<p><strong>Godavari Serial Today Episode</strong> ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జూన్‌ 30న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.</p>
<p><strong>వచ్చేస్తున్నా జాను..</strong></p>
<p>భువన సూర్యని తీసుకొని ఓ పెద్ద మీటింగ్‌కి తీసుకెళ్తూ ఉంటుంది. ఈ మీటింగ్ మనకి చాలా ముఖ్యం అని చెప్తూ ఉంటుంది. ఇంతలో జాను సూర్యకి ఫోన్ చేస్తుంది. ఏంటి ఈ టైంలో గోదారి అమ్మాయి కాల్ చేసింది.. అని అనుకుంటాడు. ఫోన్ లిఫ్ట్ చేయాలా వద్దా అనుకుంటూ ఉంటే లాస్ట్ టైం జాను ఫోన్ చేశా అప్పుడు అర్జెంట్ నువ్వు లిఫ్ట్ చేయలేదు అన్న విషయం గుర్చొచ్చి జాను ఫోన్ లిఫ్ట్ చేస్తాడు. జాను వేలంపాట గురించి చెప్పగానే కంగారుగా తల్లిని వదిలేసి అర్జెంట్ పని ఉందని వెళ్లిపోతాడు. ఆ జాను కోసం నన్ను నడిరోడ్డు మీద వదిలేసి వెళ్లిపోయాడు అని భువన అనుకుంటుంది.</p>
<p><strong>ALSO READ: <a title="Karthika Deepam 2 Serial Today June 30th: కార్తీకదీపం 2 సీరియల్: సీఈఓ బాధ్యతలు తీసుకున్న దీప.. దీప అసిస్టెంట్‌గా జ్యోత్స్న! దీపని వదినా అన్న సూరజ్!" href="https://telugu.abplive.com/entertainment/tv/karthika-deepam-2-serial-today-episode-june-30th-2026-written-update-in-telugu-in-star-maa-jio-hotstar-252062" target="_self">Karthika Deepam 2 Serial Today June 30th: కార్తీకదీపం 2 సీరియల్: సీఈఓ బాధ్యతలు తీసుకున్న దీప.. దీప అసిస్టెంట్‌గా జ్యోత్స్న! దీపని వదినా అన్న సూరజ్!</a></strong></p>
<p><strong>ఆడపిల్లల ఉసురు పాపం అండీ.. </strong></p>
<p>సింహాద్రి ఫోన్ చూసుకుంటే అరుణ కాఫీ ఇస్తుంది. ఏయ్ వద్దు తీసేయ్ అని భయపడిపోతాడు. అరుణ్ జాను కాఫీ ఇచ్చిన విషయం గుర్తు చేసుకొని మొన్న జాను కాఫీ ఇచ్చినప్పటి నుంచి మీరు కాఫీ అంటే ఉలిక్కిపడుతున్నారు అని అంటుంది. ఇదే వద్దు అని సింహాద్రి అరుస్తాడు. ఇంతలో ఇల్లు వేలం పాట అనౌన్స్ మెంట్ రావడంతో అరుణ చాలా బాధ పడుతుంది. సింహాద్రి నవ్వుకుంటాడు. పాపం అండీ శంకర్ అన్నయ్య పేరు మీద లోన్ తీసుకుంది మీరు.. వాళ్లని బలి చేయడం ఏంటి.. శంకర్ అన్నయ్య మిమల్ని దేవుడి కంటే ఎక్కువ నమ్మారు.. ఆయన పంపిన డబ్బు కొట్టేశారు.. వాళ్ల తోట కొట్టేశారు.. కనీసం వాళ్ల ఇల్లు అయినా వాళ్లకి ఉండనివ్వండి. పాపం ఆడవాళ్లు వాళ్ల ఉసురు తిగిలితే మంచిది కాదు అని అరుణ ఎంత చెప్పినా సింహాద్రి వినడు. ఈ విషయం నీ గొంతు దాటకుండా సమాధి అయిపోవాలి కాదు అంటే నువ్వు కూడా వాళ్లలా రోడ్డున పడతావ్ అని సింహాద్రి భార్యని భయపెడతాడు. తోటతో పాటు ఇంటిని కూడా సొంతం చేసుకుంటే ఓ పని అయిపోతుందని సింహాద్రి అనుకుంటాడు.</p>
<p><iframe title="YouTube video player" src="https://www.youtube.com/embed/liqKr6-C1ME?si=sVdEVKQXzrfB-Q4S" width="560" height="315" frameborder="0" allowfullscreen="allowfullscreen"></iframe></p>
<p><strong>ఏం చేయాలి అన్నయ్యా మీరే చెప్పండి.. </strong></p>
<p>జాను వాళ్లు వేలంపాట దగ్గరకు వెళ్తారు. అందరూ బోర్డు చూసి ఏడుస్తుంటే జాను బోర్డు పీకేస్తుంది. తర్వాత వేలం పాట దగ్గరకు వెళ్లి కుర్చీలు తోసేసి పేపర్లు పడేస్తుంది. మొన్న మా ఇంటి మీద లోన్ ఉందని చెప్పారు. ఆ అనుమానాలు పోకుండానే ఇల్లు వేలం వేసే అధికారం మీకు ఎవరు ఇచ్చారు అని జాను అడుగుతుంది. మొన్న మీ నాన్న సంతకంతో ఉన్న లోన్ డాక్యుమెంట్స్ మీకు చూపించాం కదా లోన్ కట్టకపోతే వేలం వేసే అధికారం బ్యాంక్‌కి ఉంది అని అధికారి జానుని తోసేస్తాడు. అప్పుడే సూర్య వచ్చి జానుని పట్టుకుంటాడు. రేయ్ నువ్వు అసలు మనిషివేనా అని సూర్య అధికారి కాలర్ పట్టుకుంటాడు. ఎంత మంది వదలమన్నా సూర్య వదలడు.. దూరం నుంచి చూస్తున్న సింహాద్రి వీడియో తీసి.. తర్వాత వెళ్లి సూర్యని ఆపుతాడు. నువ్వు అయినా పిల్లలకు చెప్పాలి కదా చెల్లమ్మా అని సింహాద్రి అంటే ఇప్పటికే తోట పోయింది అన్నయ్యా ఇప్పుడు ఇళ్లు పోతే నలుగురి ఆడపిల్లలతో ఎక్కడ ఉండాలి అని శారద ఏడుస్తుంది. పరిస్థితులు చేజారిపోయావి అమ్మా అని సింహాద్రి అంటే నేను ఇల్లు చేజారిపోనివ్వను.. కోర్టుకి వెళ్తా అని జాను అంటుంది. మా పర్సనల్ లాయర్ ఉన్నారు వెళ్దాం పద అని సూర్య జానుతో చెప్పి తీసుకెళ్తాడు. నందు, మురళీ కూడా వెళ్తారు. </p>
<p><strong>ALSO READ: <a title="Kalavari Kodalu Kanaka Mahalakshmi Serial Today June 29th: కలవారి కోడలు కనక మహాలక్ష్మీ: విహారి ఇంటికొచ్చిన లక్ష్మీ! పండుని మామయ్య అంటూ ఏడిపించేసిన సిరి పాప!" href="https://telugu.abplive.com/entertainment/tv/kalavari-kodalu-kanaka-mahalakshmi-serial-today-june-29th-2026-written-update-in-telugu-in-zee-5-252005" target="_self">Kalavari Kodalu Kanaka Mahalakshmi Serial Today June 29th: కలవారి కోడలు కనక మహాలక్ష్మీ: విహారి ఇంటికొచ్చిన లక్ష్మీ! పండుని మామయ్య అంటూ ఏడిపించేసిన సిరి పాప!</a></strong></p>
<p><strong>వాళ్లని చంపేస్తా..</strong></p>
<p>బ్యాంక్ అధికారులు సింహాద్రి దగ్గరకు వెళ్లి వాళ్లేంటి సార్ అలా రివర్స్ అవుతున్నారు.. ఇలా అయితే కష్టం కదా అని అంటే అవసరం అయితే వాళ్లని చంపేస్తా అంతే కానీ నాకు కావాలి అనుకున్నది వదలను.. ఈ రోజు ఎలా అయినా వేలం పాట జరగాలి.. మీ మేనేజర్‌కి మొత్తం చెప్పారు కదా అని సింహాద్రి అంటాడు. మరోవైపు గౌతమి, కల్యాణ్‌ని కలుస్తుంది. మా ఇంటికి నువ్వే వేలం పాట పాడాలి బ్యాంక్ నుంచి విడిపించాలి.. దాన్ని మా వాళ్లు చూస్తుంటే నువ్వు నాకు గిఫ్ట్ ఇవ్వాలి.. అప్పుడే మన ప్రేమ గురించి తెలుస్తుందని అంటుంది. నా పాకెట్ మనీకే మా అమ్మని కాకా పట్టాలి అలాంటి నేను లక్షలతో మీ ఇంటిని కొనాలా అంత సీన్ లేదు అని కల్యాణ్ అంటాడు. నీ ప్రేమ నిజం అయితే వేలం పాట పాడి నిరూపించుకో అని అంటుంది. నువ్వు నన్ను మోసం చేస్తావ్ నాకు తెలుసు అని వెళ్లిపోతుంది. </p>
<p><strong>మీరే సాయం చేయాలి.. </strong></p>
<p>సూర్య వాళ్ల పర్సనల్ లాయర్ దగ్గరకు తీసుకెళ్తాడు. సూర్య లాయర్‌తో విషయం చెప్తాడు. మీ నాన్న 20 లక్షలు లోన్ తీసుకున్నట్లు డాక్యుమెంట్స్ క్లియర్‌గా ఉన్నాయి.. దీని మీద ఫైట్ చేయడానికి ఎలాంటి అవకాశం లేదమ్మా.. అని లాయర్ అంటారు. ఇల్లుని దక్కించుకోవడానికి ఒక్కటే మార్గం ఉందమ్మా.. కోర్టు నుంచి స్టే ఆర్డర్ తీసుకురావాలి అని అంటారు. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? లాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? లాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.</strong></a></p>
4 months ago
9 
