<p><strong>Google Maps: </strong>మనం ప్రయాణించే పద్ధతిని, కొత్త ప్రాంతాలను అన్వేషించే విధానాన్ని గూగుల్‌ మ్యాప్స్‌ పూర్తిగా మార్చేస్తోంది. టెక్ దిగ్గజం గూగుల్ తన మ్యాప్స్‌ ప్లాట్‌ఫామ్‌కు ఇప్పటి వరకు చేపట్టని అత్యంత భారీ అప్‌గ్రేడ్‌ను ప్రకటించింది. ఏఐ, ఏఆర్ టెక్నాలజీని జోడించడం ద్వారా వినియోగదారులకు మునుపెన్నడూ లేని సరికొత్త అనుభూతిని అందించేందుకు గూగుల్‌ సిద్ధమైంది. ఈ అప్‌డేట్‌లో ప్రధాన ఐదు మైండ్ బ్లోయింగ్‌ ఫీచర్లు అందిస్తోంది. </p>
<h3>ఏఐ పవర్డ్‌ త్రీడీ నావిగేషన్</h3>
<p>ఈ అప్‌డేట్‌లో అత్యంత కీలకమైంది ఏఐ పవర్డ్‌ త్రీడీ నావిగేషన్‌. సాధారణంగా మనం మ్యాప్స్‌లో టీడీ లేదా శాటిలైట్ వ్యూ చూసుంటాం. కానీ ఇప్పుడు ఏఐ సహాయంతో నగరాన్ని, దారిని త్రీడీ రూపంలో చూడొచ్చు. దీని వల్ల క్లిష్టమైన మలుపులు, ఫ్లైఓవర్లు, బిల్డింగ్‌లను వాస్తవ రూపంలో చూడటం సాధ్యమవుతుంది. ఇది నావిగేషన్‌ను మరింత సులభతరం చేస్తుంది. </p>
<h3>మ్యాప్స్‌లో లెన్స్‌ మ్యాజిక్‌ </h3>
<p>గూగుల్‌ మ్యాప్స్‌లో లెన్స్‌ ఫీచర్‌ ఒక అద్భుతమనే చెప్పాలి. ఇది ఏఐ, ఆగ్మెంటెడ్‌ రియాలిటీని ఉపయోగించి మీ చుట్టుపక్కల ఉన్న పరిసరాల గురించి తక్షణ సమాచారాన్ని అందిస్తుంది. మీరు ఏదైనా వీధిలో వెళ్తున్నప్పుడు మీ ఫోన్ కెమెరా చుట్టుపక్కల ఉన్న భవనాల వైపు చూపిస్తే అక్కడ ఏముంది, అది ఏ షాపు, దానికి సంబంధించిన రేటింగ్స్ ఏంటో వివరాలు మీ స్క్రీన్‌పై చూపిస్తుంది. </p>
<h3>లైవ్‌ వ్యూ సెర్చింగ్‌</h3>
<p>మీరు ఉన్న చోటు నుంచే పరిసరాలను సెర్చ్ చేయడానికి గూగుల్ మ్యాప్స్ ఇప్పుడు ఒక కెమెరా ఐకాన్‌ను అందుబాటులోకి తెచ్చింది. ఈ ఐకాన్ ట్యాప్ చేయడం ద్వారా లైవ్‌ వ్యూ సెర్చింగ్ ప్రారంభించవచ్చు. దీని ద్వారా మీకు సమీపంలో ఉన్న ఏటీంలు, రెస్టారెంట్‌లు, పార్కులు, ట్రాన్సిట్‌స్టేషన్లను వెంటనే తెలుసుకోవచ్చు. కేవలం గుర్తించడమే కాకుండా, అవి ఇప్పుడు ఓపెన్ చేసి ఉన్నాయా, యూజర్లు ఇచ్చిన రేటింగ్స్ ఎంతో చూపిస్తుంది. </p>
<h3>చిన్న వివరాలు అధిక ప్రాధాన్యత </h3>
<p>చాలా సార్లు మనం గమ్యస్థానానికి చేరుకున్నాక, అక్కడ పార్కింగ్‌ ఎక్కడ ఉంది, లేదా లోపలికి వెళ్లే దారి ఎక్కడ ఉందో తెలియక ఇబ్బంది పడుతుంటాం. ఈ సమస్యకు గూగుల్ పరిష్కారం చూపించింది. తాజాగా అప్‌గ్రేడ్‌తో పార్కింగ్‌ ఉందా లేదా, ప్రవేశ ద్వారాల సమాచారాన్ని కూడా మ్యాప్స్‌ స్పష్టంగా చూపిస్తుంది. దీని వల్ల ప్రయాణికులకు సమయం ఆదా అవ్వడమే కాకుండా గమ్యస్థానానికి చేరుకోవడం అత్యంత సౌకర్యవంతంగా మారుతుంది. </p>
<p>గూగుల్ మ్యాప్స్‌ కేవలం దారి చూపే యాప్ లాగా కాకుండా, ఒక పర్శనల్‌ ట్రావెల్ అసిస్టెంట్‌గా మారుతోంది. ఏఐ మేధస్సును నావిగేషన్‌కు జోడించడం ద్వారా గూగు్‌ తన ప్రత్యర్థుల కంటే ఎంతో ముందు వరుసలో నిలుస్తోంది. </p>
4 weeks ago
4 
