First Passive Euthanasia: హరీష్ రాణా కారుణ్య మరణానికి సుప్రీంకోర్టు అనుమతి.. తీర్పు వెల్లడిస్తూ జడ్జి కన్నీళ్లు.. భారత్‌లో తొలి కేసు

<p data-path-to-node="0">న్యూఢిల్లీ: యూపీలోని ఘజియాబాద్&zwnj;కు చెందిన హరీష్ రాణా కేసులో కారుణ్య మరణానికి (Passive Euthanasia) సుప్రీంకోర్టు అనుమతి ఇచ్చింది. కారుణ్య మరణం తప్ప మరో దారి లేని ఈ కేసులో తీర్పు వెల్లడిస్తూ సుప్రీంకోర్టు న్యాయమూర్తి జస్టిస్ జేబీ పార్దీవాలా తీవ్ర భావోద్వేగానికి లోనయి, కన్నీళ్లు పెట్టుకున్నారు. ఏ తల్లిదండ్రులకు ఇలాంటి పరిస్థితి రాకూడదన్నారు. బుధవారం (మార్చి 11న) జస్టిస్ జేబీ పార్దీవాలా, జస్టిస్ కేవీ విశ్వనాథన్&zwnj;లతో కూడిన ధర్మాసనం హరీష్ రాణా కుటుంబం దాఖలు చేసిన కారుణ్య మరణం అప్లికేషన్&zwnj;కు ఆమోదం తెలిపింది. అయితే దేశంలో తొలి పాసివ్ కారుణ్యమరణం ఇదే. ట్రీట్మెంట్ నిలిపివేస్తూ పేషెంట్ చనిపోవడానికి అవకాశం కల్పించడమే పాసివ్ కారుణ్యమరణం. ఇంజెక్షన్ ద్వారా, లేదా ఇతర చికిత్సా విధానాల ద్వారా పేషెంట్&zwnj;కు యాక్టివ్ కారుణ్య మరణం సంభవించేలా చేసిన కేసులు ఉన్నాయి.&nbsp;</p> <p data-path-to-node="0"><strong>హాస్టల్ బిల్డింగ్ పైనుంచి పడిపోయిన కాలేజీ టాపర్..</strong></p> <p data-path-to-node="1">2013లో పంజాబ్ యూనివర్శిటీలో చదువుతున్న సమయంలో హాస్టల్ నాలుగో అంతస్తు నుంచి హరీష్ రాణా పడిపోయాడు. ఈ ప్రమాదంలో విద్యార్థి హరీష్ రాణా తలకు తీవ్ర గాయాలయ్యాయి. మెదడుపై తీవ్ర ప్రభావం చూపింది. అప్పటి నుంచి హరీష్ రాణా గత 13 ఏళ్లుగా మంచానికే పరిమితమయ్యారు. ఈ కాలంలో అతడి పరిస్థితిలో ఎలాంటి మార్పులేదు. దాదాపు దశాబ్దకాలం తరువాత అతడి అవస్థ చూడలేక హరీష్ రాణా కుటుంబం అతడికి కారుణ్య మరణం కల్పించాలని కోరుతూ సుప్రీంకోర్టులో పిటిషన్ దాఖలు చేసింది.</p> <p data-path-to-node="1"><strong>అత్యంత విషాకరం ఘటన.. జడ్జి కన్నీళ్లు..</strong></p> <p data-path-to-node="2">జస్టిస్ పార్దీవాలా ఈ కేసు తీర్పు వెల్లడిస్తూ.. &lsquo;ఇది అత్యంత విషాదకరం. ఇది మాకు చాలా కష్టమైన నిర్ణయం. కానీ ఈ అబ్బాయిని (హరీష్ రాణా) ఇంకా కష్టపెట్టలేం. అతడి బాధ చూడలేకపోతున్నాం. కుటుంబం ఎప్పుడూ ఆయనను వదిలిపెట్టలేదు. ఎవరినైనా ప్రేమించడం అంటే అత్యంత దారుణమైన సమయంలో కూడా వారిని సంరక్షించడమే. ప్రస్తుతం మేం చివరి నిర్ణయం తీసుకోవాల్సిన దశలో ఉన్నామని&rsquo; పేర్కొన్నారు.&nbsp;</p> <p data-path-to-node="3">హరీష్ కుటుంబం పెట్టుకున్న దరఖాస్తును సుప్రీంకోర్టు ఆమోదించింది. గత 13 ఏళ్లుగా హరీష్ రాణాకు అందిస్తున్న మెడికల్ సపోర్ట్ సిస్టమ్&zwnj;ను తొలగించాలని కోర్టు ఆదేశించింది. ఈ తీర్పునిస్తూ కోర్టు ఇలా వ్యాఖ్యానించింది.. ఇక్కడ ప్రధాన ప్రశ్న ఇలాంటి కేసుల్లో మరణం అనేది పేషెంట్&zwnj;కు సరైనదా కాదా అనేది కాదు. లైఫ్ సస్టైనింగ్ ట్రీట్&zwnj;మెంట్ (వెంటిలేటర్) ద్వారా అతడ్ని బతికించడం బాధితుడి ప్రయోజనాలకు అనుగుణంగా ఉందా లేదా అనేదే అసలైన ప్రశ్న. మెడికల్ ట్రీట్&zwnj;మెంట్&zwnj;ను ఉపసంహరించుకోవడానికి హరీష్&zwnj;ను ఎయిమ్స్ (AIIMS) పాలియేటివ్ కేర్&zwnj;లో చేర్చాలని సుప్రీంకోర్టు ఆదేశించింది. ఈ ప్రక్రియ మొత్తం పూర్తి గౌరవప్రదంగా జరిగేలా చూడాలని తమ తీర్పులో సుప్రీం ధర్మాసనం ఆదేశించింది.</p> <p data-path-to-node="4">నిరంతరం మంచంపైనే ఉండటం వల్ల హరీష్ రాణా శరీరంలో గాయాలయ్యాయి. పక్షవాతానికి గురైన హరీష్&zwnj;కు శ్వాస తీసుకోవడానికి, ఆహారం తినడానికి ఇబ్బంది అవుతోంది.&nbsp; రోజువారీ సంరక్షణ కోసం మెడికల్ ట్రీట్మెంట్ అవసరం. ఎయిమ్స్&nbsp; డాక్టర్స్ టీమ్ హరీష్ రాణా ఇంటికి వెళ్లి పరీక్షించి సుప్రీంకోర్టుకు నివేదిక సమర్పించింది. హరీష్ ట్రాకియోస్టోమీ ట్యూబ్ ద్వారా శ్వాస తీసుకుంటున్నాడని, గ్యాస్ట్రోస్టోమీ ట్యూబ్ ద్వారా ఆహారం అందిస్తున్నారని నివేదికలో తెలిపారు.</p> <p data-path-to-node="5">గతంలో ఢిల్లీ హైకోర్టు హరీష్ రాణా కుటుంబం దాఖలు చేసుకున్న పాసివ్ కారుణ్య మరణం పిటిషన్&zwnj;ను కొట్టివేసింది. భారత చట్టం ప్రకారం యాక్టివ్ కారుణ్య మరణం (Active Euthanasia) కి అనుమతి లేదని అప్పట్లో పేర్కొంది. ఆ తర్వాత ఆగస్టు 2024లో ఈ విషయం సుప్రీంకోర్టుకు చేరింది. అప్పట్లో కేంద్ర ప్రభుత్వానికి నోటీసులు జారీ చేస్తూ మానవీయ కోణంలో పరిష్కారాన్ని అన్వేషించాలని కోర్టు కోరింది.</p>