<p><strong>Ginger Turmeric Tea Benefits :</strong> వాతావరణంలో మార్పులు ఎక్కువగా ఉంటే.. సీజనల్ ఇన్ఫెక్షన్ల ప్రమాదం కూడా పెరుగుతుంది. ఇమ్యూనిటీ తగ్గి.. దగ్గు, జలుబు, జ్వరం వంటి సమస్యలు వస్తాయి. అందుకే చాలా మంది కొన్ని సహజమైన, హెల్తీ డ్రింక్స్ తమ రొటీన్లో చేర్చుకుంటారు. వాతావరణానికి అనుగుణంగా శరీరాన్ని వెచ్చగా ఉంచి, మంచి అనుభూతిని కలిగించే పానీయాలు ఇంట్లోనే చేసుకుంటారు. వాటిలో అల్లం, పసుపుతో చేసే టీ ఒకటి. </p>
<p>తాజా అల్లం, పసుపు, నల్ల మిరియాలు, నిమ్మకాయతో ఈ టీని తయారు చేస్తారు. ఓ రకంగా చెప్పాలంటే దీనిని ఔషదంగా, వివిధ ఆరోగ్య సమస్యలను దూరం చేసుకునేందుకు తీసుకుంటారు. దీనిలోని సహజమై రుచి సీజన్ మారే సమయంలో అద్భుతమైన మూలికా పానీయంగా పని చేస్తుంది. మరి అల్లం, పసుపు టీ తాగడం వల్ల ఆరోగ్యానికి కలిగే ప్రయోజనాలు ఏంటో.. దానిని ఎలా తయారు చేసుకోవాలో చూసేద్దాం.</p>
<p><strong>Also Read : <a href="https://telugu.abplive.com/lifestyle/healthy-herbal-tea-recipes-that-support-weight-loss-from-black-tea-to-oolong-tea-208063" target="_blank" rel="noopener">బరువు తగ్గడానికి హెల్ప్ చేసే హెర్బల్ టీలు.. టాప్ 5 ఇవే</a></strong></p>
<h3>అల్లం-పసుపు టీ తయారీ..</h3>
<p>అల్లం-పసుపు టీ.. సాధారణ పాల టీకి భిన్నంగా ఉంటుంది. దీనిలో టీ పౌడర్, పాలు, పంచదారకు బదులుగా.. తాజా అల్లం, పసుపు, నల్ల మిరియాలు, నిమ్మకాయను ఉపయోగిస్తారు. ఈ హెర్బల్ టీ కోసం గిన్నెలో నీటిని తీసుకుని.. తక్కువ మంట మీద ఉంచుతారు. దానిలో అల్లం, పసుపు, నల్లమిరియాలు వేస్తారు. అవి మరిగించిన తర్వాత వడకట్టి ఆ నీటిలో నిమ్మరసం కలిపి తాగుతారు. ఇది ప్రత్యేకమైన రుచిని, సువాసనను అందిస్తుంది.</p>
<p>మీరు ఈ అల్లం-పసుపు టీలో రుచికోసం తేనెను కూడా ఉపయోగించవచ్చు. కావాలనుకుంటే తాజా తులసి ఆకులను కూడా కలుపుకోవచ్చు. టీ తయారైన తర్వాత ఎల్లప్పుడూ నిమ్మరసం కలపండి. అలాగే టీని ఎక్కువగా పెట్టుకోకుండా.. ఎల్లప్పుడూ తాజాగా చేసుకుని తాగితే మంచిది. </p>
<p><strong>Also Read : <a href="https://telugu.abplive.com/lifestyle/nettle-leaf-health-benefits-and-nettle-tea-recipe-in-telugu-159095" target="_blank" rel="noopener">మధుమేహాన్ని, కీళ్లనొప్పులను దూరం చేసే హెర్బల్ టీ.. దీనిని ఎలా తయారు చేయాలంటే</a></strong></p>
<h3>అల్లం-పసుపు టీ ప్రయోజనాలు..</h3>
<p>అల్లంలోని జింజెరోల్, పసుపులో కర్కుమిన్.. రెండూ యాంటీఆక్సిడెంట్, యాంటీ ఇన్ఫ్లమేటరీ గుణాలు కలిగి ఉంటాయి. ఇవి రెండూ కలిసి రోగనిరోధక శక్తి, జీర్ణక్రియ, శ్వాసకోశ సమస్యలు, కీళ్ల ఆరోగ్యానికి మేలు చేస్తాయి. ఈ టీలో ఉపయోగించే నల్ల మిరియాలు కర్కుమిన్ శోషణను మెరుగుపరచడంలో సహాయపడతాయి. అల్లం జీర్ణక్రియకు తోడ్పడుతుంది. వికారం, కడుపు ఉబ్బరం, తేలికపాటి గొంతు చికాకు నుంచి ఉపశమనం అందిస్తుంది.</p>
<p>మిల్క్ టీలో టీ ఆకులు, పాలు, తరచుగా చక్కెరను ఉపయోగిస్తారు. అయితే అల్లం-పసుపు టీ ఓ హెర్బల్ డ్రింక్. కాబట్టి ఇది సహజంగా కెఫిన్ రహితమైనది. కెఫిన్ వినియోగాన్ని తగ్గించుకోవాలనుకునే వారికి ఇది మంచి ఎంపికగా చెప్తారు. పైగా ఈ టీలో కేలరీలు చాలా తక్కువగా ఉంటాయి. బరువు తగ్గాలనుకునేవారు దీనిని తమ రోజూవారీ డైట్లో చేర్చుకోవచ్చు.</p>
<p><strong>Also Read : <a href="https://telugu.abplive.com/lifestyle/making-perfect-tea-taste-color-water-milk-sugar-258025" target="_blank" rel="noopener">టీ పర్ఫెక్ట్గా రావాలంటే ముందుగా పాలు వేయాలా? లేదా నీళ్లా? బెస్ట్ టేస్ట్ కోసం ఈ పద్ధతి ట్రై చేయండి</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/lifestyle/want-to-lose-weight-without-going-to-the-gym-try-these-tips-259202" width="631" height="381" scrolling="no"></iframe></strong></p>
<p><strong>గమనిక :</strong> ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.</p>
1 month ago
3 
