<p><strong>Fire Colours:</strong> మనం ప్రతి రోజూ నిప్పును చూస్తుంటాం. ఉదయం టీ పెట్టే దగ్గర నుంచి రాత్రి భోజనం వండే వరకు మనకు నిప్పుతో విడదీయలేని సంబంధం ఉంది. అసలు మానవ జీవితంలోని ఐదు ముఖ్యమైన అంశాల్లో నిప్పు ఒకటి. మనకు ప్రతి రోజూ నిప్పు అవసరం. అది మన నిత్య జీవితంలో భాగమైపోయింది. అయితే మీరు ఎప్పుడైనా గమనించారా? కట్టెల పొయ్యి వెలిగించినప్పుడు మంట ఒక రంగులో ఉంటుంది. గ్యాస్ స్టవ్ వెలిగించినప్పుడు మంట మరో రంగులో ఉంటుంది. నిప్పు కనిపెట్టడం వెనుక మనిషికి చాలా పెద్ద చరిత్ర ఉంది. కానీ మంటలకు వేర్వేరు రంగులు ఎందుకు ఉంటాయో మీకు తెలుసా? </p>
<h3>మంట రంగులు ఎందుకు మారుతుంటాయి?</h3>
<p>మనం మంట మండుతున్నప్పుడు దాని రంగును కచ్చితంగా గమనించే ఉంటాం. కట్టెల మంట, ఎల్పీజీ మంట, ప్లాస్టిక్ మంట అన్ని వేర్వేరు రంగుల్లో ఉంటా. దీనికి ప్రధానంగా రెండు కారణాలు ఉంటాయి. ఒకటి ఆ మంట ఎంత వేడితో మండుతోంది. రెండు ఆ మంటలో ఏయే పదార్థాలు మండుతున్నాయి. </p>
<p>చాలా సింపుల్‌గా చెప్పాలంటే మంట రంగు అది ఎంతే వేడిగా ఉందో నేరుగా తెలియజేస్తుంది. అంటే మంట రంగును చూసి అది ఎంత వేడిని ఇస్తుందో మనం గుర్తించవచ్చు. </p>
<p><strong>ఎరుపు రంగు;-</strong> ఒక వేళ మంట ఎరుపు రంగులో కనిపిస్తుంటే, దాని ఉష్ణోగ్రత 500 డిగ్రీల సెల్సియస్‌ కంటే తక్కువగా ఉన్నట్టు అర్థం. </p>
<p><strong>నారింజ రంగు లేదా ప్రకాశవంతమైన ఎరుపు:</strong> మంట నారింజ రంగులో లేదా బాగా మెరుస్తున్న ఎరుపు రంగులో ఉంటే అక్కడ వేడి వెయ్యి డిగ్రీల వరకు ఉందని అర్థం. </p>
<p><strong>పసుపు రంగు:</strong> ఒక వేళ మీకు పసుపు, నారింజ రంగు కలిసిన రంగులో మంట కనిపిస్తే అక్కడ ఉష్ణోగ్రత 1100 నుంచి 1200 డిగ్రీల వరకు ఉంటుంది. </p>
<h3>గ్యాస్ స్టౌవ్‌ మంట నీలం రంగులో ఎందుకు ఉంటుంది?</h3>
<p>మీ ఇంట్లోని ఎల్పీజీ గ్యాస్ స్టౌవ్‌ వెలిగించినప్పుడు మంట నీలం రంగులో ఉండటానికి ప్రత్యేక కారణం ఉంది. ఇలా జరగడానికి అతి ముఖ్‌మైన కారణం ఆ వాయువులో కార్బన్ పరిమాణం తక్కువగా ఉండటం. వంట గ్యాస్‌లో కార్బన్ తక్కువగా ఉంటుంది. కాబ్టి అది గాలితో కలిసినప్పుడు చాలా స్వచ్ఛంగా, ఎక్కువ వేడిని ఇస్తూ మండుతుంది. అందుకే ఆ మంట నీలం రంగులో కనిపిస్తుంది. దీనికి విరుద్ధంగా ఏదైనా ఇంధనంలో ఎక్కువ కార్బన్ ఉంటే, ఆ మంట ఎరుపు లేదా పసుపు రంగులో ఉంటుంది.</p>
1 month ago
3 
