<p> e- Shram Card 2026: అసంఘటిత రంగాల్లోని కార్మికులకు మద్దతు ఇచ్చేందుకు కేంద్ర కార్మిక, ఉపాధి మంత్రిత్వ శాఖ ఆగస్టు 26, 2021న ఇ-శ్రమ్ పథకాన్ని ప్రారంభించింది. కేంద్రం అసంఘటిత రంగ కార్మికుల కోసం జాతీయ డేటాబేస్ రూపొందించింది. వ్యవసాయం, నిర్మాణం, గృహ కార్మికులు, వీధి వ్యాపారం వంటి రంగాలలోని కార్మికులకు సంక్షేమ, సామాజిక పథకాల్లో అవకాశం కల్పించడం ఈ పథకం ముఖ్య ఉద్దేశం. అసంఘటిత రంగ కార్మికులను అధికారికంగా ఆర్థిక వ్యవస్థలో భాగం చేసేందుకు ఇ-శ్రమ్ స్కీమ్‌ను ప్రారంభించింది. అసంఘటిత రంగాల్లో పనిచేసే ఎవరైనా శ్రామిక్ కార్డు లేదా ఇ-శ్రమ్ కార్డు కోసం దరఖాస్తు చేసుకోవచ్చు. ఇ-శ్రమ్ పోర్టల్ 30 వ్యాపార రంగాలకు, సుమారు 400 వృత్తులు రిజిస్టర్‌కు అవకాశం ఉంది. </p>
<h3>ఇ-శ్రమ్ కార్డు ప్రయోజనాలు </h3>
<p>అసంఘటిత రంగంలో పనిచేసే ఎవరైనా లేబర్ కార్డు లేదా ఇ-శ్రమ్ కార్డ్ కోసం దరఖాస్తు చేసుకోవచ్చు. ఈ పథకం కింద, అసంఘటిత రంగ కార్మికులు 60 ఏళ్ల వయస్సు దాటిన తర్వాత రూ. 3 వేల పెన్షన్, రూ. 2 లక్షల మరణ బీమా, ప్రమాదంలో వైకల్యం సంభవిస్తే రూ.1 లక్ష ఆర్థిక సహాయం వంటి ప్రయోజనాలను పొందవచ్చు. లబ్ధిదారులకు దేశమంతటా చెల్లుబాటు అయ్యే 12-అంకెల UAN నెంబర్ కల్పిస్తారు. </p>
<h3>ఇ-శ్రమ్ పోర్టల్‌లో నమోదుకు అర్హతలు </h3>
<p>వయస్సు 16 నుంచి 59 సంవత్సరాల మధ్య ఉండాలి.<br />స్వయం ఉపాధి చేసుకుంటున్న వ్యక్తులు, రోజువారీ కూలీలు, గిగ్ వర్కర్లతో సహా అసంఘటిత రంగాల్లోని వారు అర్హులు. <br />ఆధార్ కార్డు, ఆధార్‌తో లింక్ అయిన మొబైల్ నెంబర్, బ్యాంకు అకౌంట్ ఉండాలి. <br />ఈపీఎఫ్‌ఓ, ఈఎస్ఐసీలో నమోదై ఉండకూడదు. </p>
<p>Also Read: <a title="ఇక డబ్బులు చిరిగిపోవు- ప్లాస్టిక్ నోట్లు ముద్రిస్తున్న ఆర్బీఐ" href="https://telugu.abplive.com/business/rbi-to-introduce-plastic-polymer-bank-notes-india-currency-cost-reduction-248922" target="_self">ఇక డబ్బులు చిరిగిపోవు- ప్లాస్టిక్ నోట్లు ముద్రిస్తున్న ఆర్బీఐ</a></p>
<h3>ఇ-శ్రమ్ పోర్టల్ ఫీచర్లు</h3>
<ol>
<li>యూనివర్సల్ అకౌంట్ నెంబర్ (UAN): ఇ-శ్రమ్ పోర్టల్‌లో రిజిస్టర్ చేసుకున్న కార్మికులు తమ ఆధార్‌కు లింక్ అయిన UANను పొందుతారు. ఇది అనేక ప్రయోజనాలను కల్పిస్తుంది. </li>
<li>ఒకసారి మాత్రమే నమోదు: ఈ పోర్టల్‌లో ఆధార్, బ్యాంకు అకౌంట్ వివరాలతో నమోదు చేసుకోవచ్చు. ఒకసారి మాత్రమే నమోదుకు అవకాశం ఉంటుంది. </li>
<li>ఇ-శ్రమ్‌లో రిజిస్టర్ చేసుకున్న కార్మికులు ఉద్యోగ అవకాశాలు, నైపుణ్య శిక్షణ, అప్రెంటిస్‌షిప్, పింఛన్ పథకాలు, డిజిటల్ స్కిల్ ట్రైనింగ్, రాష్ట్ర ప్రభుత్వ పథకాలతో అనుసంధానం వంటి అవకాశాలు కల్పిస్తారు. </li>
<li>తమ కుటుంబాలతో ఉపాధి కోసం వలస వెళ్లిన వారికి పిల్లల విద్య, మహిళలకు పథకాలను అందించేందుకు వలస కార్మికుల కుటుంబ వివరాలు సేకరిస్తారు. </li>
<li>ఇ-శ్రమ్ కార్డ్ ఉచిత నమోదు</li>
<li>ఇ-శ్రమ్ కార్డు పొందిన కార్మికులు బీమా, పింఛన్, ఇతర ప్రభుత్వ పథకాలలో ప్రయోజనం పొందుతారు. ఈ కార్డును ఉచితంగా పొందవచ్చు. దీనిని కార్మిక, ఉపాధి మంత్రిత్వ శాఖ వెబ్‌సైట్ https://eshram.gov.in/ లేదా CSC కేంద్రాల ద్వారా నమోదు చేసుకోవచ్చు.</li>
</ol>
<p>Also Read: <a title="బిగ్ అలర్ట్! జూన్ 1 నుంచి మారే కీలక నియమాలు.. మీ జేబుపై నేరుగా ప్రభావం చూపే మార్పులు ఇవే!" href="https://telugu.abplive.com/business/personal-finance/major-financial-rule-changes-from-june-1-2026-income-tax-upi-atm-lpg-248888" target="_self">బిగ్ అలర్ట్! జూన్ 1 నుంచి మారే కీలక నియమాలు.. మీ జేబుపై నేరుగా ప్రభావం చూపే మార్పులు ఇవే!</a></p>
<h3>ఎలా నమోదు చేసుకోవాలి?</h3>
<ul>
<li>ఇ-శ్రమ్ పోర్టల్ https://eshram.gov.in/పై క్లిక్ చేయండి. </li>
<li>ఆధార్‌తో లింక్ అయిన మొబైల్ నెంబర్, క్యాప్చా కోడ్‌ను ఎంటర్ చేసి, 'Send OTP' బటన్‌పై క్లిక్ చేయండి. </li>
<li>ఆ తర్వాత మీ మొబైల్ నెంబర్‌కు OTP వస్తుంది. ఓటీపీని ఎంటర్ చేసి, వెరిఫై బటన్‌ను క్లిక్ చేయండి. </li>
<li>అడ్రస్, విద్యార్హత అన్ని వివరాలను నమోదు చేయాలి. </li>
<li>స్కిల్, వ్యాపార అనుభవం, చేసే పని ఎంచుకోండి. </li>
<li>బ్యాంక్ అకౌంట్ వివరాలు ఎంటర్ చేయాలి. </li>
<li>మీ మొబైల్ నెంబర్ ఒక OTP పంపిస్తుంది. దానిని ఎంటర్ నమోదు చేయాలి. </li>
<li>మీ ఇ-శ్రమ్ కార్డు వివరాలు స్క్రీన్‌పై డిస్‌ప్లే అవుతాయి. ఇ-శ్రమ్ కార్డును డౌన్‌లోడ్ చేసుకోండి. </li>
</ul>
<p>Also Read: <a title=" రెండో ఫోన్‌కి బ్యాంకు అకౌంట్ అక్కర్లేదు - గూగుల్ పే యూపీఐ సర్కిల్ తో మీ ఫోనే మీ డిజిటల్ బ్యాంక్! ఫుల్ డీటైల్స్" href="https://telugu.abplive.com/business/personal-finance/google-pay-upi-circle-feature-how-to-use-on-secondary-phone-without-bank-account-247388" target="_self"> రెండో ఫోన్‌కి బ్యాంకు అకౌంట్ అక్కర్లేదు - గూగుల్ పే యూపీఐ సర్కిల్ తో మీ ఫోనే మీ డిజిటల్ బ్యాంక్! ఫుల్ డీటైల్స్</a></p>
<h3>కావాల్సిన పత్రాలు</h3>
<ul>
<li>ఆధార్ కార్డు</li>
<li>ఆధార్ కార్డుతో లింక్ అయిన మొబైల్ నంబర్ </li>
<li>బ్యాంకు అకౌంట్ వివరాలు<br /> </li>
</ul>
5 days ago
2 
