<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 16న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> <br /><strong>డబ్బులు పోయావి..</strong></p>
<p>జాను మురళీని డబ్బులు ఎక్కడ బావ అని అడిగితే డబ్బులు పోయావి జాను అని అంటాడు. జాను షాక్ అయిపోతుంది. ఏంటి బావ ఏం చెప్తున్నావ్ అని అడిగితే కొందరు రౌడీలు కొట్టి డబ్బు తీసుకున్నారు అని మురళీ జరిగింది చెప్తాడు. అలా ఎలా బావ.. అప్పటికీ అక్క చెప్తూనే ఉంది నీకు చెక్కు ఇవ్వొద్దు అని.. డబ్బు కట్టకపోతే ఆపరేషన్ చేయమని అంటున్నారు. ఇప్పుడు ఎలా బావ కిన్నెర ఆపరేషన్.. పాపం కిన్నెర అని జాను ఏడుస్తుంది. చెప్పు బావ ఇప్పుడేం చేద్దాం ఆపరేషన్ ఆగిపోతుంది అని జాను ఏడుస్తుంది. నాకు ఏం అర్థం కావడం లేదు జాను తప్పు నాదే వెళ్లి నందుకి విషయం చెప్పేస్తా అని మురళీ అంటే జాను ఆపి అక్కకి నిజం చెప్తే ఊరుకుంటుందా.. ఇప్పటికే ఇష్టం లేని పెళ్లి చేశాం అంటుంది. ఇప్పుడు విషయం చెప్తే జన్మలో నీ ముఖం చూడదు. మీ ఇద్దరూ విడిపోతారు బావ అని ఏడుస్తుంది. నేను చెప్పేస్తా అని మురళీ అంటే బావ అర్థం కాదా.. అక్క నిన్ను వదిలేస్తుంది అని అంటుంది. </p>
<p><strong>కుప్పకూలిపోయిన జాను..</strong></p>
<p>నందు బయటకు వచ్చే టైంకి హాస్పిటల్ స్టాఫ్ పిలవడంతో నందు వెళ్తుంది. మురళీ పోలీస్ కంప్లైంట్ ఇస్తాను అంటే ఇలాంటివి చాలా జరుగుతుంటాయి. ఎవరూ పట్టించుకోరు.. ముందు నువ్వు ఇంటికి వెళ్లు ఇలా చూస్తూ డౌట్ వస్తుంది అని జాను అంటే మరి కిన్నెర ఆపరేషన్ ఎలా జాను అని మురళీ ఏడుస్తూ పోలీసులకి కంప్లైంట్ ఇచ్చి ఇంటికి వెళ్తా అని పరుగులు తీస్తాడు. జాను ఏడుస్తూ లోపలికి వెళ్లి కుప్పకూలిపోతుంది. చాలా ఏడుస్తుంది. </p>
<p><strong>జాగ్రత్తగా చూసుకోండి.. </strong></p>
<p>పారుని డాక్టర్ వచ్చి చూసి ఇంజక్షన్లు వేస్తుంది. ఈ వయసులో ఆవిడ తినకపోతే ఎలా తనని చాలా జాగ్రత్తగా చూసుకోండి అని డాక్టర్ చెప్తుంది. నీ కోసమే ఇలా అమ్మ అయిపోయిందిరా నువ్వు త్వరగా పెళ్లి చేసుకోరా.. లేదంటే మేం వైజాగ్ వెళ్లిపోతాం అని రమణి, ఆమె భర్త అంటారు. మీరు వెళ్లిపోండిరా మేం కూడా పైకి పోతాం.. రేయ్ సంజు నిన్ను మేం వైజాగ్ నుంచి సంతోషంగా తెచ్చుకున్నాంరా. ఒక రోజు మేం ఇద్దరూ అటూ ఇటూ తేడాలో చనిపోతాం అప్పుడు మిమల్ని ఎవరూ అడగరు పెళ్లి చేసుకోమని అని శివుడు అంటారు. సంజయ్ చాలా బాధ పడతాడు. </p>
<p><strong>జాను డబ్బు ఎక్కడ..</strong></p>
<p>జాను దగ్గరకు నందు వచ్చి జాను ఇక్కడేం చేస్తున్నావ్.. డబ్బు ఎక్కడ అని అడిగితే డబ్బు లేదు.. ఇంకా అకౌంట్‌లో పడలేదు అని అంటుంది. బావతో పెట్టుకుంటే ఇలాగే అవుతుంది అని చెప్పాను కదా మీరే నా మాట వినకుండా బావ అకౌంట్‌లో వేయించమన్నావ్.. అలాంటి వ్యక్తిని నాకు తగిలించావ్.. బావతో ఏ పని అవ్వదు నాకు తెలుసు.. అయినా ఏంటి నువ్వు ఏడుస్తున్నావ్ అని నందు అంటే ఏం లేదు అని జాను కవర్ చేసి నందుని కిన్నెర దగ్గరకు వెళ్లమని అంటుంది. ఆపరేషన్ అయ్యాక డబ్బు కట్టేస్తాం అని జాను హాస్పిటల్‌లో అకౌంటెంట్‌ని అడిగితే అలా ఉండదు అని చెప్తారు.</p>
<p><strong>పెళ్లి చేసుకుంటా.. </strong></p>
<p>సంజు పారు కోసం భోజనం తీసుకెళ్తాడు. నేను పెళ్లి చేసుకుంటే నీకు హ్యాపీ కదా.. సరే నేను పెళ్లి చేసుకుంటా నువ్వు తిను అని తినిపిస్తాడు. నీ మాటతో నా మనసు నిండిపోయింది సంజు అని పారు చాలా సంతోషపడుతుంది. పెళ్లి వాళ్లని పిలిపించాలా అని బామ్మ అంటే వద్దు అమ్మాయిని నేనే చూసుకుంటా అని సంజు అంటాడు. బామ్మ చాలా సంబరపడిపోతుంది. </p>
<p><strong>పాపం సూర్య.. </strong></p>
<p>సూర్య జాను కోసం వెతికి వెతికి జాను ఉన్న ఏరియాలోనే గుడికి వస్తాడు. దేవుడిని దర్శించుకొని జానుని నాకు దూరం చేశావ్.. నిత్యతో పెళ్లి క్యాన్సిల్ చేశావ్ అంతా నీ పుణ్యమే.. జానుని నన్ను నువ్వే కలపాలి.. నిత్యని ఎందుకు పెళ్లి చేసుకోవాలి అన్నానో జానుకి చెప్పాలి.. మా ఇద్దరినీ నువ్వే కలపాలి అని గుడిలో ధీనంగా కూర్చొంటాడు. ఇంతలో జాను అదే గుడికి వస్తుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
1 month ago
3 
