<p><strong>Parthiv Patel Reveals Strategy To Dismiss Vaibhav Sooryavanshi:</strong> ఐపీఎల్ 2026 సీజన్ ముగింపు దశకు చేరుకుంది. ఫైనల్ లో రాయల్ ఛాలెంజర్స్ బెంగళూరుతో తలపడే రెండో జట్టు ఏదో తేల్చేందుకు శుక్రవారం గుజరాత్ టైటాన్స్ (GT), రాజస్థాన్ రాయల్స్ (RR) జట్ల మధ్య న్యూ చండీగఢ్ వేదికగా క్వాలిఫైయర్ 2 మ్యాచ్ జరగనుంది. ఈ హై-వోల్టేజ్ మ్యాచ్ కు ముందు గుజరాత్ టైటాన్స్ అసిస్టెంట్ కోచ్ పార్థివ్ పటేల్ ప్రెస్ కాన్ఫరెన్స్ లో మాట్లాడాడు. రాజస్థాన్ రాయల్స్ ఓపెనర్, 15 ఏళ్ల వండర్ కిడ్ వైభవ్ సూర్యవంశీని పవర్‌ప్లే లోనే వీలైనంత త్వరగా పెవిలియన్ చేర్చడమే తమ బౌలర్ల మెయిన్ ప్లాన్ అని అతడు ఓపెన్‌గా ఒప్పుకున్నాడు.</p>
<p>Read Also: Vaibhav Sooryavanshi Record: <a title="వైభవ్ సూర్యవంశీ సంచలనం: క్రిస్ గేల్ వరల్డ్ రికార్డు బద్దలు కొట్టిన 15 ఏళ్ల వండర్ కిడ్.. ఎలిమినేటర్ లో సిక్సర్ల తుఫాన్" href="https://telugu.abplive.com/sports/ipl/vaibhav-sooryavanshi-breaks-chris-gayle-record-smashes-most-sixes-in-single-ipl-season-248655" target="_self">వైభవ్ సూర్యవంశీ సంచలనం: క్రిస్ గేల్ వరల్డ్ రికార్డు బద్దలు కొట్టిన 15 ఏళ్ల వండర్ కిడ్.. ఎలిమినేటర్ లో సిక్సర్ల తుఫాన్</a></p>
<p><strong>పార్థివ్ పటేల్ స్పెషల్ అనాలిసిస్</strong></p>
<p>ఎలిమినేటర్ మ్యాచ్ లో సన్‌రైజర్స్ హైదరాబాద్ పై కేవలం 29 బంతుల్లోనే 12 సిక్సర్లతో 97 పరుగులు చేసి సూర్యవంశీ సృష్టించిన విధ్వంసాన్ని తాము గమనించినట్లు పార్థివ్ పటేల్ తెలిపాడు. సూర్యవంశీ ప్రస్తుతం అద్భుతమైన ఫామ్‌లో ఉన్నాడని, అతడి బ్యాటింగ్ స్టైల్ చూడటానికి చాలా బాగుందని ప్రశంసించాడు. అయితే ప్రత్యర్థి జట్టుగా రేపటి మ్యాచ్ లో అతడు ఎక్కువ సేపు క్రీజులో ఉండటం తమకు అస్సలు ఇష్టం లేదని చెప్పాడు. అతడిని కట్టడి చేసేందుకు తమ టీమ్ ఇప్పటికే వీడియోలను చూసి ప్రత్యేకమైన వ్యూహాలను సిద్ధం చేసుకున్నట్లు వెల్లడించాడు. ఆ ప్లాన్స్ ఏంటనేది గ్రౌండ్ లోనే చూపిస్తామని అతడు సవాల్ విసిరాడు.</p>
<p>Read Also: <a title="Hardik Pandya News: హార్దిక్ ఇన్‌స్టాగ్రామ్ అకౌంట్ డిలీట్: ఐపీఎల్ ఘోర వైఫల్యం తర్వాత ముంబై ఇండియన్స్ కెప్టెన్ షాకింగ్ నిర్ణయం.. ఫ్యాన్స్ షాక్" href="https://telugu.abplive.com/sports/ipl/hardik-pandya-deletes-instagram-account-after-mumbai-indians-poor-ipl-campaign-248657" target="_self">Hardik Pandya News: హార్దిక్ ఇన్‌స్టాగ్రామ్ అకౌంట్ డిలీట్: ఐపీఎల్ ఘోర వైఫల్యం తర్వాత ముంబై ఇండియన్స్ కెప్టెన్ షాకింగ్ నిర్ణయం.. ఫ్యాన్స్ షాక్</a></p>
<p><strong>సిరాజ్, రబాడలతో సూర్యవంశీ ఫైట్.. </strong></p>
<p>ఈ కీలకమైన మ్యాచ్ లో వైభవ్ సూర్యవంశీ వర్సెస్ గుజరాత్ టైటాన్స్ పేస్ అటాక్ మధ్య జరగబోయే పోరు అభిమానులకు ఫుల్ ఎంటర్‌టైన్‌మెంట్ ఇవ్వనుంది. గుజరాత్ కొత్త బంతి బౌలర్లు మహ్మద్ సిరాజ్, కాగిసో రబాడలు పవర్‌ప్లే లో సూర్యవంశీని ఎలా అడ్డుకుంటారనేది ఆసక్తికరంగా మారింది. ఈ సీజన్ లో సూర్యవంశీ 15 ఇన్నింగ్స్‌లలో 45.33 యావరేజ్, 242.85 స్ట్రైక్ రేట్‌తో ఏకంగా 680 పరుగులు సాధించాడు. ఇందులో ఒక సెంచరీ, నాలుగు హాఫ్ సెంచరీలు ఉన్నాయి. ఈ సీజన్ లో అతడు మొత్తం 55 ఫోర్లు, 65 సిక్సర్లు బాదడం అతడి డామినేషన్‌కు నిదర్శనం.</p>
<p><strong>సురేష్ రైనా రికార్డు సమం</strong></p>
<p>సూర్యవంశీ ఈ సీజన్ లో ఒకే ఐపీఎల్ ఎడిషన్ లో అత్యధిక సిక్సర్లు కొట్టిన క్రిస్ గేల్ వరల్డ్ రికార్డును 65 సిక్సర్లతో అధిగమించాడు. అలాగే ప్లేఆఫ్స్ హిస్టరీలో సురేష్ రైనా పేరిట ఉన్న 16 బంతుల ఫాస్టెస్ట్ ఫిఫ్టీ రికార్డును కూడా సమం చేశాడు.<a title=" ఇలాంటి డేంజరస్ బ్యాటర్‌ను ఆపడం గుజరాత్ టైటాన్స్ కు పెద్ద టాస్క్ కానుంది. గుజరాత్ బౌలర్లు తమ ప్లాన్స్ ను పక్కాగా ఎగ్జిక్యూట్ చేస్తేనే మ్యాచ్ తమ వైపు తిరుగుతుందని పార్థివ్ పటేల్ అభిప్రాయపడ్డాడు. ఈ మ్యాచ్ లో గెలిచిన టీమ్ మే 31న జరిగే గ్రాండ్ ఫైనల్ లో ఆర్‌సీబీతో టైటిల్ కోసం ఫైట్ చేయనుంది." href="https://telugu.abplive.com/sports/ipl/hardik-pandya-deletes-instagram-account-after-mumbai-indians-poor-ipl-campaign-248657" target="_self"> ఇలాంటి డేంజరస్ బ్యాటర్‌ను ఆపడం గుజరాత్ టైటాన్స్ కు పెద్ద టాస్క్ కానుంది. గుజరాత్ బౌలర్లు తమ ప్లాన్స్ ను పక్కాగా ఎగ్జిక్యూట్ చేస్తేనే మ్యాచ్ తమ వైపు తిరుగుతుందని పార్థివ్ పటేల్ అభిప్రాయపడ్డాడు. ఈ మ్యాచ్ లో గెలిచిన టీమ్ మే 31న జరిగే గ్రాండ్ ఫైనల్ లో ఆర్‌సీబీతో టైటిల్ కోసం ఫైట్ చేయనుంది.</a></p>
1 week ago
2 
