<p><strong>Gunde Ninda Gudi Gantalu:</strong> స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది.సుమతి పంపిన లొకేషన్‌కు వెళ్లిన బాలు...గుణకు బుద్ది చెప్పి బాలును కాపాడతాడు.అటు ఇంట్లో ప్రభావతికి దగ్గరయ్యేందుకు రోహిణి తాను పార్లర్‌కు వెళ్లి సంపాదించుకుని వచ్చిన డబ్బులన్నీ అత్తకు ఇవ్వడం చూసి ఇంట్లోవాళ్లంతా ఆశ్చర్యపోతారు.<br /><strong>గుణకు బుద్ధిచెప్పిన బాలు</strong><br /> అరుణ్‌ పోలీసుల సాయంతో శివ ఉన్న లొకేషన్ ట్రేస్‌ చేసి సుమతికి పంపిస్తాడు.వెంటనే సుమతి బాలుకు ఫోన్‌ చేసి లొకేషన్ పంపుతుంది.ఈలోగా గుణ శివను కట్టిపడేసి బెదిరిస్తుంటాడు. నాదగ్గర పనిచేస్తే నువ్వు చదువుకుని సంపాధించిన దానికన్నా రెండురెట్లుఎక్కువ డబ్బులు ఇస్తానని చెబుతాడు.నేను చచ్చినా పాడుపనులు చేయనని శివ చెబుతాడు. నీ మాటలు వినడం వల్లే నేను మానాన్నను పోగొట్టుకున్నానని...ఇప్పుడు అమ్మకు కూడా దూరం కానని చెబుతాడు.నేను బాగా చదువుకుని మా అమ్మను బాగా చూసుకుంటానని అంటాడు. నీలాంటి వాడిని వదులుకోవడం నాకు కూడా ఇష్టం లేదని గుణ అంటాడు.ఈరోజు పరీక్ష రాయనివ్వకుంటే చాలని...ఈ ఏడాది నీకు డిగ్రీ రాదని...అప్పుడు చచ్చినట్లు నువ్వే నా దగ్గరకు పనికి వస్తావని అంటాడు. నేను ఏదైనా పనిచేసుకుని బతుకుతాను కానీ నీదగ్గరకు మాత్రం రానని శివ చెబుతాడు.<br /> శివను ఎంతగా బెదిరించినా మాట వినడంలేదని భావించిన గుణ...వాడికి మత్తు మందు ఎక్కించమని రౌడీలకు చెబుతాడు.ఇప్పుడు ఈ మత్తుమందు తీసుకుని నువ్వు నిద్రపోతావని..నేను పోలీసులను పిలిపించి నువ్వు మత్తుమందులు తీసుకోవడమేకాకుండా...కాలేజీలో అందరికీ అలవాటు చేస్తున్నావని కేసు పెట్టిస్తానని చెబుతాడు. అప్పుడు నీ చదువే కాదు జీవితం కూడా నాశనమైపోతుందని అంటాడు. వెంటనే వీడికి మత్తుమందు ఎక్కించండిరా అని ఆదేశిస్తాడు. వాళ్లు శివకు మత్తుమందు ఇంజెక్షన్ చేస్తుండగా....లొకేషన్ ఆధారంగా బాలు అక్కడికి వస్తాడు. వెంటనే మత్తు ఇచ్చే రౌడీని పట్టుకుని నాలుగు పీకుతాడు. గుణతో పాటు అందరినీ పిచ్చికొట్టుటు కొట్టి బావమరిదిని కాపాడుకుంటాడు.<br /><strong>పోలీసుల రంగప్రవేశం</strong><br /> గుణను కొట్టి తీసుకెళ్తుండగా పోలీసులు అక్కడికి వస్తారు. మీరు ఎలా వచ్చారని మీము ఇంకా ఫోన్ చేసి చెప్పలేదని బాలు అడగ్గా....మా డిపార్ట్‌మెంట్‌లో ఎవరో ఈ లొకేషన్ కనిపెట్టి మాకు సమాచారం ఇచ్చారని చెబుతాడు. మంచిపని చేశారని వెంటనే తీసుకెళ్లమని పోలీసులకు అప్పగించగా...గుణ తప్పించుకుని పారిపోతాడు. మేం ఎలాగైనా వాడిని పట్టుకుంటామని చెప్పి పోలీసులు వెళ్లిపోతారు.అటు కొడుకు కనిపించకుండాపోయేసరికి శివ వాళ్ల అమ్మ చాలా కంగారుపడుతుంది.ఈ విషయం తనకు చెప్పనందుకు సుమతిపై అరుస్తుంది.నీకు ఎవరు చెప్పారని అడగ్గా...మీనా వచ్చి నేనే చెప్పానని చెబుతుంది. నువ్వు కంగారుపడకమ్మా మీ అల్లుడు వెళ్లాడు కాబట్టి ఖచ్చితంగా శివను కాపాడి తీసుకొస్తాడని మీనా చెబుతుంది.ఇంతలో బాలు ఫోన్ చేసి శివ బాగానే ఉన్నాడని పరీక్ష సెంటర్‌ వద్ద వదిలిపెట్టడానికి వెళ్తున్నానని చెబుతాడు.దీంతో అందరూ చాలా హ్యాపీగా ఉంటారు.అయినా నీకు శివ ఉన్న లొకేషన్ ఎవరు ఇచ్చారని మీనా అడగ్గా....నేను తర్వాత చెబుతానులే అక్కా అని సుమతి అంటుంది.<br />రోహిణి ఎత్తులు<br /> ఇంట్లో అందరూ ఉండగా ప్రభావతి అక్కడికి వస్తుంది. రవి ఓ మంచి కాఫీ పెట్టిఇవ్వమని అడుగుతాడు. బాలు కూడా నాకు కావాలని అంటాడు.నీపెళ్లాని ఊరుమీదకి బలాదూర్‌ తిరగడానికి పంపిస్తే నేను నీకు కాఫీలు పెట్టివ్వాలా అని ప్రభావతి తిడుతుంది.ఇంతలో మనోజ్ రావడంతో కొడుకుని మొత్తం చెక్‌ చేస్తుంది. ఆ కిలాడీ షోరూమ్‌కు ఏమైనా వచ్చిందా అని అంటుండగానే రోహిణి వస్తుంది.ఎక్కడికి వెళ్లావంటే పార్లర్‌కు వెళ్లానని చెప్పి బ్యాగ్‌ తెరిచి డబ్బులు ఇస్తుంది. ఏంటి ఇదంతా అంటే పార్లర్‌లో వచ్చిన డబ్బులని చెబుతుంది. నాకు ఎందుకు ఇస్తున్నావని అంటే...నేను సంపాదించిన డబ్బులు మీకే ఇవ్వమని చెప్పారు కదా అని అనగా...బాలు, రవి, శృతి నవ్వడంతో ఈరోజు ఎపిసోడ్‌ ముగిసిపోతుంది.</p>
2 months ago
3 
