడ్డ ఉన్నట్లు కూడా తెలిసిందా అని అడుగుతుంది. మలేషియా విషయమే తెలిసిందని చెబుతుంది. ఇంకా మోసం చేయడం కరెక్ట్‌కాదని...ఇప్పటి వరకు నీకు డబ్బులేదని మాత్రమే ఈ అత్త అసహ్యించుకుందని....ఏదో ఒకరోజు ఈ బిడ్డ సంగతి కూడా తెలిసిపోతుందని అందుకే నువ్వే చెప్పేయమని విద్య చెబుతుంది. ఇన్నిరోజులు నేను నా మలేషియా వ్యవహారం తెలిసిపోతుందని భయంగా ఆ ఇంట్లో బతికానని...ఇప్పుడు ఆ అవసరం లేదని అంటుంది. పెద్దకోడలిగా నాకు ఆ ఇంట్లో ఉండే హక్కు ఉందని...మనోజ్‌ను నావైపు తిప్పుకుని వాళ్లందిరనీ ఆటాడిస్తానని శపథం చేస్తుంది.<br /><strong>పిచ్చొడిలా మారిపోయిన మనోజ్‌</strong><br /> భార్య వెళ్లిపోవడంతో మనోజ్‌ ఇంట్లో పిచ్చిపిచ్చిగా మాట్లాడుతూ తిరుగుతుంటాడు. దీంతో బాలు ఒక్కటి ఇచ్చి గట్టిగా క్లాస్‌ పీకుతాడు.ఇంతలోవాళ్ల నాన్న వచ్చి కూడా మనోజ్‌కు నచ్చజెప్పాలని చూస్తాడు.అయినా తప్పంతా మీ అమ్మదగ్గర, నీ దగ్గరే ఉందని అంటాడు.ఎవరు వచ్చి ఏం చెప్పినా డబ్బు పేరుఎత్తితేచాలు గుడ్డిగా నమ్మేస్తారని అంటాడు. వెళ్లి తనను కలిసి అసలు ఎందుకు ఇలా చేసిందో కనుక్కుని నచ్చజెప్పి తీసుకురమ్మని అంటాడు. జీవితంలో మళ్లీ ఆ పార్లరమ్మ ముఖం చూడనని తెగేసి చెబుతాడు. అటు ప్రభావతి కూడా కోపంతో రగిలిపోతుంటుంది.అసలు ఇదంతా నీ చెల్లెలు ఆ కామాక్షి వల్లే వచ్చిందని చెప్పి తెల్లారిన తర్వాత వెళ్లి కామాక్షిపై గొడవపెట్టుకుంటుంది.నేను నీకు రోహిణిని పరిచయం చేశానా లేక నువ్వు దాన్ని కోడలిగా చేసుకున్నావా గుర్తుచేసుకోమని కామాక్షి ‌ అనడంతో ఈరోజు ఎపిసోడ్ ముగిసిపోతుంది.</p>
<p> </p>
2 months ago
6 
