<p style="text-align: justify;">నేటి కాలంలో ఇంజనీరింగ్, ఎంసీఏ లాంటి ప్రొఫెషనల్ స్టడీ పూర్తయ్యాక యువతీ యువకులు ఒక పెద్ద కంపెనీలో పని చేయాలి అనుకుంటున్నారు. ప్రపంచంలోని అగ్ర కంపెనీల విషయానికి వస్తే గూగుల్, మైక్రోసాఫ్ట్‌లలో జాబ్ కోసం చూస్తుంటారు. సెర్చింజన్ దిగ్గజం గూగుల్‌లో జాబ్ అంటే కేవలం ఉద్యోగం కాదు. ఇది మీ జీవితాన్ని కొత్త శిఖరాలకు తీసుకెళ్లే అవకాశం కల్పిస్తుంది. ఇక్కడ అద్భుతమైన జీతం, మంచి వర్క్ కల్చర్, ప్రపంచ స్థాయి బృందంతో ప్రపంచవ్యాప్తంగా పని చేసే అవకాశం లభిస్తుంది.</p>
<p style="text-align: justify;">గూగుల్‌లో కేవలం IIT, IIM లేదా పెద్ద విశ్వవిద్యాలయాలలో చదువుకున్న వారు మాత్రమే ఉద్యోగం పొందగలరని చాలా మంది భావిస్తారు. కానీ నేడు గూగుల్ డిగ్రీల కంటే నైపుణ్యాలకు ఎక్కువ ప్రాధాన్యత ఇస్తుంది. అటువంటి పరిస్థితిలో గూగుల్‌లో ఉద్యోగం పొందడానికి ఏ కోర్సులు చాలా సహాయపడతాయి, ఏ నైపుణ్యాలు మీకు జాబ్ అవకాశాలను పెంచుతాయి. ఈ కోర్సులను ఎక్కడ చేయవచ్చు? అనే వివరాలను ఇక్కడ అందిస్తున్నాం. </p>
<p style="text-align: justify;"><strong>గూగుల్‌లో ఉద్యోగం కోసం ఏ కోర్సులు చేయాలి?</strong></p>
<p style="text-align: justify;">గూగుల్, మైక్రోసాఫ్ట్, అమెజాన్, ఫ్లిప్‌కార్ట్ వంటి పెద్ద టెక్ సంస్థలలో ఉద్యోగం సంపాదించడానికి కొన్ని ప్రత్యేక నైపుణ్యాలు చాలా అవసరం. మీరు ఈ నైపుణ్యాలను Google, Coursera, Skillshare, యూట్యూబ్ YouTube లేదా ఇతర వెబ్‌సైట్‌ల వంటి అనేక ఆన్‌లైన్ ప్లాట్‌ఫారమ్‌ల నుండి నేర్చుకోవచ్చు. </p>
<p style="text-align: justify;"><strong>1. డిజిటల్ మార్కెటింగ్ -</strong> మీకు ఇంటర్నెట్, సోషల్ మీడియా, ప్రకటనలకు సంబంధించిన విషయాలపై ఆసక్తి ఉంటే ఈ కోర్సు మీకు చాలా ఉపయోగకరంగా ఉంటుంది. ఇందులో మీరు సెర్చ్ ఇంజిన్ ఆప్టిమైజేషన్ (SEO), సోషల్ మీడియా మార్కెటింగ్, గూగుల్ యాడ్స్, పెయిడ్ అడ్వర్టైజింగ్ కంటెంట్ మార్కెటింగ్‌ స్కిల్స్ నేర్చుకుంటారు. డిజిటల్ మార్కెటింగ్‌ను నేర్చుకోవడం ద్వారా మీరు కంపెనీల ప్రొడక్ట్, సేవల గురించి ఆన్‌లైన్‌లో ప్రచారం చేయవచ్చు. YouTube, గూగుల్ యాడ్స్ (Google Ads), Google Search వంటి గూగుల్ అనేక ప్రాజెక్ట్‌లకు ఈ రంగంలోని నిపుణులు ఎల్లప్పుడూ అవసరం. </p>
<p style="text-align: justify;"><strong>2. డేటా అనలిటిక్స్ -</strong> నేటి టెక్నాలజీ ప్రపంచంలో డేటాను కొత్త బంగారం అని పిలుస్తున్నారు. కంపెనీలు డేటా ఆధారంగానే నిర్ణయాలు తీసుకుంటాయి. ఈ కోర్సులో మీరు డేటాను సేకరించడం, డేటాను అర్థం చేసుకుని, విశ్లేషించడం, గ్రాఫ్‌లు, చార్ట్‌లను తయారు చేయడం (డేటా విజువలైజేషన్). డేటాను ఉపయోగించి మంచి నిర్ణయాలు తీసుకోవడంపై అవగాహనా పెంచుకుంటారు. గూగుల్‌లో డేటా అనలిస్టులు, డేటా శాస్త్రవేత్తలకు చాలా డిమాండ్ ఉంది. ఈ నైపుణ్యం మీ ఉద్యోగావకాశాలను చాలా రెట్లు పెంచుతుంది. </p>
<p style="text-align: justify;"><strong>3. ప్రాజెక్ట్ మేనేజ్‌మెంట్ -</strong> ప్రతి పెద్ద కంపెనీలాగే గూగుల్‌లో కూడా ఒకేసారి అనేక ప్రాజెక్టులు చేస్తుంటారు. ఈ కోర్సులో మీరు ప్రాజెక్ట్ ప్లానింగ్, టీమ్ మేనేజ్‌మెంట్, టైమ్ మేనేజ్‌మెంట్, ప్రాజెక్ట్‌ను సరిగ్గా ఎలా పూర్తి చేయాలో నేర్చుకుంటారు. మీరు టీమ్‌ను లీడ్ చేయాలనుకుంటే లేదా బాధ్యతాయుతమైన ఉద్యోగం కోసం చూస్తున్నట్లయితే ఈ కోర్సు మీకు సరైన ఎంపిక. </p>
<p style="text-align: justify;"><strong>4. UX డిజైన్ -</strong> Gmail, యూట్యూబ్ YouTube లేదా Google Maps అయిన Google ప్రతి ఉత్పత్తి యూజర్ ఫ్రెండ్లీగా ఉండాలి. UX డిజైనర్లు ఇదే పని చేస్తుంటారు. ఈ కోర్సులో మీరు యూజర్ రీసెర్చ్, వైర్‌ఫ్రేమింగ్, యాప్, వెబ్‌సైట్ ప్రోటోటైప్‌ను క్రియేట్ చేయడం, యూజర్ ఎక్స్‌పీరియన్స్ మెరుగుపరచడం నేర్చుకుంటారు. మీకు క్రియేటివ్ వర్క్ ఇష్టమైతే, యాప్‌లు, వెబ్‌సైట్‌లను రూపొందించడంపై ఆసక్తి ఉంటే, ఈ కోర్సు మీకు బెస్ట్ ఆప్షన్. </p>
<p style="text-align: justify;"><strong>5. IT సపోర్ట్ -</strong> గూగుల్ అతిపెద్ద, అధునాతన సాంకేతిక వ్యవస్థలను నిర్వహించడానికి IT సపోర్ట్ టీమ్ ఎల్లప్పుడూ అవసరం. ఈ కోర్సులో మీకు కంప్యూటర్ హార్డ్‌వేర్, సాఫ్ట్‌వేర్, నెట్‌వర్కింగ్, సిస్టమ్ సెక్యూరిటీతో పాటు సాంకేతిక సమస్యలను పరిష్కరించడం నేర్పిస్తారు. మీరు సాంకేతిక రంగంలో పని చేయాలనుకుంటే, ఈ కోర్సు మీకు సరైనది. </p>
1 week ago
2 
