<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(సెప్టెంబరు 15న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.<br /> </p>
<p><strong>డబ్బు తీసుకురా బావ.. </strong></p>
<p>జాను పూజ చేసి కిన్నెరతో దేవుడికి దండం పెట్టించి హాస్పిటల్‌కి తీసుకెళ్లడానికి రెడీ అవుతారు. కిన్నెర అందరితో నాకు ఆపరేషన్ చేస్తారా.. కత్తులతో కోసేస్తారా అని అడుగుతుంది. అందరూ ఎమోషనల్ అయి అలా ఏం లేదు ఇంజక్షన్ వేస్తారు అంతే అని చెప్తారు. అందరూ కిన్నెరను నవ్వించి హాస్పిటల్‌కి తీసుకెళ్తారు. ఇక బయటకు వెళ్లేటప్పుడు శివుడు, పారులు పాపకి ధైర్యం చెప్తారు. నందు మురళీతో బావ నువ్వు జాను వెళ్లి డబ్బు తీసుకొని రండి అని చెప్తుంది. నేను వెళ్తాలే అని మురళీ అంటాడు. కొంత డబ్బే తీసుకురా అని నందు అంటే మొత్తం తెచ్చస్తే బెటర్ అని మురళీ అంటాడు. ఇక బామ్మ, గౌతమి ఇంట్లో ఉండిపోతారు. జాను, నందు, శారద పాపని తీసుకొని హాస్పిటల్‌కి వెళ్తే మురళీ డబ్బు కోసం వెళ్తాడు. </p>
<p><strong>వెంటనే డబ్బు కట్టేయండి.. </strong></p>
<p>జాను వాళ్లు హాస్పిటల్‌కి వెళ్లి అడ్మిట్ అవుతారు. చిన్న ప్రాబ్లమ్ అయితే ఇంత పెద్ద హాస్పిటల్‌కి ఎందుకు తెచ్చారు అని కిన్నెర అడిగితే నువ్వు చిన్నపిల్లవి కదా అందుకే మంచి హాస్పిటల్‌కి తీసుకొచ్చామని అంటారు. ఇక డాక్టర్ పాపని చెక్ చేస్తుంది. ఇక డాక్టర్ జాను, నందులతో మాట్లాడి.. ఫారిన్ డాక్టర్ లక్కీగా వచ్చారు.. ఆయన్ను రప్పించాను.. డబ్బు వెంటనే కట్టేయండి లేట్ చేయొద్దు అని అంటుంది. మా బావ వెళ్లారు వచ్చేస్తారు అని జాను అంటుంది. ఇక నందు జానుతో బావ ఇంకా రాలేదు ఏంటి.. నాకు బావ తెలివి తేటల మీద నమ్మకమే లేదు.. అని అంటుంది. జాను నందుకి వస్తాడులే అని చెప్పి మనసులో బావ ఇంకా రాలేదు ఏంటా అనుకుంటుంది. </p>
<p><strong>మురళీని కొట్టి డబ్బు తీసుకున్న రౌడీలు.. </strong></p>
<p>మురళీ హాస్పిటల్‌లో డబ్బు తీసుకొని వెళ్తూ ఉంటే ఓ పెద్దాయన తనని డ్రాప్ చేయమని బతిమాలుతాడు. మురళీ సరే అని స్కూటీ ఎక్కించుకుంటాడు. కాస్త దూరం వెళ్లిన తర్వాత ఆ తాత ఓ లూప్ ఏరియాకి మురళీని తీసుకెళ్తాడు. అక్కడ చాలా మంది రౌడీలు ఉంటారు. వాళ్ల దగ్గర నుంచి తాత డబ్బు తీసుకొని నువ్వు చెప్పిన చోటుకి తీసుకొచ్చా ఓకేనా అని అంటాడు. ఇక రౌడీలు మురళీ దగ్గర ఆపరేషన్ డబ్బు లాక్కుంటే మురళీ డబ్బు ఇవ్వమని బతిమాలుతాడు. దాంతో రౌడీలు మురళీని రక్తాలు వచ్చేలా చాలా గట్టిగా కొడతారు. బ్యాగ్ ఇచ్చేయండిరా.. చిన్న పిల్ల ఆపరేషన్ అని మురళీ ఎంత బతిమాలినా వినకుండా చాలా కొడతారు. మురళీ అక్కడే పడిపోతాడు.<br /> <br /><strong>డబ్బు ఎక్కడ బావ.. </strong></p>
<p>రమణి పారు, శివుడిని తినమని బతిమాలుతుంది. ఇద్దరూ తినమంటే తినమని అంటారు. ఇంతలో పారు కళ్లు తిరిగి పడిపోతుంది. శివుడు, రమణి చాలా కంగారు పడతారు. వెంటనే రమణి సంజుకి కాల్ చేసి విషయం చెప్తుంది. ఇక జాను మురళీ ఇంకా రాలేదు ఏంటా అని ఫోన్ చేయడానికి బయటకు వస్తుంది. హాస్పిటల్ మెట్ల మీద ఒంటి నిండా గాయాలతో మురళీ కూర్చొని ఉంటాడు. జాను చూసి షాక్ అయి ఏమైంది బావ అని అంటే నాకేం కాలేదు జాను అని మురళీ ఏడుస్తాడు. హాస్పిటల్‌లో డబ్బు కట్టమని అడుగుతున్నారు డబ్బులు ఏవి బావ అని జాను అడిగితే మురళీ ఏడుస్తాడు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
1 month ago
3 
