<p><strong>GST Reduction Effect On Two-wheelers India</strong>: మన దేశవ్యాప్తంగా, కొత్త GST స్లాబులు ఈ రోజు (సెప్టెంబర్ 22, 2025) నుంచి అమల్లోకి వచ్చాయి. 350 సీసీ లోపు ఇంజిన్‌ ఉన్న బైకులు 28% GST పరిధి నుంచి 18% GST పరిధిలోకి మారాయి. దేశంలో అతిపెద్ద ద్విచక్ర వాహన తయారీ సంస్థ హీరో మోటోకార్ప్, 18% GST శ్లాబ్‌ ప్రకారం, తన ద్విచక్ర వాహనాలపై రూ. 15,743 వరకు ధర తగ్గింపును ప్రకటించింది. ఈ కంపెనీ అందిస్తున్న చవకైన బైక్ Hero HF Deluxe బైకు రేటు ఇప్పుడు రూ. 5,805 తగ్గింది. తత్ఫలితంగా, ఈ బైక్ ధర ఇప్పుడు రూ. 54,933 నుంచి ప్రారంభం అవుతుంది. తెలుగు రాష్ట్రాల వినియోగదారులకు ఇది పెద్ద శుభవార్తగా మారింది.</p>
<p><strong>హీరో బైక్‌లు చవక</strong></p>
<p>తెలుగు రాష్ట్రాల్లో, హీరో HF డీలక్స్ ధర నిన్నటి వరకు రూ. 60,738 గా ఉండేది, ఈ రోజు నుంచి 10% జీఎస్టీ తగ్గింపుతో ఈ బండిని రూ. 54,933 ఎక్స్‌-షోరూమ్‌ ధరతో కొనుగోలు చేయవచ్చు. </p>
<p>హీరో కంపెనీ, తన బెస్ట్ సెల్లింగ్ బైక్ Hero Splendor Plus ధరను రూ. 6,820 తగ్గించింది. ఈ బైక్ ప్రారంభ ధర ఇప్పుడు రూ. 80,166 నుంచి రూ. 73,346 కు తగ్గింది.</p>
<p><strong>కోతను ప్రకటించిన బజాజ్ ఆటో </strong></p>
<p>బజాజ్ ఆటో, తన ద్విచక్ర వాహనాలపై రూ. 20,000 వరకు ఆకర్షణీయమైన తగ్గింపులు ప్రకటించింది. </p>
<p>ఈ బ్రాండ్‌లోని అత్యంత చవకైన బైక్ అయిన Bajaj CT 110X ధర ఇప్పుడు రూ. 6,500 తగ్గింది. దీంతో, ఈ టూవీలర్‌ ప్రారంభ ధర రూ. 67,561 నుంచి ఇప్పుడు రూ. 61,000 కు దిగి వచ్చింది. </p>
<p>Bajaj Pulsar EV కూడా దాదాపు రూ. 8,000 ప్రైస్‌ డిస్కౌంట్‌ పొందింది, దీంతో ఈ బైక్ ఇప్పుడు మరింత పోటీ ధరలో లభిస్తోంది.</p>
<p><strong>యమహా మోటార్స్ జీఎస్టీ ఆఫర్‌ </strong></p>
<p>జీఎస్‌టీ 2.0 కారణంగా, యమహా మోటార్స్‌ కూడా తన టూవీలర్ల ధరలను కాస్త నేల వరకు దించింది. </p>
<p>స్కూటర్లు & బైకులకు ఈ కంపెనీ రూ. 17,581 ధర తగ్గింపును ప్రకటించింది. కొన్ని మోడళ్లపై బీమా ప్రయోజనాలను యమహా మోటార్స్‌ అందిస్తోంది. </p>
<p>స్పోర్ట్స్‌ బైక్ అభిమానులకు యమహా గుడ్‌ న్యూస్‌ చెప్పింది. ఈ బ్రాండ్‌లోని పాపులర్‌ స్పోర్ట్స్ బైక్ Yamaha R15 ధరను ఈ రోజు నుంచి రూ. 15,761 తగ్గింది, ఇప్పుడు ఈ బండి ధర రూ. 1.74 లక్షల నుంచి స్టార్ట్ అవుతుంది.</p>
<p><strong>తెలుగు రాష్ట్రాల్లో వినియోగదారులకు లాభం</strong></p>
<p>హైదరాబాద్‌, విజయవాడ సహా అన్ని తెలుగు నగరాలు, పట్టణాల్లో ఈ తగ్గింపులు ఇప్పటికే అమల్లోకి వచ్చాయి. బైక్ కొనాలని ప్లాన్‌ చేస్తున్న యువతకు ఇది మంచి అవకాశంగా మారింది. ముఖ్యంగా ఎంట్రీ లెవల్‌ బైక్‌ల ధరలు 55 వేలు నుంచి ప్రారంభం కావడం వల్ల బడ్జెట్‌ ఫ్రెండ్లీ ఆప్షన్‌లు పెరిగాయి.</p>
<p>జీఎస్టీ తగ్గింపు వల్ల బైక్ మార్కెట్‌లో మళ్లీ ఉత్సాహం పెరగనుంది. హీరో, బజాజ్, యమహా మాత్రమే కాకుండా హోండా, టీవీఎస్ వంటి కంపెనీలు కూడా ధరలను సవరించాయి. కాబట్టి, ఈ పండుగ సీజన్‌లో తెలుగు రాష్ట్రాల వినియోగదారులకు బైక్ కొనుగోలు మరింత లాభదాయకం కానుంది.</p>
2 months ago
3 
