<p><strong>Gunde Ninda Gudi Gantalu:</strong> బుల్లితెర ప్రేక్షకులను విశేషంగా ఆకట్టుకుంటున్న "గుండెనిండా గుడిగంటలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 9న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>నువ్వే ఇంటి నుంచి వచ్చావ్.. </strong></p>
<p>మౌనికతో నా గురించి చెప్పడం అవసరమా అని రోహిణి మీనాని అడుగుతుంది. మౌనికకు అనుమానం వచ్చింది.. ఇప్పుడు అనుమానం తీరింది.. ఆ మాత్రం తెలుసుకోకూడదని మనిషి కాదు.. తెలీకూడని విషయం కాదు అని మీనా అంటే పూలు అమ్ముకునే కుటుంబం నుంచి వచ్చిన నువ్వు కూడా నా గురించి మాట్లాడేదానివి అయ్యావ్ అని రోహిణి అంటుంది. అప్పుడే శ్రుతి వచ్చి ఏమన్నావ్.. మీనా పూలు అమ్ముకునే కుటుంబం నుంచి వచ్చిందా? నువ్వు ఏకంగా మీ అమ్మే లేదు అని చెప్పావు కదా. మీ నాన్నని మలేషియా పోలీసులకి అమ్మేసుకున్నావు కదా. మీనా వాళ్లది పూలు అమ్ముకునే కుటుంబమే. మరి మీ కుటుంబం? అసలు నీకు కుటుంబం ఎక్కడేచ్చింది? అమ్మ, అయ్యా, మేనమామ, అక్కా, అన్నా, తమ్ముడు, చెల్లి, ఎవరు ఉన్నారు? దారిన పోయే మటన్ కట్టువానిని తీసుకొచ్చి మేనమామని చెప్పుకునే బతుకు నీది.. పొయ్యి బూడిద తీసుకొచ్చి కన్నతండ్రి అస్తికలు అని చెప్పుకునే దౌర్భాగ్య పరిస్థితి నీది.. అంతకంటే దరిద్రంలో మీనా ఉందా? చీ! నీదే ఒక బతుకేనా? మీనా కుటుంబం గురించి తక్కువ చేసి మాట్లాడుతున్నావా? మీనా, బాలు లేకపోతే అసలు నిన్ను ఎప్పుడో ఆంటీ, నీ భర్త తన్ని తోసేసేవాళ్లు. మీనా బాలు లేకపోతే మీ తరుపున ఒక కుక్క కూడా వచ్చి మాట్లాడలేదు. అసలు ఆంటీ పూజలో ఎలా కూర్చోనిస్తుందో నేను చూస్తాను. నిన్ను దగ్గరకి ఎలా రానిస్తుందో చూస్తాను. నీకు అసలు పూజలో కూర్చోనే హక్కే లేకుండా పోతుంది. అని శ్రుతి చెలరేగిపోతుంది. <br /> <br /><strong>నేను నా భర్త ఇలాగే ఉండాలి.. </strong></p>
<p>హాల్‌లో మీనా పూలు కుడుతుంటే పక్కనే బాలు కూర్చొని మీనాని చూస్తూ ఉంటాడు. ఇద్దరూ సరదాగా మాట్లాడుకొని సంతోషంగా ఉండటం చూసిన మౌనిక భార్యభర్తలు అంటే ఇలా ఉండాలి.. నా మొగుడు ఎప్పుడు మారుతాడో.. నన్ను ఎప్పుడు ప్రేమగా చూసుకుంటాడో అని అనుకుంటుంది. తర్వాత మీనా వాళ్ల దగ్గరకు వెళ్తే మీనా నువ్వు ప్రెగ్నెంట్ కదా అటూ ఇటూ తిరగకు అని అంటాడు. అన్నయ్యా నాకు పుట్టబోయే బిడ్డకు అన్నీ నువ్వే చేయాలి అని మౌనిక సంతోషంగా చెప్తుంది. నీ భర్త చేయనిస్తాడా అని బాలు అంటే నాకు అదే డౌట్ అన్నయ్యా అని మౌనిక అంటే నిన్ను ఇంటికి పంపిన వాడు ఆ పని కూడా చేయినిస్తాడులే అని మీనా అంటుంది. </p>
<p><strong>నీ భర్త తాగుతున్నాడు..</strong></p>
<p>మనోజ్ పార్క్ ఫ్రెండ్‌తో కలిసి బార్లో తాగుతూ ఉంటాడు. మళ్లీ నా భార్య నన్ను మోసం చేసింది అని చెప్పి తాగుతాడు. అక్కడే ఉన్న గుణ మనోజ్‌ని చూసి రోహిణికి కాల్ చేసి నీ భర్త బార్‌లో ఉన్నాడు.. తాగుతున్నాడు.. నువ్వు రెండు లక్షలు ఇవ్వకపోతే దినేష్‌కి కాల్ చేసి నీ భర్తకి చూపిస్తా.. దినేష్ నీ భర్తతో ఏదో చెప్పాలంట అని గుణ అంటే రోహిణి చాలా భయపడుతుంది. గుణని తిడుతుంది. నీకు లొకేషన్ పెట్టా డబ్బు తెచ్చేయ్ అని గుణ అంటాడు. </p>
<p><strong>మీ కోడలు మలేషియా ఎప్పుడు తీసుకెళ్తుంది.. </strong></p>
<p>ప్రభావతి ఇంటికి వ్రతానికి ముత్తయిదువులు వస్తారు. ప్రభావతి అందరితో మాట్లాడుతూ ఉంటుంది. మీకు మంచి కోడళ్లు ముగ్గురు వచ్చారు పెద్ద కోడలు అయితే మిమల్ని మలేషియా తీసుకెళ్తుంది అని అంటారు. ప్రభావతి మనసులో రోహిణిని తిట్టుకుంటుంది. ఇక ముగ్గురు కోడళ్లతో ముత్తయిదువులు మాట్లాడుతారు. మరోవైపు బార్‌లో ఉన్న మనోజ్‌ని గుణ చూడటం చూసిన బాలు ఫ్రెండ్ బాలుకి విషయం చెప్పాలి అనుకుంటాడు. దీంతో ఇవాళ్టి ఎపిసోడ్ పూర్తయిపోతుంది.</p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.</strong></a></p>
1 month ago
3 
